latest News
Stay informed and invest with latest NEPSE news and analysis.
2 min read
नेपाल राष्ट्र बैंकका गभर्नर डा. विश्वनाथ पौडेलले केही सीमित व्यक्तिहरुले ठूलो परिमाणमा ऋण लिएको आशंका व्यक्त गरेका छन्। एक अध्ययन अनुसार ०.०१ प्रतिशत ऋणीले ३.९ प्रतिशत ऋण लिएको देखिएपछि उनले बाफिया कानुनमार्फत यसमा स्पष्ट व्यवस्था गर्न सांसदहरुलाई आग्रह गरे। उनले सञ्चालक, ऋण अधिकार, र बैंक–व्यवसाय छुट्टयाउने कुरामा कानुनी परिभाषा आवश्यक भएको बताए ।
NEPSE TRADING
·2 Jun, 2025
2 min read
हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेड (HIDCL) ले प्रमुख कार्यकारी अधिकृतमा श्री प्रवेश विक्रम थापालाई ४ वर्षका लागि नियुक्त गरेको छ। निर्णय २०७९ सालको २१७ औं सञ्चालक समितिको बैठकमा २०८२/०२/१५ मा गरिएको हो र २०८२/०२/१६ बाट लागू हुनेछ भनी नेप्सेलाई जानकारी दिइएको छ।
NEPSE TRADING
·2 Jun, 2025
2 min read
शब्द बुझ्न शिक्षा पुग्छ, तर अर्थ बुझ्न अनुभव चाहिन्छ": शेयर विश्लेषक सुवासचन्द्र भट्टराई
Subash Chandra Bhattarai
·2 Jun, 2025
2 min read
च्याटबोटसँग संवेदनशील जानकारी सेयर नगर्न विज्ञहरूको चेतावनी काठमाडौं — कृत्रिम बुद्धिमत्ता (एआई) प्रणालीहरूमध्ये च्याटबोटहरू सहायक र व्यवहारिक जस्तो देखिए पनि, विज्ञहरूले यस्ता प्रविधिहरूसँग संवेदनशील जानकारी सेयर नगर्न कडा चेतावनी दिएका छन्। न्यूयोर्क पोस्टको रिपोर्ट अनुसार, क्लीभल्यान्ड क्लिनिकको तथ्यांकले पाँचमध्ये एक अमेरिकीले स्वास्थ्य सम्बन्धी सल्लाहका लागि एआई च्याटबोटको प्रयोग गरेको देखाएको छ। यस्तै, टेब्रा नामक संस्थाको २०२३ को सर्वेक्षणले करिब २५ प्रतिशत अमेरिकीहरूले परम्परागत थेरापीको सट्टा च्याटबोट रोज्ने संकेत दिएको थियो। यसले एआईप्रतिको आकर्षण बढेको देखाउँछ तापनि विज्ञहरू भने सचेत गराउँछन् कि यस्ता प्रणालीहरू चिकित्सक होइनन्, न त तिनीहरूले गोपनीयता सुनिश्चित गर्छन्।
NEPSE trading
·2 Jun, 2025
2 min read
शिवश्री हाइड्रोपावर लिमिटेडको स्वतन्त्र सञ्चालकमा जनक क्षेत्री नियुक्त शिवश्री हाइड्रोपावर लिमिटेडले कम्पनीको सञ्चालक समितिमा स्वतन्त्र सञ्चालकको रुपमा श्री जनक क्षेत्रीलाई नियुक्त गरेको छ। कम्पनीको २०८१ साल जेठ १५ गते ९बुधवार० बिहान ११स्०० बजे बसेको सञ्चालक समितिको बैठकले उक्त निर्णय गरेको हो। कम्पनीले जनक क्षेत्रीलाई नियमनकारी निकायहरूको नियमअनुसार स्वतन्त्र सञ्चालकको रूपमा नियुक्त गरिएको जानकारी नेपाल स्टक एक्सचेन्जलाई पत्रमार्फत दिएको छ। क्षेत्री गा।पा। वडा नं। ४, गुनपा, गाजोफिकर, धादिङ निवासी हुन्।
