एनएमबि बैंकले आर्थिक वर्ष २०८१ को दोस्रो त्रैमाससम्मको वित्तीय विवरण सार्वजनिक गरेको छ। पुस मसान्तसम्म बैंकले २ अर्ब ३५ लाख रुपैयाँ खुद नाफा आर्जन गरेको छ, जुन अघिल्लो वर्षको सोही अवधिको तुलनामा ४५.६१ प्रतिशतले वृद्धि भएको हो। गत वर्ष यसै अवधिमा बैंकले १ अर्ब ३७ करोड ५९ लाख रुपैयाँ नाफा कमाएको थियो।

बैंकको खुद ब्याज आम्दानी, फि तथा कमिशन आम्दानीमा उल्लेखनीय वृद्धि भएको छ भने इम्पेरमेन्ट चार्जमा गिरावट आएको छ। यी सबैले बैंकको मुनाफा वृद्धिमा महत्त्वपूर्ण योगदान पुर्‍याएको छ।

एनएमबि बैंकले पुस २०८१ सम्मको वित्तीय विवरण सार्वजनिक गर्दै आफ्नो वित्तीय अवस्थालाई थप सुदृढ बनाएको छ। बैंकले १८ अर्ब ३६ करोड ६७ लाख रुपैयाँ चुक्ता पूँजीका साथ स्थायित्व कायम राखेको छ भने १२ अर्ब ६९ करोड २ लाख रुपैयाँको जगेडा कोषले जोखिम सामना गर्ने क्षमतालाई बलियो बनाएको छ।

२ खर्ब ४६ अर्ब ४६ करोड रुपैयाँको निक्षेप संकलन र २ खर्ब १८ अर्ब ८१ करोड रुपैयाँको कर्जा लगानीले बैंकको वित्तीय क्षमतामा उल्लेखनीय सुधार भएको छ। ग्राहकहरूको विश्वासको प्रतिबिम्ब झल्काउँदै बैंकले वित्तीय बजारमा आफ्नो उपस्थिति अझ बलियो बनाएको छ।

गैर-निष्क्रिय कर्जाको अनुपात (एनपीएल) २.८६ प्रतिशतमा सीमित हुनु र आधार दर ६.९२ प्रतिशत तथा ब्याज दर अन्तराल ३.९७ प्रतिशतमा रहनु बैंकको प्रभावकारी वित्तीय व्यवस्थापनको प्रमाण हो। यी सूचकांकले बैंकलाई वित्तीय स्थायित्व मात्र होइन, ग्राहकलाई प्रतिष्पर्धात्मक सेवा प्रदान गर्न सक्षम बनाएको छ ।

एनएमबि बैंकले वित्तीय सूचकांकमा सुधार गर्दै आर्थिक वृद्धिमा योगदान पुर्‍याइरहेको छ। ग्राहकहरूको विश्वास र वित्तीय सेवा विस्तारमा केन्द्रित रही बैंकले आगामी दिनमा पनि प्रभावकारी प्रगति गर्ने संकेत दिएको छ।