stock News
Stay informed and invest with latest NEPSE news and analysis.
<1 min read
शिखर इन्स्योरेन्स लिमिटेडले गत आर्थिक वर्षको मुनाफाबाट शेयरधनीलाई ६ प्रतिशत बोनस शेयर र कर प्रयोजनका लागि ०.३१५८ प्रतिशत नगद लाभांश वितरण गर्ने घोषणा गरेको छ। सञ्चालक समितिले पुस १ गते उक्त प्रस्ताव पारित गरेको हो। नेपाल बीमा प्राधिकरणको स्वीकृति तथा आगामी वार्षिक साधारण सभाबाट अनुमोदन भएपछि लाभांश वितरण गरिनेछ।
NEPSE TRADING
·17 Dec, 2025
1 min read
अधिक तरलता व्यवस्थापन गर्न राष्ट्र बैंकले आज २० अर्ब रुपैयाँ तान्दै नेपाल राष्ट्र बैंकले बैंकिङ प्रणालीमा देखिएको अधिक तरलता व्यवस्थापन गर्न आज पुनः २० अर्ब रुपैयाँ बराबरको रकम तान्ने भएको छ। केन्द्रीय बैंकले निक्षेप संकलन उपकरण प्रयोग गर्दै उक्त रकम बैंकिङ प्रणालीबाट बाहिर ल्याउन लागेको हो। राष्ट्र बैंकका अनुसार आज दिउँसो २ बजे निक्षेप संकलनका लागि बोलकबोल प्रक्रिया सञ्चालन गरिनेछ। बैंक तथा वित्तीय संस्थाहरूले तोकिएको समयभित्र ब्याजदर प्रस्तावसहित बोलकबोलमा सहभागी हुन सक्नेछन्। निक्षेप दिन इच्छुक बैंक तथा वित्तीय संस्थाले न्यूनतम १० करोड रुपैयाँ र अधिकतम आह्वान गरिएको कुल रकमसम्म, ५ करोड रुपैयाँले भाग गर्दा निःशेष भाग जाने गरी बोलकबोल गर्न पाउने व्यवस्था गरिएको छ। यसले बोलकबोल प्रक्रियालाई व्यवस्थित र प्रतिस्पर्धात्मक बनाउने राष्ट्र बैंकको अपेक्षा छ।
Marketminds Investment Group
·17 Dec, 2025
1 min read
आर्थिक वर्ष २०८३/८४ को बजेट तयारी प्रक्रिया औपचारिक रूपमा सुरु आउँदो आर्थिक वर्ष २०८३/८४ का लागि बजेट निर्माण प्रक्रिया औपचारिक रूपमा सुरु भएको छ। राष्ट्रिय योजना आयोगले संघीय समपूरक र विशेष अनुदानअन्तर्गत सञ्चालन गरिने योजना तथा कार्यक्रमका लागि प्रदेश र स्थानीय तहसँग प्रस्ताव आह्वान गरेसँगै बजेट तयारीको प्रारम्भ भएको हो। आयोगका अनुसार प्रदेश सरकार र स्थानीय तहले संघीय सरकारबाट उपलब्ध हुने समपूरक तथा विशेष अनुदान प्राप्त गर्न माघ महिनाको अन्त्यभित्र प्रस्ताव पेश गरिसक्नुपर्नेछ। प्रस्ताव पेश गर्दा प्रदेश तथा पालिकाले अन्य स्रोतबाट सञ्चालन भइरहेका वा सञ्चालन गर्ने योजना तथा कार्यक्रमसँग दोहोरो नपर्ने गरी आयोजना छनोट गर्नुपर्ने व्यवस्था गरिएको छ।
NEPSE TRADING
·17 Dec, 2025
1 min read
नेशनल लघुवित्त वित्तीय संस्था लिमिटेडले गत आर्थिक वर्षको मुनाफाबाट शेयरधनीहरूलाई १५ प्रतिशत लाभांश वितरण गर्ने घोषणा गरेको छ। यसमध्ये १४.२५ प्रतिशत बोनस शेयर र ०.७५ प्रतिशत कर प्रयोजनार्थ नगद लाभांश रहेको छ। नेपाल राष्ट्र बैंकको स्वीकृति र आगामी वार्षिक साधारण सभाबाट पारित भएपछि लाभांश वितरण गरिनेछ।
NEPSE TRADING
·17 Dec, 2025
2 min read
