Trending News
Stay informed and invest with latest NEPSE news and analysis.
<1 min read
देशभर २३ लाख ८० हजार किसान सूचीकृत, चार वर्गमा वर्गीकरण गरिँदै काठमाडौं, असोज २८ — सरकारले सञ्चालन गरेको किसान सूचीकरण कार्यक्रम अन्तर्गत हालसम्म देशभरका २३ लाख ८० हजार किसान सूचीकृत भएका छन्। अनुदानका साथै अन्य आवश्यक सहायता सहज रूपमा उपलब्ध गराउन राज्यले यो कार्यक्रम सञ्चालनमा ल्याएको हो।
NEPSE TRADING
·14 Oct, 2025
1 min read
अर्थमन्त्री खनाल र विश्व बैंकका उपाध्यक्ष जुटबीच भेटवार्ता, आगामी सहकार्यका विषयमा छलफल वासिङटन डिसी (अमेरिका), असोज २८ — अर्थमन्त्री रामेश्वरप्रसाद खनाल र विश्व बैंक समूहका क्षेत्रीय उपाध्यक्ष जोहानस जुटबीच सोमबार अमेरिकाको वासिङटन डिसीमा भेटवार्ता भएको छ। भेटमा नेपालमा विश्व बैंकको सहयोगमा सञ्चालनमा रहेका विकास परियोजनाहरूका प्रगति, आगामी साझेदारीका सम्भावना र आर्थिक सहयोगका विषयमा विस्तृत रूपमा छलफल गरिएको अमेरिकास्थित नेपाली दूतावासले जनाएको छ। भेटका क्रममा नेपालका आर्थिक सुधार, लगानीमैत्री वातावरण, पूर्वाधार विकास र सामाजिक क्षेत्रका परियोजनाहरूलाई सुदृढ गर्न विश्व बैंकको भूमिकाबारे पनि विचार–विमर्श भएको दूतावासले जनाएको छ।
NEPSE TRADING
·14 Oct, 2025
1 min read
सामाजिक सञ्जाल र मोबाइल एपमार्फत वित्तीय ठगी बढ्दै, राष्ट्र बैंकले नागरिकलाई सचेत रहन आग्रह काठमाडौं, असोज २८ — पछिल्लो समयमा विभिन्न सामाजिक सञ्जाल र मोबाइल एपमार्फत वित्तीय ठगीका घटना तीव्र गतिमा बढिरहेका छन्। अपरिचित व्यक्ति वा नम्बरबाट ‘लक्की ड्रमा परेका’, ‘महँगो मोबाइल वा पुरस्कार जितेका’, ‘विदेशबाट पार्सल आएको’, ‘धन–सुन फेला परेको’, वा ‘छोटो समयमा धेरै प्रतिफल पाइने’ जस्ता आकर्षक सन्देशहरू पठाउने क्रम तीव्र भएको छ। नेपाल राष्ट्र बैंकले सोमबार एक विज्ञप्ति जारी गर्दै नागरिकहरूलाई यस्ता भ्रामक सन्देश र प्रस्तावहरूबाट सावधान रहन आग्रह गरेको छ। केन्द्रीय बैंकका अनुसार यस्ता सन्देशहरू प्रायः वित्तीय ठगीका उद्देश्यले पठाइएका हुन्छन्, जसको मुख्य लक्ष्य सर्वसाधारणको व्यक्तिगत वा वित्तीय विवरण चोरी गरेर आर्थिक हानि पुर्याउनु हो।
NEPSE TRADING
·14 Oct, 2025
1 min read
