DHPL को तेस्रो त्रैमासिक परिणाम: नोक्सानी घट्दै, आम्दानी बढ्दै

दिव्यश्वरी हाइड्रोपावर लिमिटेड (DHPL) ले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ। कम्पनीको नोक्सानी, गत आर्थिक वर्षको सोही अवधिको तुलनामा घटेको छ।

चालु आर्थिक वर्षको चैत मसान्तसम्ममा कम्पनीको नोक्सानी १५ लाख ७२ हजार रुपैयाँमा झरेको छ, जबकि गत आर्थिक वर्षको सोही अवधिमा यो ३ करोड ९ लाख ४९ हजार रुपैयाँ थियो। विद्युत बिक्री आम्दानी ६ करोड ८ लाख रुपैयाँबाट बढेर ६ करोड ९६ लाख रुपैयाँ पुगेको छ। यसबाट कम्पनीको कुल आम्दानी पनि ६ करोड १३ लाख रुपैयाँबाट बढेर ६ करोड ९६ लाख रुपैयाँ पुगेको छ।

कम्पनीको वित्तीय खर्च पनि घटेर ३ करोड ६४ लाख रुपैयाँ पुगेको छ। यद्यपि, कम्पनीको जगेडा कोष र सञ्चित मुनाफा २५ करोड २० लाख रुपैयाँ ऋणात्मक रहेको छ।