नेपाल धितोपत्र बोर्डले धितोपत्र दर्ता तथा निष्कासन नियमावली, २०७३ संशोधन गर्ने प्रक्रिया अघि बढाएको छ। संशोधनका प्रस्तावहरू छलफलका लागि सञ्चालक समितिमा पेस गरिने तयारी भइरहेको छ। प्रस्तावित संशोधनमा क्षेत्रगत रूपमा फरक–फरक निष्कासन मापदण्ड लागू गर्ने, जलविद्युत कम्पनीका लागि उत्पादन सुरु भएपछि मात्र निष्कासन अनुमति दिने, न्यून नेटवर्थ भएका कम्पनीसम्बन्धी व्यवस्था स्पष्ट गर्ने तथा संस्थापक शेयरको लक–इन अवधि चरणबद्ध रूपमा खुला गर्ने व्यवस्था समावेश छन्। साथै बुक बिल्डिङ र प्रिमियम मूल्यमा हुने शेयर निष्कासनसम्बन्धी नियमहरू परिमार्जन गरिनेछ। यद्यपि, अघिल्ला उदाहरणका आधारमा नियमावली स्वीकृत भई कार्यान्वयनमा आउन अझै लामो समय लाग्ने अनुमान गरिएको छ।
NEPSE TRADING
·17 Dec, 2025
2 min read
पाँच महिनामा ३८ अर्बभन्दा बढी वैदेशिक लगानी प्रतिबद्धता, तर ऊर्जा र पूर्वाधारमा आकर्षण कमजोर चालु आर्थिक वर्ष २०८२/८३ को पहिलो पाँच महिनामा नेपालले झण्डै ३९ अर्ब रुपैयाँ बराबरको वैदेशिक प्रत्यक्ष लगानी (एफडीआई) प्रतिबद्धता प्राप्त गरेको छ। उद्योग विभागले सार्वजनिक गरेको विवरणअनुसार साउनदेखि मंसिरसम्म स्वीकृत भएका परियोजनामार्फत ३८ अर्ब ५९ करोड रुपैयाँभन्दा बढी लगानी प्रतिबद्धता आएको हो। यस अवधिमा कुल ४३८ वटा विदेशी लगानीसम्बन्धी परियोजना स्वीकृत भएका छन्। परियोजनाको संख्याका आधारमा सूचना तथा सञ्चार प्रविधि (आईसीटी) क्षेत्र अग्रस्थानमा देखिएको छ। कुल स्वीकृत परियोजनामध्ये २३६ वटा आईसीटीसँग सम्बन्धित छन्, जसले आधाभन्दा बढी हिस्सा ओगटेको छ। यसले नेपाल डिजिटल सेवा र आउटसोर्सिङको सम्भावित गन्तव्यका रूपमा स्थापित हुँदै गएको संकेत दिन्छ।
NEPSE TRADING
·17 Dec, 2025
2 min read
लगानीकर्तालाई सचेत बनाउने उद्देश्यले नेपालगन्जमा शेयर साक्षरता कार्यक्रम सुरु शेयर बजारका लगानीकर्तालाई पुँजीबजारसम्बन्धी आधारभूत जानकारी र सचेतना बढाउने उद्देश्यसहित नेपालगन्जमा शेयर साक्षरता कार्यक्रम सुरु गरिएको छ। नेपाल धितोपत्र बोर्डले विश्व लगानीकर्ता सप्ताहको अवसर पारेर आयोजना गरेको ‘पुँजीबजार साक्षरता तथा लगानीकर्ता सचेतना अभिवृद्धि’ कार्यक्रममा बोर्डले स्थानीय लगानीकर्ताका लागि लक्षित रूपमा शेयर साक्षरताको सुरुवात गरिएको जानकारी दिएको हो। कार्यक्रममा बोल्दै नेपाल धितोपत्र बोर्डका निर्देशक विनोद पौडेलले पुँजीबजार प्राथमिक बजार र दोस्रो बजार दुवैको संयोजन भएको उल्लेख गर्दै बोर्ड लगानीकर्ताको हित संरक्षणमा निरन्तर सक्रिय रहेको बताए। दोस्रो बजारमा लगानी गरेर छिटो नाफा कमाउने चाहना सबैमा हुने भए पनि त्यसका लागि धैर्यता, संयमता र सही जानकारी आवश्यक हुने उनको भनाइ थियो। लगानीकर्तालाई सहजीकरण गर्न बोर्ड सधैँ तयार रहेको उनले स्पष्ट पारे।