जोशी हाइड्रोपावरको अवितरित हकप्रद शेयर लिलामीमार्फत बिक्रीमा काठमाडौं, असोज २८ — जोशी हाइड्रोपावर डेभलपमेन्ट कम्पनी लिमिटेडले आफ्नो अवितरित हकप्रद शेयर लिलामी प्रक्रियामार्फत बिक्रीमा ल्याएको छ। कम्पनीले हकप्रद निष्कासनमा बिक्री नभएका कुल १ लाख ८९ हजार ९२७ कित्ता शेयर प्रतिकित्ता न्यूनतम मूल्य १०० रुपैयाँ तोकी गोप्य शिलबन्दी बोलपत्र (sealed bid) प्रणालीबाट आवेदन माग गरेको हो। कम्पनीले यसअघि साउन १५ गतेदेखि भदौ १९ गतेसम्म हकप्रद शेयर बिक्रीका लागि खुला गरेको थियो। तर, सो अवधिभित्र बिक्री नभएका शेयरहरूलाई अब लिलामीमार्फत बिक्री गर्न लागिएको हो। लिलामीका लागि आवेदन दिन इच्छुकले न्यूनतम १०० कित्ताका लागि आवेदन दिन सक्नेछन्। अधिकतममा भने १० ले निःशेष भाग जाने गरी वा सम्पूर्ण बाँकी कित्ताका लागि माग गर्न सकिने कम्पनीले जनाएको छ।
NEPSE TRADING
·14 Oct, 2025
1 min read
अमेरिकामा अर्थमन्त्री खनालद्वारा नेपाल–अमेरिका आर्थिक साझेदारीमा जोड वाशिङटन डिसी (अमेरिका), असोज २८ — विश्व बैंक र अन्तरराष्ट्रिय मुद्रा कोष (IMF) को वार्षिक बैठकमा सहभागी हुन अमेरिका पुगेका अर्थमन्त्री रामेश्वरप्रसाद खनालले अमेरिकन चेम्बर अफ कमर्सले आयोजना गरेको ‘फ्रम द हिमालयज टु द हार्टल्याण्ड : स्ट्रेन्थनिङ यूएस–नेपाल पार्टनरशिप’ शीर्षकको व्यवसायिक संवाद (Business Dialogue) कार्यक्रममा सम्बोधन गरेका छन्। कार्यक्रममा अर्थमन्त्री खनालले नेपालको हालको आर्थिक स्थिति, लगानी वातावरण, र अमेरिका–नेपालबीचको आर्थिक साझेदारी सुदृढीकरणका विषयमा विस्तृत रूपमा चर्चा गरेका थिए। उनले नेपालले लगानी–मैत्री नीति, निजी क्षेत्रसँगको सहकार्य, र ऊर्जा, पर्यटन, र सूचना प्रविधि क्षेत्रका अवसरहरूमा जोड दिएको जानकारी गराए।
NEPSE TRADING
·14 Oct, 2025
1 min read
नेपाल उद्योग वाणिज्य संघ काठमाडौँको माग: कर्जा सुविधा दुई महिना थप गर्न सरकारलाई आग्रह काठमाडौं, असोज २८ — नेपाल उद्योग वाणिज्य संघ काठमाडौँले मुलुकको हालको विषम आर्थिक र सामाजिक परिस्थितिलाई ध्यानमा राख्दै कर्जा सुविधा दुई महिना थप गर्न सरकारसँग माग गरेको छ। संघका अध्यक्ष दिनेश श्रेष्ठद्वारा जारी विज्ञप्तिमा उद्योगी तथा व्यवसायीहरू जनजीविका आन्दोलन र प्राकृतिक विपत्तिको मारमा परेको भन्दै तत्काल राहतस्वरूप कर्जा भुक्तानी अवधि मङ्सिर मसान्तसम्म थप गर्न अनुरोध गरिएको छ। संघले विज्ञप्तिमा भनेको छ, “बजारमा नगद प्रवाहमा आएको कमी, बक्यौता सङ्कलनमा गिरावट, लगानीकर्ता र उपभोक्ताको मनोबलमा आएको नकारात्मक प्रभावले उद्योगी व्यवसायी हतोत्साहित भएका छन्।”
NEPSE TRADING
