जनउत्थान सामुदायिक लघुवित्तको चौथो त्रैमासिक नाफा १४.६५ करोड, एनपीएल ६.१६%

जनउत्थान सामुदायिक लघुवित्त वित्तीय संस्था लिमिटेडले आर्थिक वर्ष २०८१/८२ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार संस्थाले समीक्षा अवधिमा १४ करोड ६५ लाख रुपैयाँ खुद नाफा कमाएको छ। अघिल्लो वर्षको यसै अवधिमा १२ करोड १४ लाख रुपैयाँ नाफा भएको थियो।

समीक्षा अवधिमा संस्थाको कुल सम्पत्ति २ अर्ब ३९ करोड ७८ लाख रुपैयाँ पुगेको छ। कुल पूँजी तथा दायित्वमा चुक्ता पूँजी १७ करोड रुपैयाँ, जगेडा तथा मुनाफा कोषमा ८ करोड ९९ लाख रुपैयाँ, निक्षेप संकलन ९५ करोड ४७ लाख रुपैयाँ, र उधारो १ अर्ब ९ करोड रुपैयाँ रहेका छन्।

आय पक्षमा, संस्थाले ३० करोड ८३ लाख रुपैयाँ ब्याज आम्दानी आर्जन गरेको छ भने ब्याज खर्च १६ करोड ३ लाख रुपैयाँ भएको छ। यसरी नेट ब्याज आम्दानी १४ करोड ८० लाख रुपैयाँ पुगेको छ। अन्य सञ्चालन आम्दानी २३ लाख ९३ हजार रुपैयाँ रहँदा कुल सञ्चालन आम्दानी १७ करोड १९ लाख रुपैयाँ भएको छ।

समीक्षा अवधिमा सञ्चालन मुनाफा ६ करोड ४५ लाख रुपैयाँ रहेको छ भने सम्भावित हानीको लागि ५ करोड ३८ लाख रुपैयाँ प्रावधान राखिएको छ। एनपीएल (नन–परफर्मिङ लोन) अनुपात ६.१६ प्रतिशत, पूँजी पर्याप्तता अनुपात १०.५५ प्रतिशत, आधार दर १२.७८ प्रतिशत र ब्याजदर स्प्रेड ६.१९ प्रतिशत रहेको छ।