NEPSE TRADING
·17 Dec, 2025
1 min read
भ्रष्टाचारविरुद्ध शून्य सहनशीलतामा नेपाल प्रतिबद्ध कतारको राजधानी दोहामा जारी संयुक्त राष्ट्रसङ्घीय भ्रष्टाचारविरुद्धको महासन्धि (UNCAC) का पक्षराष्ट्रहरूको ११औँ सम्मेलनमा नेपालले भ्रष्टाचारविरुद्ध शून्य सहनशीलताको नीति अवलम्बन गर्दै आएको स्पष्ट गरेको छ। सम्मेलनमा नेपालले कानुनी, प्रशासनिक तथा संस्थागत सुधारलाई तीव्र रूपमा कार्यान्वयन गरिरहेको जानकारी दिँदै सुशासन प्रवर्द्धनमा आफ्नो प्रतिबद्धता दोहोर्याएको हो। सम्मेलनमा नेपाली प्रतिनिधिमण्डलको नेतृत्व गर्दै प्रधानमन्त्री तथा मन्त्रिपरिषद् कार्यालयका सचिव गोविन्दबहादुर कार्कीले सुशासन र पारदर्शितालाई केन्द्रमा राखेर हाल नेपालमा अन्तरिम सरकार गठन गरिएको उल्लेख गरे। उनले वर्तमान सरकार भ्रष्टाचार नियन्त्रण र सार्वजनिक प्रशासन सुधारका विषयमा दृढतापूर्वक अघि बढिरहेको बताए। उनका अनुसार शासन प्रणालीलाई प्रभावकारी बनाउन नीति, संरचना र कार्यान्वयन तीनै तहमा सुधारलाई प्राथमिकता दिइएको छ।
NEPSE TRADING
·17 Dec, 2025
1 min read
बैंक तथा वित्तीय संस्था लक्षित घटनाप्रति राष्ट्र बैंकको गम्भीर ध्यानाकर्षण काठमाडौँ । नेपाल राष्ट्र बैंकले हालैका दिनमा बैंक तथा वित्तीय संस्थालाई लक्षित गरी भएका विभिन्न घटनाप्रति गम्भीर ध्यानाकर्षण भएको जनाएको छ। राष्ट्र बैंकले यस्ता गतिविधिले समग्र वित्तीय प्रणालीको स्थायित्व र विश्वासमा नकारात्मक असर पार्न सक्ने भन्दै सबै पक्षलाई जिम्मेवार व्यवहार गर्न आग्रह गरेको छ। राष्ट्र बैंकका अनुसार सरकार, बैंक तथा वित्तीय संस्था र सम्बन्धित निकायको संयुक्त प्रयासका कारण स्थानीय तहसम्म वित्तीय सेवाको पहुँच विस्तार भएको छ। यसबाट सर्वसाधारणले निक्षेप राख्न, कर्जा लिन, विप्रेषण सेवा उपयोग गर्न तथा सामाजिक सुरक्षा भत्ता प्राप्त गर्न सहजता पाएका छन्।
NEPSE TRADING
·17 Dec, 2025
1 min read
चिनियाँ लगानी बढाउन अर्थमन्त्रीको आह्वान काठमाडौँ। अर्थमन्त्री रामेश्वर खनालले नेपालमा वैदेशिक लगानीका लागि सकारात्मक वातावरण रहेको बताउँदै चिनियाँ लगानीकर्तालाई निडर भएर लगानी गर्न आग्रह गरेका छन्। मङ्गलबार काठमाडौँमा आयोजित नेपाल–चीन आर्थिक सहकार्यसम्बन्धी कार्यक्रममा उनले सरकारले लगानीमैत्री नीति र संरचनागत सुधारहरू अघि बढाइरहेको उल्लेख गरे। नेपाल र चीनबीच आर्थिक सहकार्यलाई थप विस्तार गर्न सकिने प्रशस्त सम्भावना रहेको बताउँदै उनले दुवै देशका लागि लाभदायक हुने क्षेत्रहरूमा संयुक्त लगानी आवश्यक रहेको धारणा राखे।
Marketminds Investment Group
·17 Dec, 2025
1 min read