·14 Oct, 2025
1 min read
अर्थशास्त्रतर्फको नोबेल पुरस्कार अमेरिकाका दुई र बेलायतका एक अर्थशास्त्रीलाई यस वर्षको अर्थशास्त्रतर्फको नोबेल पुरस्कार तीन अर्थशास्त्रीलाई प्रदान गरिएको छ। द रोयल स्विडिस एकेडेमी अफ साइन्सेसले अमेरिकाका दुई र बेलायतका एक अर्थशास्त्रीलाई यो वर्षको पुरस्कार दिने घोषणा गरेको हो। एकेडेमीका अनुसार अमेरिकाको नर्थवेस्टर्न युनिभर्सिटीका जोएल मोकिर, ब्राउन युनिभर्सिटीका पिटर हाविट, र बेलायतको द लन्डन स्कुल अफ इकोनोमिक्सका फिलिप आगियोंलाई यस वर्षको नोबेल पुरस्कार प्रदान गरिने भएको छ। तीनै अर्थशास्त्रीलाई “नवप्रवर्तन मार्फत सञ्चालित आर्थिक वृद्धिको व्याख्या गरेको योगदान”का लागि सम्मानित गरिएको हो। पुरस्कारको आधा भाग जोएल मोकिरलाई प्रविधिगत प्रगतिमार्फत दिगो आर्थिक वृद्धिका पूर्वसर्त पहिचान गरेको योगदानका लागि दिइनेछ, जबकि बाँकी आधा भाग फिलिप आगियों र पिटर हाविटलाई संयुक्त रूपमा “रचनात्मक विनाश (Creative Destruction) मार्फत दिगो आर्थिक वृद्धिको सिद्धान्त विकास गरेको योगदान”मा प्रदान गरिनेछ।
NEPSE TRADING
·13 Oct, 2025
2 min read
मुख्य ब्रोकरहरूबाट बैंकिङ, हाइड्रोपावर र इन्स्योरेन्स सेयरमा उच्च खरिद — LSL, NLG र NRN अग्रपंक्तिमा काठमाडौं, असोज २७, २०८२ (October 13, 2025) — सोमबारको कारोबारमा प्रमुख ब्रोकरहरूबाट बैंकिङ, हाइड्रोपावर र इन्स्योरेन्स सेयरमा उल्लेखनीय खरिद देखिएको छ। ब्रोकर ५८ (नासा), ५५ (भृकुटी) र ६२ (क्यापिटल म्याक्स) सक्रिय रहँदा बजारले डबल बटम सपोर्ट स्तरबाट प्राविधिक रियाक्सन देखाएको छ। बैंकिङ सेक्टरमा ब्रोकर ५८ ले LSL मा सबभन्दा बढी खरिद गरेको छ — ४,५२,२१० कित्ता सेयर औसत मूल्य २१७.०४ रुपैयाँमा, जुन ८६.४३% कारोबार बराबर हो। त्यस्तै, GBIME र SBL मा पनि उल्लेखनीय खरिद देखिएको छ, जसले संस्थागत लगानीकर्ताको आकर्षण बढ्दै गएको संकेत गर्छ।
NEPSE trading
·13 Oct, 2025
1 min read
सोमबारको सेयर बजारमा ४ अर्ब ९७ करोडको कारोबार, टप १० ब्रोकरको हिस्सा ४४ प्रतिशत नेपाल स्टक एक्सचेन्ज (नेप्से)मा सोमबार कुल ४ अर्ब ९७ करोड रुपैयाँको धितोपत्र कारोबार भएको छ। यसमध्ये टप १० ब्रोकरहरू मार्फत मात्रै ४४ प्रतिशत कारोबार भएको छ। टप १० ब्रोकरमार्फत कुल २ अर्ब ३२ करोड रुपैयाँ बराबरको धितोपत्र खरिद र २ अर्ब ५ करोड रुपैयाँ बराबरको बिक्री भएको तथ्यांक सार्वजनिक भएको छ। ठूला १० ब्रोकरमध्ये ९ ब्रोकरमार्फत खरिद बढी देखिएको छ। खरिद बढी हुने ब्रोकरहरूमा नासा (Broker 58), भृकुटी (Broker 55), क्यापिटल म्याक्स (Broker 62), भिजन (Broker 34), अनलाइन (Broker 49), इम्पेरियल (Broker 45), आर्यतारा (Broker 57), श्रीकृष्ण (Broker 28) र सनी (Broker 42) रहेका छन्। त्यसमध्ये नासा सेक्युरिटिजले ५४.