NEPSE trading
·2 Jun, 2025
2 min read
बैंकिङ प्रणालीबाट राष्ट्र बैंकले ७० अर्ब रुपैयाँ खिच्ने बजारमा देखिएको तरलताको चाप घटाउन नेपाल राष्ट्र बैंकले आज बैंकिङ प्रणालीबाट ७० अर्ब रुपैयाँ खिच्ने भएको छ। दुई खर्ब १२ अर्ब रुपैयाँ परिपक्व नहुँदै राष्ट्र बैंकले ७० अर्ब संकलन गर्न निक्षेप संकलन उपकरणमार्फत बोलकबोलको प्रक्रिया सुरु गर्न लागेको हो। राष्ट्र बैंकले २१ दिन अवधिको लागि यो निक्षेप संकलन गरिन लागेको जनाएको छ। आज दिउँसो ३ बजेसम्म बोलकबोलको समय तोकिएको छ। न्यूनतम १० करोड रुपैयाँ र अधिकतम ५ करोडको भागमा विभाजन गर्दा बाँकी रकम निःशेष गरिने गरी आवेदन दिन सकिनेछ। निक्षेपको सावाँ तथा ब्याज असार ८ गते भुक्तानी गरिनेछ। बोलकबोल प्रतिस्पर्धात्मक हुने भएकाले ब्याजदर पनि प्रतिस्पर्धामार्फत निर्धारण हुनेछ। बैंक तथा वित्तीय संस्था वर्ग ‘क’, ‘ख’, र ‘ग’ ले मात्र बोलकबोलमा सहभागी हुन पाउनेछन्। बोलकबोल गर्ने संस्थाहरूले आफू जम्मा गर्न चाहेको रकम र ब्याजदर दशमलव पछिका चार अंकसम्म स्पष्ट रूपमा उल्लेख गर्नु पर्नेछ।
NEPSE trading
·2 Jun, 2025
2 min read
सन नेपाल लाइफ इन्स्योरेन्सको हकप्रद शेयरमा आवेदन दिने म्याद असार ३ गतेसम्म बढ्यो काठमाडौं — सन नेपाल लाइफ इन्स्योरेन्स कम्पनी लिमिटेड (SNLI) ले बैशाख ३० गतेदेखि निष्काशन तथा बिक्री खुला गरेको हकप्रद शेयरमा आवेदन दिने म्याद असार ३ गतेसम्म लम्ब्याएको छ। कम्पनीले हाल कायम १ कित्ता शेयर बराबर ०.२७ कित्ताको अनुपातमा हकप्रद शेयर निष्काशन गरिरहेको हो। यस अनुसार कम्पनीले १ अर्ब ६ करोड ९६ लाख ३२ हजार रुपैयाँ बराबरको, प्रतिकित्ता १०० रुपैयाँ अंकित मूल्यका १ करोड ६ लाख ९६ हजार ३२० कित्ता हकप्रद शेयर जारी गरेको छ।
NEPSE trading
·2 Jun, 2025
2 min read
सोमबार, जेठ १९ गते, नेपाली बजारमा सुनको मूल्य प्रतितोला एक हजार रुपैयाँले बढेर एक लाख ८९ हजार ८०० रुपैयाँ पुगेको छ। चाँदीको मूल्य पनि ५ रुपैयाँले बढेर प्रतितोला एक हजार ९९० रुपैयाँमा कारोबार भइरहेको छ। पछिल्ला दिनमा दुवैको मूल्य बढ्दो क्रममा छ।
NEPSE TRADING
·2 Jun, 2025
2 min read