रिलायन्स स्पिनिङ मिल्सको आईपीओसम्बन्धी मुद्दामा सर्वोच्चको चासो आम सर्वसाधारणका लागि आईपीओ निष्कासनको तयारीमा रहेको रिलायन्स स्पिनिङ मिल्स लिमिटेडसम्बन्धी मुद्दामा सर्वोच्च अदालतले उच्च अदालत पाटनको फैसला झिकाउन आदेश दिएको छ। खगेन्द्रराज कँडेलले अर्थ मन्त्रालय, नेपाल धितोपत्र बोर्डलगायतलाई विपक्षी बनाएर दायर गरेको रिटमा सर्वोच्चले यसअघि उच्च अदालतले कम्पनीको पक्षमा गरेको फैसलासहितको मिसिल माग गरेको हो। आईपीओ प्रक्रियामा त्रुटि भएको दाबी गर्दै केही लगानीकर्ताले उच्च अदालत पाटनमा मुद्दा दायर गरेका थिए। त्यहाँबाट कम्पनीको पक्षमा फैसला भएपछि असन्तुष्ट लगानीकर्ताहरू सर्वोच्च अदालत पुगेका हुन्।
NEPSE TRADING
·17 Dec, 2025
1 min read
स्वस्तिक लघुवित्तको शेयरमा लगातार २५ दिन सकारात्मक सर्किट, आईपीओ लगानीकर्ताले २४ हजार नाफा कमाए स्वस्तिक लघुवित्त वित्तीय संस्थाको शेयर मूल्यमा लगातार २५ कारोबार दिन सकारात्मक सर्किट लागेको छ। नेप्सेमा कारोबार सुरु भएदेखि नै यो कम्पनीको शेयर निरन्तर रूपमा सकारात्मक सर्किट लाग्दै कारोबार भइरहेको हो। कात्तिक २५ गतेदेखि नेप्सेमा कारोबार सुरु भएको यस कम्पनीको शेयर मूल्य त्यसयता उल्लेख्य रूपमा बढेको छ। कारोबारको पहिलो दिन ३९१ रुपैयाँ ७० पैसामा बन्द भएको स्वस्तिक लघुवित्तको शेयर मूल्य मंगलबार पुस १ गतेको कारोबार अन्त्यसम्म २ हजार ५५९ रुपैयाँ ७० पैसामा पुगेको छ। यस अवधिमा कम्पनीको शेयर मूल्य कुल २ हजार १६८ रुपैयाँले वृद्धि भएको हो।
NEPSE TRADING
·16 Dec, 2025
2 min read
नेप्से १८ अंकले उकालो, कारोबार घट्दा पनि “टुइटर बटम” भ्यालिड मंगलबार नेप्से परिसूचक बढेर बन्द भएको छ। अघिल्लो कारोबार दिन सोमबार सामान्य अंकले उकालो लागेको नेप्सेले मंगलबार पनि सोही क्रमलाई निरन्तरता दिएको हो। यस दिन नेप्से परिसूचक १८.३७ अंकले बढेर २६१९.९९ विन्दुमा पुगेको छ। परिसूचक बढे पनि कारोबार रकम भने घटेको छ। सोमबार ३ अर्ब ४४ करोड रुपैयाँ बराबरको शेयर कारोबार भएको बजारमा मंगलबार ३२५ स्टकको ५५ हजार ७८ पटकको कारोबारमा ३ अर्ब २९ करोड ४२ लाख २७ हजार रुपैयाँ बराबरको ७८ लाख ४ हजार कित्ता शेयर किनबेच भएको छ। यस दिन तीन कम्पनीको शेयर सकारात्मक सर्किट लेभलमा कारोबार भएको छ। स्वस्तिक लघुवित्त वित्तीय संस्था, नारायणी डेभलपमेन्ट बैंक र एसवाई प्यानल नेपालको शेयर मूल्य सर्किट लेभलमा पुगेको हो। त्यस्तै, बाराही हाइड्रोपावरको शेयर मूल्य ७ प्रतिशतभन्दा बढीले बढेको छ भने लुम्बिनी विकास बैंकको शेयर करिब ६ प्रतिशतले उक्लिएको छ। कारोबारमा आएको श्वेत गंगा हाइड्रोपावर एण्ड कन्स्ट्रक्सनको शेयर मूल्य भने सर्वाधिक ४.१६ प्रतिशतले घटेको छ।
NEPSE TRADING
·16 Dec, 2025
1 min read