७१ करोड रुपैयाँ बराबरको खरिद र ५१.१५ करोड बिक्री, र भृकुटी सेक्युरिटिजले ५२.८६ करोड खरिद र ४८.०४ करोड बिक्री गरेको छ। एक मात्र ब्रोकर त्रिशक्ति सेक्युरिटिज (Broker 48) मार्फत खरिदभन्दा बिक्री बढी (११.०५ करोड खरिद, १४.७४ करोड बिक्री) भएको छ।
NEPSE TRADING
·13 Oct, 2025
1 min read
डबल बटमबाट रियाक्सन — साताको दोस्रो दिन नेप्से ४४ अंकले उक्लियो, अन्तिम समयमा बलियो सुधार साताको दोस्रो दिन सोमबार शेयर बजारमा सकारात्मक कारोबार देखिएको छ। नेपाल स्टक एक्सचेन्ज (नेप्से) परिसूचक आज ४४.२५ अंकले बढेर २,५४७.६० विन्दुमा पुगेको छ। परिसूचक उकालो लागे पनि कारोबार रकम भने घटेको छ। हिजो आइतबार ६ अर्ब ६१ करोड रुपैयाँ भन्दा बढीको कारोबार भएको बजारमा आज कारोबार ४ अर्ब ६० करोड रुपैयाँमा सीमित भएको छ। आजको कारोबारमा एनआरएन इन्फ्रास्टक्चर एण्ड डेभलपमेन्ट अग्रस्थानमा रह्यो, जसको ३१ करोड ९१ लाख रुपैयाँ बराबरको कारोबार भयो। त्यसपछि नेपाल पुनर्बीमा कम्पनीको २६ करोड ४७ लाख रुपैयाँ भन्दा बढीको कारोबार भयो। यस दिन २०० कम्पनीको शेयर मूल्य बढ्दा ४४ वटा कम्पनीको घटेको छ। तीन बीमा कम्पनीहरू — नेपाल माइक्रो इन्स्योरेन्स कम्पनी, नेपाल पुनर्बीमा कम्पनी र क्रेष्ट माइक्रो लाइफ इन्स्योरेन्स कम्पनी — का शेयरमा १०.१० प्रतिशतको सकारात्मक सर्किट लागेको छ। त्यसैगरी, इमर्जिङ नेपाल लिमिटेडको शेयर ९.९२% र एनआरएन इन्फ्रास्टक्चर एण्ड डेभलपमेन्टको ९.८२% ले बढेको छ। सबै उपसूचक समूह हरियो बनेका छन्, जसमा अन्य उपसूचक समूह सबैभन्दा बढी ५.०१% ले उक्लिएको छ।
NEPSE TRADING
·13 Oct, 2025
1 min read
नेपाल धितोपत्र बोर्डले पूँजी बजार सुधार कार्यदलले दिएको सुझाव कार्यान्वयनका लागि विस्तृत कार्य योजना सार्वजनिक गरेको छ। लगानीकर्ताले तत्काल सुधारको माग गर्दै बोर्ड घेराउ गरेपछि आइतबार उक्त कार्य योजना सार्वजनिक गरिएको हो। कार्य योजनाअनुसार बोर्डले नौवटा प्रमुख कामलाई प्राथमिकता दिएको छ। पहिलो, दलालमार्फत मार्जिन कारोबार प्रणाली लागू गर्ने; दोस्रो, सिडिएससीबाट आइजिन वितरणमा एकरूपता