ट्रेड टावर लिमिटेडको आईपीओमा आवेदन दिने समय एक दिन थप काठमाडौं — ट्रेड टावर लिमिटेडले जारी गरेको प्रारम्भिक सार्वजनिक निष्कासन (आईपीओ) मा आवेदन दिने म्याद एक दिन थप गरिएको छ। बिक्री प्रबन्धक एलएस क्यापिटलका अनुसार आइतबार जेठ १८ गते भोटो जात्राको सार्वजनिक बिदा परेकाले आवेदन दिने समय अब जेठ २० गतेसम्म लम्ब्याइएको हो। यसअघि कम्पनीले आईपीओमा आवेदन दिनको लागि अन्तिम म्याद जेठ १९ गते तोकेको थियो। तर सार्वजनिक बिदा परेकाले अब इच्छुक लगानीकर्ताले एक दिन थप गरी सोमबारसम्म आवेदन दिन सक्नेछन्। ट्रेड टावर लिमिटेडले ८१ करोड ५६ लाख रुपैयाँ बराबरको जारी पुँजीमध्ये ४८.६९६ प्रतिशत अर्थात् ३९ करोड ७१ लाख ६९ हजार रुपैयाँ बराबरको ३९ लाख ७१ हजार ६९३ कित्ता शेयर निष्काशन गर्न धितोपत्र बोर्डबाट स्वीकृति पाएको हो।
NEPSE trading
·2 Jun, 2025
2 min read
पुँजी बजार सुदृढीकरणका लागि प्रविधि र सुशासनमा प्रशिक्षण कार्यक्रम सम्पन्न नेपाल स्टक एक्सचेन्ज लिमिटेड (नेप्से) र स्टक ब्रोकर एसोसिएसन अफ नेपालको संयुक्त पहलमा पूँजी बजार सुदृढीकरणका लागि प्रविधि, सुशासन र अनुपालन विषयमा एक दिवसीय प्रशिक्षण कार्यक्रम सम्पन्न भएको छ। कार्यक्रममा ब्रोकर तथा डिलर कम्पनीहरूका प्रमुख कार्यकारीहरू र आईटी कर्मचारीहरूको उल्लेखनीय सहभागिता थियो। कार्यक्रममा नियामक र प्रविधिगत विषयमा कार्यपत्रहरू प्रस्तुत गरिँदा, बजारलाई पारदर्शी, सुरक्षित र दिगो बनाउने विषयमा गहन छलफल भयो।
NEPSE trading
·1 Jun, 2025
2 min read
पछिल्लो त्रैमासिक वित्तीय विवरणअनुसार नेपालको हाइड्रोपावर क्षेत्र गम्भीर वित्तीय दबाबमा रहेको देखिएको छ। नेपाल स्टक एक्सचेन्जमा सूचीकृत ८९ वटा जलविद्युत् कम्पनीमध्ये ३१ वटा कम्पनीको आम्दानी ऋणात्मक (Negative EPS) देखिएको छ। यो संख्या कुल सूचीकृत हाइड्रोको ३४ प्रतिशत हो। सहास ऊर्जा (SAHAS) ले सबैभन्दा धेरै प्रतिकम्पनी आम्दानी (EPS) देखाएको छ। उसले तेस्रो त्रैमाससम्म २९ रुपैयाँ ४१ पैसा प्रति सेयर आम्दानी गर्न सफल भएको छ। तर, अर्को पाटोमा मन्दाकिनी हाइड्रोपावर (MCHL) ले सबैभन्दा खराब नतिजा देखाएको छ— त्यसको EPS माइनस ४५ रुपैयाँ ३ पैसा पुगेको छ।
NEPSE trading
·1 Jun, 2025
2 min read
