एमबीएल इक्विटी फण्ड आजदेखि निष्कासनमा

सामूहिक लगानी कोष “एमबीएल इक्विटी फण्ड” आजदेखि निष्कासनमा आएको छ। प्रतिइकाई १० रुपैयाँका दरले १२ करोड इकाई जारी गरिएको यो फण्डमा १ करोड ६८ लाख इकाई कोष प्रवर्द्धक माछापुच्छ्रे बैंक र १२ लाख इकाई योजना व्यवस्थापक माछापुच्छ्रे क्यापिटल लिमिटेडका लागि सुरक्षित छ। बाँकी १० करोड २० लाख इकाई सर्वसाधारणका लागि खुला गरिएको छ।

लगानीकर्ताले न्यूनतम १०० देखि अधिकतम १ करोड २० लाख इकाईका लागि आवेदन दिन सक्नेछन्। निष्कासन फागुन २६ मा बन्द हुने र आवश्यक परे चैत ७ सम्म लम्बिन सक्छ। आवेदन आस्बा सदस्य बैंक, वित्तीय संस्था वा मेरो शेयरमार्फत गर्न सकिनेछ। यो १२ वर्षे बन्दमुखी योजना हो।