सुन स्थिर, चाँदीको मूल्यमा वृद्धि

नेपाली बजारमा आज सुनको मूल्यमा कुनै परिवर्तन आएको छैन। मंगलबार कायम रहेको दरमै बुधबार पनि सुनको कारोबार भइरहेको छ।

नेपाल सुनचाँदी व्यवसायी संघका अनुसार आज छापावाल सुन प्रतितोला 3 लाख १४ हजार ८०० रुपैयाँमा खरिदबिक्री भइरहेको छ। मंगलबार पनि यही मूल्यमा सुनको कारोबार भएको थियो।

यता, चाँदीको मूल्य भने आज बढेको छ। अघिल्लो दिनको तुलनामा चाँदी प्रतितोला १३० रुपैयाँले वृद्धि भई आज ५ हजार ७१५ रुपैयाँमा कारोबार भइरहेको छ। मंगलबार चाँदी प्रतितोला ५ हजार ५८५ रुपैयाँमा किनबेच भएको थियो।

अन्तर्राष्ट्रिय बजारको प्रभाव, डलर विनिमय दर तथा माग आपूर्तिको अवस्थाले बहुमूल्य धातुको मूल्यमा उतारचढाव आउने गरेको देखिन्छ। पछिल्लो समय सुन स्थिर रहे पनि चाँदीको मूल्यमा क्रमशः वृद्धि देखिन थालेको छ।