गभर्नर डा. विश्वनाथ पौडेलको भनाइ : "शेयर बजार सम्पत्ति विविधीकरणको महत्वपूर्ण माध्यम हो" नेपाल राष्ट्र बैंकका गभर्नर डा. विश्वनाथ पौडेलले शेयर बजारप्रति आफ्नो सकारात्मक दृष्टिकोण सार्वजनिक गर्दै यसलाई सम्पत्ति विविधीकरण (wealth diversification) को प्रभावकारी साधनका रूपमा लिनुपर्ने बताएका छन्। उनले शेयर बजारलाई भविष्यको सुरक्षाका लागि महत्त्वपूर्ण विकल्पका रूपमा लिएको उल्लेख गरे। गभर्नर पौडेलले भने, “शेयर बजारप्रति म सकारात्मक नै छु। तपाईंको साथमा पैसा भयो भने थोरै जग्गा किनिन्छ, थोरै सुन किनिन्छ, केही पैसा खातामा राखिन्छ र केही पैसा शेयर बजारमा लगानी गरिन्छ।” उनको भनाइमा बैंकको ब्याजदर र शेयर बजारबीच स्पष्ट सम्बन्ध हुन्छ। “जब ब्याजदर बढ्छ, शेयरको मूल्य घट्छ। ब्याजदर घट्यो भने शेयरको मूल्य बढ्छ। यसले मानिसले भविष्यको पूर्वानुमान गर्न सक्छन्,” गभर्नरले बताए। उनले सुन र जग्गाको उदाहरण दिँदै भने, “कहिलेकाहीँ सुन किनेर राखिएको सम्पत्ति संकटको बेलामा काम लाग्छ, त्यस्तै जग्गा पनि भविष्यका लागि उपयोगी हुन्छ। ठीक त्यस्तै, शेयर बजारमा लगानी गर्नु पनि दीर्घकालीन दृष्टिले लाभदायक हुन सक्छ।” डा. पौडेलले शेयर बजारमा पनि कहिलेकाहीँ जग्गाको जस्तै रातारात मूल्यवृद्धि हुने अवस्था देखापर्ने बताएका छन्। तर उनले शेयर बजारलाई नकारात्मक रूपमा हेर्नु आवश्यक नभएको पनि प्रष्ट पारे। “मैले शेयर बजारलाई सम्पत्ति विविधीकरणको एउटा इस्टुमेन्टका रूपमा हेरेको छु। त्यसैले, कोही पनि यसको बारेमा अनावश्यक रुपमा नराम्रो भन्नुपर्ने आवश्यक म देख्दिनँ,” गभर्नर पौडेलको स्पष्ट भनाइ थियो। उनको यस्तो भनाइले के स्पष्ट पार्छ भने नियामक निकाय स्वयंले अब शेयर बजारलाई अविश्वास वा जोखिमको क्षेत्र नभई, संरचित लगानीको क्षेत्रका रूपमा लिन थालेको छ। विशेष गरी बैंक ब्याजदर र पुँजी बजारबीचको सम्बन्धलाई प्रष्ट पार्दै उनले लगानीकर्तालाई दीर्घकालीन सोच बनाउन आग्रह गरेका छन्। विश्लेषकहरूका अनुसार गभर्नरको यस्तो दृष्टिकोणले आम लगानीकर्तामा विश्वास बढाउनेछ, र शेयर बजारलाई थप संस्थागत र स्थिर बनाउने दिशामा प्रेरणा दिनेछ।
NEPSE trading
·1 Jun, 2025
2 min read
निफ्राद्वारा हरित ऊर्जा ऋणपत्रको निष्कासन सुरु, पाँच अर्ब बराबरको लगानी अवसर काठमाडौं – नेपाल इन्फ्रास्ट्रक्चर बैंक लिमिटेड (निफ्रा) ले ‘निफ्रा हरित ऊर्जा ऋणपत्र २०८८–८९’ नामक नयाँ ऋणपत्र निष्कासन आज जेठ १८ गतेदेखि औपचारिक रूपमा सुरु गरेको छ। बैंकले यो ऋणपत्रमार्फत कुल ५ अर्ब रुपैयाँ बराबरको पूँजी संकलन गर्ने लक्ष्य राखेको छ। बैंकले प्रति ऋणपत्र १,००० रुपैयाँ अंकित दरमा जम्मा ५० लाख कित्ता जारी गर्न लागेको हो। नेपाल धितोपत्र बोर्डबाट वैशाख ३० गते स्वीकृति प्राप्त भइसकेको यस योजनाअन्तर्गत, ३० लाख कित्ता ऋणपत्र व्यक्तिगत तवरमा लगानीकर्तालाई बिक्री गरिनेछ।