ल्याउने; तेस्रो, बोनस शेयरमा कर मिलानको जिम्मेवारी कम्पनीमै तोक्ने; चौथो, लगानीकर्ता वा ब्रोकरले रकम भुक्तानीमा ढिलाइ गरे ब्याजसहित क्षतिपूर्ति दिने व्यवस्था बनाउने; पाँचौं, लगानीकर्तालाई दुई वा बढी हितग्राही खाता खोल्न अनुमति दिने; र छैटौं, नेप्सेलाई कम्पनी वर्गीकरण प्रणाली सुधार्न निर्देशन दिने योजना छ। थप रूपमा, लगानीकर्ता गुनासो समाधान संयन्त्र र पूँजी बजार साक्षरता कार्यक्रमलाई प्रभावकारी बनाइनेछ, साथै धितोपत्रसम्बन्धी कसुर छानबिनका लागि छुट्टै संयन्त्र पनि गठन गरिनेछ। अधिकांश काम कार्तिक मसान्तदेखि मंसिर १५ सम्म पूरा गर्ने लक्ष्य बोर्डले तय गरेको छ।
NEPSE TRADING
·13 Oct, 2025
1 min read
असोज २७ गते का दिन नेपाली बजारमा सुन र चाँदीको मूल्य हालसम्मकै उच्च स्तरमा पुगेका छन्। नेपाल सुनचाँदी व्यवसायी महासंघका अनुसार, आज छापावाल सुनको मूल्य प्रति तोला २ हजार ४०० रुपैयाँले बढेर २ लाख ४० हजार ४०० रुपैयाँ पुगेको छ भने चाँदीको मूल्य ९५ रुपैयाँले बढेर ३ हजार २२० रुपैयाँ पुगेको छ। यो मूल्य हालसम्मकै उच्च हो। विशेषज्ञहरूका अनुसार, विश्व बजारको उतारचढाव, अमेरिकी डलर कमजोर हुनु र लगानीकर्ताको सुरक्षित सम्पत्तिमा आकर्षण बढ्नु मूल्य वृद्धि पछाडिका प्रमुख कारण हुन्।
NEPSE TRADING
·13 Oct, 2025
3 min read
शेयर बजारको मूल्य कसरी निर्धारण हुन्छ ? — माग र आपूर्तिको सन्तुलनले खेल्छ मुख्य भूमिका शेयर बजारको मूल आधार नै माग र आपूर्ति हो । बजारमा कुनै कम्पनीको शेयर किन्न खोज्ने लगानीकर्ताको संख्या बढेमा त्यसको मूल्य बढ्छ । त्यसको विपरीत, बेच्नेहरू बढी भए मूल्य घट्ने स्वाभाविक प्रक्रिया हो । यही सन्तुलनले बजार मूल्यलाई दैनिक रूपमा चलायमान बनाउँछ । विश्लेषकहरूका अनुसार बजारमा कम्पनीको वित्तीय प्रदर्शन, लगानीकर्ताको मनोविज्ञान, र समग्र आर्थिक वातावरणले पनि मूल्यमा प्रभाव पार्छ । ठूला संस्थागत लगानीकर्ताले ठूलो मात्रामा खरिद अर्डर राख्दा तत्काल विक्रेता नपाइएपछि मूल्य अस्थायी रूपमा माथि जान सक्छ । पछि बजार सन्तुलनमा फर्किँदा मूल्य पुनः स्थिर हुने गर्छ ।
NEPSE TRADING
·13 Oct, 2025
3 min read