राधी विद्युत् कम्पनीको साधारण सभा पुस २२ गते, बुक क्लोज पुस ८ मा काठमाडौं । राधी विद्युत् कम्पनी लिमिटेड (RADHI) ले आफ्नो वार्षिक साधारण सभा पुस २२ गते आयोजना गर्ने भएको छ । साधारण सभा पुस २२ गते हुने भए पनि कम्पनीले सभा स्थल र समय भने पछि सार्वजनिक गर्ने जनाएको छ । साधारण सभामा आर्थिक वर्ष २०८१/८२ का वित्तीय विवरण पारित गर्ने एजेन्डा रहेका छन् । यस अन्तर्गत लेखापरीक्षकको प्रतिवेदनसहित नाफा–नोक्सान हिसाब, वित्तीय विवरण तथा नगद प्रवाह विवरण स्वीकृत गरिनेछ । त्यसैगरी, आर्थिक वर्ष २०८२/८३ का लागि लेखापरीक्षक नियुक्त गर्ने तथा पारिश्रमिक निर्धारण गर्ने प्रस्ताव पनि सभामा प्रस्तुत गरिनेछ । अन्य विविध विषयहरूमा पनि छलफल हुने कम्पनीले जनाएको छ ।
NEPSE TRADING
·16 Dec, 2025
1 min read
पिपुल्स हाइड्रोपावरको साधारण सभा पुस २३ गते, हकप्रद सेयर सम्बन्धी प्रस्ताव छलफलमा काठमाडौं । पिपुल्स हाइड्रोपावर कम्पनी लिमिटेड (PHCL) ले आफ्नो १८औँ वार्षिक साधारण सभा पुस २३ गते आयोजना गर्ने भएको छ । साधारण सभा काठमाडौंको बुद्धनगरस्थित क्वालिटी ब्याङ्क्वेटमा बिहान ११ बजेदेखि सुरु हुने कम्पनीले जनाएको छ । साधारण सभामा कम्पनीको वार्षिक प्रतिवेदन पारित गर्ने, आर्थिक वर्ष २०८१/८२ को लेखापरीक्षकको प्रतिवेदनसहित नाफा–नोक्सान हिसाब, वित्तीय विवरण तथा नगद प्रवाह विवरण स्वीकृत गर्ने एजेन्डा रहेका छन् । साथै, आर्थिक वर्ष २०८२/८३ का लागि लेखापरीक्षक नियुक्त गर्ने र पारिश्रमिक निर्धारण गर्ने प्रस्ताव पनि सभामा पेश गरिनेछ । यसका अतिरिक्त, साधारण सभामा १ः१ अनुपातमा हकप्रद सेयर निष्कासन गर्ने सम्बन्धी प्रस्ताव छलफलका लागि प्रस्तुत गरिनेछ । कम्पनीले पूँजी संरचना सुदृढ गर्न हकप्रद सेयर जारी गर्ने विषयमा शेयरधनीसँग छलफल गर्न लागेको हो ।
NEPSE TRADING
·16 Dec, 2025
1 min read
आइएमई लाइफ इन्स्योरेन्सको साधारण सभा पुस २४ गते, १०.५२६३२ प्रतिशत नगद लाभांश प्रस्ताव काठमाडौं । आइएमई लाइफ इन्स्योरेन्स कम्पनी लिमिटेड (ILI) ले आफ्नो ९औँ वार्षिक साधारण सभा पुस २४ गते आयोजना गर्ने भएको छ । साधारण सभा काठमाडौंको धुम्बाराहीस्थित दियो महलमा बिहान १० बजे सुरु हुने कम्पनीले जनाएको छ । साधारण सभामा गत आर्थिक वर्ष २०८१/८२ को मुनाफाबाट शेयरधनीहरूलाई १०.५२६३२ प्रतिशत नगद लाभांश वितरण गर्ने प्रस्ताव पारित गरिनेछ । कम्पनीको मंसिर २५ गते बसेको सञ्चालक समितिको २३२औँ बैठकले हाल कायम ५ अर्ब रुपैयाँ चुक्ता पुँजीको आधारमा ५२ करोड ६३ लाख रुपैयाँ बराबरको नगद लाभांश (करसहित) वितरण गर्ने निर्णय गरेको हो ।
NEPSE TRADING
·16 Dec, 2025
1 min read