NEPSE trading
·1 Jun, 2025
2 min read
कर्णाली डेभलपमेन्ट बैंकका पूर्व सीईओ राजेन्द्रवीर राय पक्राउ, अपचलन प्रकरणमा अनुसन्धान तीव्र नेपालगञ्ज – झण्डै पाँच अर्ब रुपैयाँ बराबरको अपचलन प्रकरणमा संलग्न ठहरिएका कर्णाली डेभलपमेन्ट बैंकका पूर्व प्रमुख कार्यकारी अधिकृत (सीईओ) राजेन्द्रवीर रायलाई प्रहरीले नियन्त्रणमा लिएको छ। प्रहरीका अनुसार रायलाई शनिबार नेपाल–भारत सीमावर्ती क्षेत्रबाट पक्राउ गरिएको हो। केन्द्रीय अनुसन्धान ब्यूरो (CIB) को टोलीले सीमामा निगरानीका क्रममा उनलाई पक्रेको पुष्टि गरेको छ। सल्यान स्थायी घर भएका राय पछिल्लो समय बाँकेको नेपालगञ्ज उपमहानगरपालिका–२० मा बसोबास गर्दै आएका थिए। उनी २०७६ देखि २०७९ सम्म बैंकको सीईओको जिम्मेवारीमा थिए। कर्णाली डेभलपमेन्ट बैंक सन् २०६० सालमा स्थापना भएको हो।
NEPSE trading
·1 Jun, 2025
2 min read
ऊर्जा क्षेत्रमा लगानी अभाव र आईपीओ नीतिले निजी आयोजनामा चुनौती : इप्पान अध्यक्ष कार्की स्वतन्त्र ऊर्जा उत्पादक संघ (IPPAN) का अध्यक्ष गणेश कार्कीले निजी क्षेत्रका ऊर्जा आयोजनाहरु समयमै सम्पन्न नहुन सक्ने अवस्था देखिएको बताएका छन्। नेपाल आर्थिक पत्रकार संघले शनिबार काठमाडौंमा आयोजना गरेको पोष्ट बजेट छलफल कार्यक्रममा बोल्दै उनले पुँजी अभाव मुख्य कारण रहेको उल्लेख गरे। कार्कीले ऊर्जा उत्पादनपछि मात्र आईपीओ जारी गर्न दिने नियमले निजी ऊर्जा कम्पनीहरुलाई गम्भीर समस्या परेको बताए। “ऊर्जा क्षेत्र अघि नबढ्ने हो कि भन्ने शंका छ,” उनले भने, “आईपीओ जारी गर्न नपाउँदा पुँजी अभाव छ। करिब ६१ खर्ब रुपैयाँ आवश्यक पर्ने अनुमान छ तर हाल ३६५ वटा आयोजना लाइसेन्स लिएर बसिरहेको अवस्था छ।”
NEPSE trading
·31 May, 2025
2 min read
६ प्रतिशत आर्थिक वृद्धिदर लक्ष्यसहितको बजेट कार्यान्वयनमा सबैको सहयोग आवश्यक : अर्थमन्त्री पौडेल उपप्रधान तथा अर्थमन्त्री विष्णु पौडेलले सरकारद्वारा प्रस्तुत आगामी आर्थिक वर्ष २०८२/८३ को बजेट ६ प्रतिशतको आर्थिक वृद्धिदर हासिल गर्ने लक्ष्यसहित निर्माण गरिएको बताएका छन्। शनिवार नेपाल आर्थिक पत्रकार संघले आयोजना गरेको पोष्ट बजेट छलफल कार्यक्रममा बोल्दै उनले बजेट सकारात्मक ढंगले आएको भन्दै यसको कार्यान्वयन पनि सकारात्मक हुने विश्वास व्यक्त गरे।
