कुमारी बैंकको ४५ लाख ४६ हजार कित्ता संस्थापक सेयर बिक्रीमा

कुमारी बैंकले संस्थापक सेयरधनीको नाममा रहेको ४५ लाख ४६ हजार ३८ कित्ता सेयर बिक्रीमा राखेको छ। विद्यमान संस्थापक सेयरधनीले फागुन १२ गतेदेखि ३५ दिनभित्र बैंकको प्रधान कार्यालय टंगाल वा कुमारी क्यापिटलको नक्साल कार्यालयमा आवेदन दिन सक्नेछन्। सेयरको मूल्य बिक्रेताले तोकेअनुसार हुने जनाइएको छ। उक्त अवधिमा सेयर खरिद नभए अन्य व्यक्ति वा संस्थालाई बिक्री गरिने बैंकले बताएको छ।