जनउत्थान लघुवित्तको १४औं वार्षिक साधारणसभा फागुन २४ मा: शेयरधनी दर्ता किताब बन्द हुने

जनउत्थान सामुदायिक लघुवित्त वित्तीय संस्था लिमिटेडले १४औं वार्षिक साधारण सभा २०७९ फागुन २४ गते आयोजना गर्ने निर्णय गरेको छ। साधारण सभाका लागि २०७९ फागुन ५ गतेदेखि शेयरधनी दर्ता किताब बन्द गरिनेछ। कम्पनीको सञ्चालक समितिको माघ २३ गतेको बैठकले २३.१५ प्रतिशत बोनस सेयर र १.२१ प्रतिशत नगद लाभांश वितरण गर्ने प्रस्ताव पारित गरेको छ। साधारण सभामा लाभांश वितरण, सञ्चालक निर्वाचन तथा अन्य महत्वपूर्ण एजेन्डाहरू प्रस्तुत गरिने छन्। शेयरधनीहरूलाई निर्धारित मितिभित्र आवश्यक प्रक्रिया पूरा गर्न अनुरोध गरिएको छ।