NEPSE trading
·31 May, 2025
2 min read
राष्ट्र बैंकले बजेट कार्यान्वयनका लागि तयारी थाल्यो: गभर्नर पौडेल नेपाल राष्ट्र बैंकका गभर्नर डा. विश्वनाथ पौडेलले आगामी आर्थिक वर्ष २०८२/८३ को बजेटमा उल्लेख गरिएका विषयहरू कार्यान्वयन गर्न राष्ट्र बैंकले आवश्यक तयारी सुरु गरिसकेको बताएका छन्। शुक्रवार अर्थ मन्त्रालयमा आयोजित पत्रकार सम्मेलनमा गभर्नर पौडेलले राष्ट्र बैंकको तर्फबाट पूर्ण सहयोग रहने स्पष्ट पारे। गभर्नर पौडेलले बजेटमा मौद्रिक नीति व्यवस्थापनसँग सम्बन्धित नयाँ कानुन निर्माणको प्रस्तावलाई सकारात्मक ठहर गर्दै यसले वित्तीय क्षेत्रको सुदृढीकरणमा मद्दत पुर्याउने विश्वास व्यक्त गरे। उनले बजेटमा प्रस्तावित खराब कर्जा तथा गैर बैंकिङ्ग सम्पत्ति व्यवस्थापन कम्पनी (Asset Management Company) को स्थापनालाई महत्वपूर्ण र समय सान्दर्भिक कदमका रूपमा व्याख्या गरे।
NEPSE trading
·30 May, 2025
2 min read
पत्रकार सम्मेलनमार्फत अर्थमन्त्रीले सुनाए बजेट २०८२/८३ का १० मुख्य हाइलाइट्स काठमाडौँ, जेठ १६ — अर्थ मन्त्रालयले आज पत्रकार सम्मेलन गर्दै आर्थिक वर्ष २०८२/८३ का लागि सार्वजनिक गरिएको बजेटका १० प्रमुख हाइलाइट्स सार्वजनिक गरेको छ। उपप्रधानमन्त्री तथा अर्थमन्त्री विष्णुप्रसाद पौडेलले संसदमा बजेट प्रस्तुत गरेपछि त्यसबारे थप स्पष्टता दिन मन्त्रालयले पत्रकार सम्मेलन आयोजना गरेको हो। सरकारले १९ खर्ब ६४ अर्ब ११ करोड रुपैयाँको कुल बजेट सार्वजनिक गरेको छ, जुन चालु आवको तुलनामा ५.५८ प्रतिशत र संशोधित बजेटभन्दा १८.२ प्रतिशतले बढी हो। चालु वर्षमा १८ खर्ब ६० अर्ब ३० करोडको बजेट विनियोजन गरिएको थियो।
NEPSE trading
·30 May, 2025
2 min read
२०८२/८३ को बजेटमा कर प्रणालीमा व्यापक हेरफेर: व्यवसाय, उद्योग र डिजिटल कारोबारमा कर छुट तथा सहुलियतको झरी अर्थमन्त्री विष्णुप्रसाद पौडेलले संघीय संसदमा आगामी आर्थिक वर्ष २०८२/८३ को बजेट पेश गर्दै मुलुकको कर प्रणालीमा व्यापक हेरफेरको घोषणा गरेका छन्। प्रस्तुत बजेटमार्फत करका दर तथा कर प्रणालीसँग सम्बन्धित ४२ वटा प्रमुख बुँदामा संशोधन तथा नविन प्रावधान समावेश गरिएको छ।
NEPSE trading
·29 May, 2025