अमेरिकी–चिनियाँ व्यापार तनावबीच एशियाली सेयर बजारमा गिरावट, अस्थिरता कायमै नयाँ व्यापार तनावका कारण एशियाली सेयर बजारहरू सोमबार अस्थिर बनेका छन्। अमेरिकी राष्ट्रपति डोनाल्ड ट्रम्पले चिनियाँ सामानमा १०० प्रतिशत शुल्क लगाउने चेतावनी दिएपछि लगानीकर्तामा बेचबिखनको दबाब बढेको हो। यद्यपि, उनले पछिल्लो वक्तव्यमा चीनप्रति केही मिलनसार र सन्तुलित संकेत देखाएपछि बजारमा आंशिक सुधार देखिएको छ। जापान र अमेरिकामा सार्वजनिक बिदा परेकाले सोमबारको बजार कारोबार पातलो रह्यो। यसबीच जापान र युरोपेली बजार राजनीतिक अनिश्चितताले छायामा परेका छन्। चीनले भने अमेरिकासँगको व्यापारिक विवादमा आफ्नो दुर्लभ धातु (Rare Earth Elements) निर्यातमा लगाइएको प्रतिबन्धको बचाउ गर्दै, अमेरिकी आक्रामक नीतिको प्रतिक्रिया भएको बताएको छ। तर, चीनले अमेरिकी सामानमा थप शुल्क लगाउने निर्णय भने स्थगित गरेको छ। गोल्डम्यान स्याच्सका प्रमुख अर्थशास्त्री जान हाट्जियस का अनुसार, “हामी अनुमान गर्छौं कि आगामी नोभेम्बर १० सम्म व्यापार वार्ता विस्तार हुनेछ र दुवै देशबीच सानो स्तरका सम्झौता वा रियायत सम्भव छन्,” उनले भने। तर, उनले चेतावनी दिए — “हालका नीतिगत कदमहरूले नयाँ जोखिम पनि निम्त्याएका छन्, जसमा अस्थायी रूपमा निर्यात प्रतिबन्ध र उच्च शुल्क बढ्न सक्छ।”
NEPSE TRADING
·13 Oct, 2025
2 min read
डच सरकारले नियन्त्रण लिएपछि विङटेक टेक्नोलोजीको सेयर १० प्रतिशतले ओरालो काठमाडौँ — चिनियाँ कम्पनी विङटेक टेक्नोलोजी कम्पनी लिमिटेड (Wingtech Technology Co.) को सेयर मूल्य सोमबार १० प्रतिशतले घटेर दैनिक सर्किट लिमिटमा पुगेको छ। सेयर बजारमा आएको यो तीव्र गिरावटको कारण हो — नेदरल्याण्ड (डच) सरकारले कम्पनीको युरोपेली सहायक कम्पनी नेक्स्पेरिया (Nexperia) माथि नियन्त्रण लिएको घोषणा। डच सरकारले गत सेप्टेम्बरमा "Goods Availability Act" अन्तर्गत राष्ट्रिय सुरक्षासम्बन्धी चिन्तालाई कारण देखाउँदै नेक्स्पेरियाको नियन्त्रण लिएको थियो। उक्त कानुनले सरकारले कम्पनीका निर्णयहरू रोक्न वा उल्ट्याउन सक्ने अधिकार दिन्छ। यद्यपि, नेक्स्पेरियालाई सामान्य उत्पादन सञ्चालन गर्न अनुमति दिइएको छ। नेदरल्याण्डको सरकारले विङटेकलाई नेक्स्पेरिया र यसको सहायक कम्पनीहरूको सम्पत्ति, व्यवसाय वा कर्मचारीमा हुने परिवर्तनहरू एक वर्षसम्म रोक्न आदेश दिएको छ। कम्पनीले आइतबार जारी गरेको विज्ञप्तिमा यो कुरा पुष्टि गरेको छ।
NEPSE TRADING
·13 Oct, 2025
2 min read
