सुनको मूल्य लगातार उकालो, आज प्रतितोला रु १ लाख ६१ हजार २ सयमा नयाँ कीर्तिमान

लगातार वृद्धि भइरहेको सुनको मूल्य आज पनि उकालो लागेको छ, जसका कारण सुन हालसम्मकै महङ्गो भएको छ। बिहीबार प्रतितोला रु १ लाख ६० हजार ७ सयमा कारोबार भएको छापावाला सुन आज रु १ लाख ६१ हजार २ सयमा कारोबार भइरहेको छ।

अन्तर्राष्ट्रिय बजारमा भएको वृद्धिको प्रभावले स्थानीय बजारमा सुनको मूल्यमा नयाँ कीर्तिमान कायम भएको हो। यद्यपि, चाँदीको मूल्यमा कुनै परिवर्तन आएको छैन, र प्रतितोला रु १ हजार ९५५ मा कायम रहेको छ।