स्वाबलम्बन लघुवित्तको २४औँ वार्षिक साधारण सभा पुस २५ गते, १० प्रतिशत लाभांश प्रस्ताव काठमाडौं । स्वाबलम्बन लघुवित्त वित्तीय संस्था लिमिटेड (SWBBL) ले आफ्नो २४औँ वार्षिक साधारण सभा पुस २५ गते आयोजना गर्ने भएको छ । साधारण सभा काठमाडौंको नक्सालस्थित लिसारा रिसेप्सनमा बिहान ११ बजेदेखि सुरु हुने कम्पनीले जनाएको छ । साधारण सभामा गत आर्थिक वर्ष २०८१/८२ को मुनाफाबाट शेयरधनीहरूलाई १० प्रतिशत लाभांश वितरण गर्ने प्रस्ताव पारित गरिनेछ । कम्पनीको मंसिर ३ गते बसेको सञ्चालक समितिको ४६७औँ बैठकले हाल कायम १ अर्ब ६५ करोड रुपैयाँ चुक्ता पुँजीको आधारमा लाभांश प्रस्ताव गरेको हो ।
NEPSE TRADING
·16 Dec, 2025
1 min read
नेप्सेमा लक्ष्मी सनराइज र कालिञ्चोक दर्शनको सेयर मूल्य समायोजन काठमाडौं । नेपाल स्टक एक्सचेञ्ज (नेप्से) मा दुई कम्पनीको सेयर मूल्य समायोजन भएको छ । नेप्सेले लक्ष्मी सनराइज बैंक लिमिटेड र कालिञ्चोक दर्शन लिमिटेडको सेयर मूल्य समायोजन गरेको हो । साधारण सभा तथा लाभांश वितरण प्रयोजनार्थ दुवै कम्पनीले बुक क्लोज गरेसँगै नेप्सेले बोनस सेयर समायोजन गर्दै नयाँ सेयर मूल्य निर्धारण गरेको हो । नेप्सेले लक्ष्मी सनराइज बैंकको १० प्रतिशत र कालिञ्चोक दर्शन लिमिटेडको ५ प्रतिशत बोनस सेयर समायोजन गरेको जनाएको छ । समायोजनपश्चात लक्ष्मी सनराइज बैंकको सेयर मूल्य प्रतिकित्ता २१३ रुपैयाँ ६४ पैसा कायम भएको छ भने कालिञ्चोक दर्शनको सेयर मूल्य ८६० रुपैयाँ ९५ पैसा निर्धारण गरिएको छ ।
NEPSE TRADING
·16 Dec, 2025
1 min read
सानिमा रिलायन्स लाइफ इन्स्योरेन्सले १०.१७८० प्रतिशत नगद लाभांश घोषणा काठमाडौं । सानिमा रिलायन्स लाइफ इन्स्योरेन्स कम्पनी लिमिटेडले सेयरधनीहरूका लागि नगद लाभांश घोषणा गरेको छ । कम्पनीको मंसिर २९ गते बसेको सञ्चालक समितिको बैठकले गत आर्थिक वर्षको सञ्चित मुनाफाबाट हाल कायम चुक्ता पुँजीको १०.१७८० प्रतिशत नगद लाभांश (कर सहित) वितरण गर्ने निर्णय गरेको हो ।
NEPSE TRADING
·16 Dec, 2025
1 min read
रिलायन्स स्पिनिङ मिल्सको आईपीओ बाँडफाँड सम्पन्न, २ हजार ३११ जनाले पाए सेयर काठमाडौं । रिलायन्स स्पिनिङ मिल्स लिमिटेडले वैदेशिक रोजगारीमा रहेका नेपालीहरूका लागि निष्कासन गरेको प्रारम्भिक सार्वजनिक निष्कासन (आईपीओ) को बाँडफाँड सम्पन्न गरेको छ । कम्पनीले गत मंसिर २२ गतेदेखि २५ गतेसम्म आईपीओ खुला गरेको थियो । कम्पनीले प्रतिकित्ता ८२० रुपैयाँ ८० पैसाका दरले कुल १ लाख १५ हजार ५९६ कित्ता सेयर निष्कासन गरेको थियो । उक्त आईपीओमा ३५ हजार १०२ जनाले १९ लाख ४४ हजार ३३० कित्ता सेयरका लागि आवेदन दिएका थिए । कम्पनीका अनुसार प्राप्त भएका सबै आवेदनहरू स्वीकृत भएका छन् । मागभन्दा धेरै आवेदन परेपछि कम्पनीले गोलाप्रथा (लटरी) प्रक्रियामार्फत आईपीओ बाँडफाँड गरेको हो । बाँडफाँडअनुसार २ हजार ३११ जना आवेदकले ५० कित्ताका दरले सेयर प्राप्त गरेका छन् ।
NEPSE TRADING
·16 Dec, 2025