बाराही हाइड्रोपावरको दशौं वार्षिक साधारण सभा कात्तिक २० गते काठमाडौँ — बाराही हाइड्रोपावर पब्लिक लिमिटेडले आफ्नो दशौं वार्षिक साधारण सभा (AGM) आगामी कात्तिक २० गते, बिहीबारका दिन आयोजना गर्ने भएको छ। कम्पनीको सञ्चालक समितिको असोज २६ गते बसेको बैठकले उक्त मिति, स्थान र समय तोकेको हो। कम्पनी ऐन, २०६३ को दफा ६७ बमोजिम सम्पूर्ण शेयरधनीहरूलाई सभामा उपस्थित हुन सूचना सार्वजनिक गरिएको कम्पनीले जनाएको छ। कम्पनीका अनुसार साधारण सभा भक्तपुरको सूर्यविनायक–८ स्थित डोलेश्वर भिलेज रिसोर्टमा बिहान १२:१५ बजे सुरु हुनेछ। सभामा आर्थिक वर्ष २०८१/८२ को वार्षिक प्रतिवेदन, वासलात, नाफा–नोक्सान विवरण र लेखापरीक्षकको प्रतिवेदनमाथि छलफल गरी पारित गरिनेछ। साथै, आगामी आर्थिक वर्ष २०८२/८३ का लागि लेखापरीक्षक नियुक्ति र पारिश्रमिक निर्धारण गर्ने प्रस्ताव पनि सभामा प्रस्तुत गरिनेछ। सभामा कम्पनीको आगामी योजनासँग सम्बन्धित विशेष प्रस्ताव पनि पेश गरिनेछ। हकप्रद शेयर जारी गर्दा प्राप्त रकमको उपयोग तथा जारी प्रक्रियामा हुने सम्पूर्ण कार्य गर्न सञ्चालक समितिलाई आवश्यक अधिकार प्रदान गर्ने प्रस्ताव सभामा अनुमोदनका लागि पेश गरिनेछ।
NEPSE TRADING
·13 Oct, 2025
2 min read
कुमारी क्यापिटलले हराएका शेयर प्रमाणपत्र सम्बन्धी ३५ दिने सूचना जारी काठमाडौँ — कुमारी क्यापिटल लिमिटेडले आफ्नो शेयर रजिष्ट्रारका रूपमा कार्यरत विभिन्न कम्पनीका शेयरधनीहरूका हराएका शेयर प्रमाणपत्र सम्बन्धी ३५ दिने अत्यन्तै जरुरी सूचना प्रकाशित गरेको छ। क्यापिटलले शेयरधनीहरूले हराएको प्रमाणपत्रको प्रतिलिपि उपलब्ध गराउन माग गर्दै निवेदन दिएका कारण सो विषयमा सम्भावित दाबीदारहरूले प्रमाणसहित दाबी पेश गर्न आग्रह गरेको हो। सूचनामा भनिएको छ, “यदि कुनै व्यक्ति वा संस्थाले सो शेयर प्रमाणपत्रमा हकदाबी राख्ने भए, यो सूचना प्रकाशित भएको मितिले ३५ (पैँतीस) दिनभित्र कुमारी क्यापिटल लिमिटेड, नागपोखरी, नक्साल, काठमाडौंमा प्रमाणसहित निवेदन दिनुपर्नेछ। अन्यथा, सो अवधिपछि निवेदनमा उल्लेखित हकवालाको नाममा आवश्यक प्रक्रिया पूरा गरी प्रतिलिपि प्रमाणपत्र जारी गरिनेछ।” क्यापिटलले स्पष्ट रूपमा चेतावनी दिएको छ कि तोकिएको समयावधि पछि दर्ता भएका वा रितपूर्वक नपरेका निवेदनहरूमा कुनै पनि प्रकारको कारबाही गरिने छैन।
NEPSE TRADING
·13 Oct, 2025
2 min read
