सिटिजन्स सदाबहार योजनाको इकाई खरिद अन्तिम म्याद असार २७

सिटिजन्स म्युचुअल फण्डअन्तर्गतको सिटिजन्स सदाबहार योजना मा इकाई खरिदको अन्तिम म्याद असार २७ गते शुक्रबार साँझ ५ बजेसम्म तोकिएको छ। सिटिजन्स बैंक ईन्टरनेसनल लिमिटेड कोष प्रवद्र्धक र सिटिजन्स क्यापिटल लिमिटेड योजना व्यवस्थापक रहेको यो योजना असार १३ गतेदेखि बिक्री खुला गरिएको हो।

न्यूनतम १०० इकाई (रु. १,०००) देखि अधिकतम ५० लाख इकाई (रु. ५ करोड) सम्म आवेदन दिन सकिनेछ। प्रति इकाई मूल्य रु. १० तोकिएको छ। यसमा एसआईपी (Systematic Investment Plan) मार्फत पनि लगानी गर्न सकिन्छ। अनुमानित वार्षिक प्रतिफल १५.१०% रहनेछ।

आवेदन मेरो शेयर खाता, सि–आस्वा सदस्य बैंक वा तिनका शाखाबाट दिन सकिनेछ। कम्पनीको रजिष्ट्रर कार्यालय डिल्लीबजारस्थित बाटुलेघरमा छ। सिटिजन्स बैंकका देशभरका शाखाबाट पोर्टफोलियो सेवा लिन सकिने व्यवस्था मिलाइएको छ।