सिद्धार्थ बैंकले आर्थिक वर्ष २०८१/८२ का लागि १०.५३ प्रतिशत लाभांश प्रस्ताव

सिद्धार्थ बैंक लिमिटेड (SBL) ले आर्थिक वर्ष २०८१/८२ का लागि कुल १०.५३ प्रतिशत लाभांश वितरण गर्ने प्रस्ताव गरेको छ ।

बैंकको सञ्चालक समिति (BODs) को ४६१औं बैठकले असोज २१ गते बसेर उक्त लाभांश प्रस्ताव गरेको हो । प्रस्ताव अनुसार, बैंकले ५.५३ प्रतिशत नगद लाभांश (करसहित) र ५ प्रतिशत बोनस सेयर वितरण गर्नेछ । नगद लाभांशको कुल मूल्य रु. ७७ करोड ९१ लाख, र बोनस सेयरको मूल्य रु. ७० करोड ४४ लाख बराबर हुनेछ ।

बैंकको जारी पुँजी (Paid-up Capital) हाल रु. १४ अर्ब ८ करोड रहेको छ ।
उक्त प्रस्तावित लाभांशमा समावेश गरिएको नगद भागमा बोनस सेयरमा लाग्ने कर रकम पनि समावेश गरिएको बैंकले जनाएको छ ।

सञ्चालक समितिले गरेको यो निर्णय नेपाल राष्ट्र बैंक (NRB) बाट स्वीकृति लिएपछि मात्र लागू हुनेछ । त्यसपछि यसलाई बैंकको वार्षिक साधारण सभा (AGM) बाट अनुमोदन गरिनेछ ।

यस लाभांश घोषणासँगै सिद्धार्थ बैंक हालका बैंकहरूको लाभांश घोषणा सूचीमा सामेल भएको छ, जसले बैंकको शेयरधनीहरूलाई मध्यम स्तरको प्रतिफल प्रदान गर्ने अपेक्षा गरिएको छ ।