जोशी हाइड्रोपावरको बाँकी हकप्रद शेयर लिलामीमा, बोलपत्र बुझाउने अन्तिम मिति कात्तिक ११ जोशी हाइड्रोपावर डेभलपमेन्ट कम्पनी लिमिटेडले आफ्ना बाँकी हकप्रद शेयरहरू लिलामी (शिलबन्दी बोलपत्र) प्रणालीमार्फत बिक्री गर्न लागेको छ। कम्पनीले यसअघि सर्वसाधारण समूहका लागि हकप्रद शेयर बिक्रीका लागि आवेदन माग गरेको थियो। तर, तोकिएको अवधिभित्र सम्पूर्ण शेयरका लागि आवेदन नपरेपछि बाँकी शेयरहरू बोलकबोल प्रक्रियाबाट बिक्री गर्ने निर्णय गरेको हो। कम्पनीले धितोपत्र निष्काशन तथा बाँडफाँट निर्देशिका, २०७४ को निर्देशन नम्बर १५ को प्रावधानका आधारमा बाँकी शेयर बिक्री गर्न लागेको हो। यसका लागि कम्पनीको सञ्चालक समितिले विशेष बैठकमार्फत निर्णय गर्दै इच्छुक व्यक्ति, कम्पनी, संघ वा संस्थाहरूलाई निर्धारित म्यादभित्र बोलपत्र पेश गर्न अनुरोध गरेको छ। कम्पनीले सार्वजनिक गरेको सूचनाअनुसार, इच्छुक लगानीकर्ताहरूले २०८२ कात्तिक ११ गते (मंगलबार) अपरान्ह ३:०० बजेभित्र बोलपत्र बुझाइसक्नुपर्नेछ। कम्पनीले तोकेको म्यादपछि प्राप्त हुने आवेदन अमान्य हुने जनाएको छ।
NEPSE TRADING
·13 Oct, 2025
1 min read
बरुण हाइड्रोपावर कम्पनी लिमिटेडले हकप्रद बाँकी शेयर बोलकबोलबाट बिक्री गर्न लाग्यो काठमाण्डौ – बरुण हाइड्रोपावर कम्पनी लिमिटेडले आफ्ना बाँकी हकप्रद शेयरहरू बोलकबोल (गोप्य शिल्ड टेन्डर) प्रणालीमार्फत बिक्री गर्न लागेको छ। कम्पनीले यसअघि २०८२ साल असार ३१ गतेदेखि साउन ३ गतेसम्म हकप्रद शेयर बिक्रीका लागि आवेदन माग गरेको थियो। तर, सो अवधिभित्र सर्वसाधारण समूहतर्फबाट २ लाख ३८ हजार ४४३ कित्ता शेयरका लागि आवेदन नपरेपछि ती बाँकी शेयरहरू अहिले बोलकबोल प्रक्रियामार्फत बिक्री गरिँदैछ। धितोपत्र निष्कासन तथा बाँडफाँट निर्देशिका, २०७४ को निर्देशन नं. १५ बमोजिम कम्पनीले बोलकबोल आवेदन माग गर्ने सूचना प्रकाशित गरिसकेको छ। इच्छुक व्यक्ति, कम्पनी वा संस्थाहरूले २०८२ असोज २९ गतेदेखि असोज १२ गतेभित्र बोलपत्र पेश गर्न सक्थे।
NEPSE TRADING
·13 Oct, 2025
3 min read
सरकारले ल्यायो तेस्रो सार्वजनिक वित्तीय व्यवस्थापन सुधार रणनीति (२०८२–२०८७) — स्रोतको प्रभावकारी विनियोजन, सुशासन र आर्थिक अनुशासन मुख्य लक्ष्य स्रोतको प्रभावकारी विनियोजन, आर्थिक अनुशासन कायम राख्ने र सार्वजनिक सेवा प्रवाहलाई प्रवर्द्धन गर्ने उद्देश्यसहित सरकारले तेस्रो सार्वजनिक वित्तीय व्यवस्थापन सुधार राष्ट्रिय रणनीति (सन् २०८२–२०८७) तयार गरेको छ। यो रणनीति संघीय शासन प्रणाली लागू भएपछिको पहिलो व्यापक वित्तीय सुधार खाका हो, जसले नेपालमा संघीय वित्तीय व्यवस्थापनको दिगोपनालाई बल पुर्याउने सरकारको विश्वास छ।
NEPSE TRADING
·12 Oct, 2025