शाङ्रिला डेभलपमेण्ट बैंकले १०.३५८३% लाभांशका लागि बुक क्लोजर घोषणा, पुस ७ गते २१औँ वार्षिक साधारणसभा

शाङ्रिला डेभलपमेण्ट बैंक लिमिटेड (SADBL) ले आगामी पुस ७ गते, २०८२ मा २१औँ वार्षिक साधारणसभा (AGM) आह्वान गरेको छ।

साधारणसभामा आर्थिक वर्ष २०८१/८२ का लागि १०.3583% लाभांश अनुमोदन गर्ने एजेन्डा प्रमुख रूपमा रहनेछ। कात्तिक २८ गते बसेको सञ्चालक समितिको ३७४औँ बैठकले रु. ३.५५ अर्ब चुक्ता पुँजीबाट लाभांश वितरण गर्ने निर्णय गरेको थियो। प्रस्तावित लाभांशमध्ये ५% बोनस सेयर (करिब रु. १७.७८ करोड) र ५.3583% नगद लाभांश (कर प्रयोजनका लागि) करिब रु. १९.०५ करोड बराबरको छ। कुल लाभांश रकम करिब रु. ३६.८३ करोड हुने बैंकले जनाएको छ।

यससँगै बैंकले लाभांश वितरण तथा AGM का लागि बुक क्लोजर मिति मंसिर २३ गतेदेखि पुस ७ गतेसम्म कायम गरेको छ। सो अवधिभन्दा अघि नामसारी भएका सेयरधनीहरू लाभांश प्राप्त गर्न र साधारणसभामा सहभागी हुन योग्य हुनेछन्।

शाङ्रिला डेभलपमेण्ट बैंकको आगामी AGM ले लाभांश पारितदेखि वार्षिक प्रतिवेदनको अनुमोदनसम्मका महत्वपूर्ण विषयहरूमा निर्णय गर्ने अपेक्षा गरिएको छ।