सार्फीको नेतृत्व नेपाल राष्ट्र बैंकमा हस्तान्तरण
Author
NEPSE trading
नेपाल राष्ट्र बैंकले साउथ एसियन रिजनल फाइनान्सियल इन्क्लुसन इनिसिएटिभ (सार्फी) को नेतृत्व ग्रहण गरेको छ। यससँगै, बैंकका तर्फबाट गभर्नर महाप्रसाद अधिकारीलाई सार्फीको अध्यक्षमा चयन गरिएको छ।
नेतृत्व हस्तान्तरण कार्यक्रम:
२ सेप्टेम्बर, २०२४ देखि एल्साल्भाडोरको राजधानी सान्साल्भाडोरमा जारी 'एलाइन्स फर फाइनान्सियल इन्क्लुसन एफआई ग्लोबल पोलिसी फोरम' मा आयोजित १५ औं 'सार्फी लिडर्स राउण्डटेबल' का क्रममा नेपाल राष्ट्र बैंकमा अध्यक्षता हस्तान्तरण गरिएको हो।
गभर्नर महाप्रसाद अधिकारी भर्चुअल माध्यमबाट सहभागी भएर बैठकको अध्यक्षता ग्रहण गरे।
उपाध्यक्षको चयन:
स्टेट बैंक अफ पाकिस्तान (एसबीपी)लाई सार्फीको उपाध्यक्ष चयन गरिएको छ।
यसअघि, सार्फीको नेतृत्व माल्दीभ्स मनिटरी अथोरिटीले गरेका थिए।
सार्फीको स्थापना र सदस्यता:
सन् २०२२ सेप्टेम्बरमा जोर्डनको डेड सीमा सम्पन्न 'ग्लोबल पोलिसी फोरम' मा सार्फीको स्थापना भएको थियो।
नेपाल राष्ट्र बैंकसहित बङ्गलादेश, भुटान, माल्दीभ्स, पाकिस्तान, र श्रीलङ्काका केन्द्रीय बैंकहरू उक्त सञ्जालमा आबद्ध छन्।
सार्फीको उद्देश्य:
क्षेत्रीय स्तरमा ज्ञान आदानप्रदान, क्षमता अभिवृद्धि, संयुक्त सिकाइ अभ्यास, र प्राविधिक सहायताको कार्यान्वयन।
विश्वव्यापी र क्षेत्रीयस्तरका असल अभ्यासको अनुसरण गर्दै वित्तीय समावेशीकरणलाई प्रवर्द्धन गर्नु।
नेपाल राष्ट्र बैंकको नेतृत्वमा सार्फीले दक्षिण एशियामा वित्तीय समावेशीकरणको प्रवर्द्धनमा अझ सशक्त भूमिका निर्वाह गर्ने अपेक्षा गरिएको छ।
