डोनाल्ड ट्रम्प पुनः अमेरिकाको ४७ औं राष्ट्रपति निर्वाचित

रिपब्लिकन उम्मेदवार डोनाल्ड ट्रम्प अमेरिकाको ४७ औं राष्ट्रपति निर्वाचित भएका छन्। ट्रम्पले यस वर्षको चुनावमा डेमोक्र्याट उम्मेदवार उपराष्ट्रपति कमला ह्यारिसलाई पराजित गर्दै दोस्रो कार्यकालका लागि विजय हासिल गरेका हुन्।

• पहिलो कार्यकाल: ट्रम्पले सन् २०१६ मा पहिलो पटक राष्ट्रपति पदमा निर्वाचित भएका थिए। तर, सन् २०२० मा जो बाइडनसँग पराजित भएका थिए।

• यसवर्षको चुनाव: पुनः उम्मेदवारी दिएका ट्रम्पले उपराष्ट्रपति कमला ह्यारिसलाई पराजित गरेका छन्।

• इलेक्टोरल भोट: ट्रम्पले २७९ इलेक्टोरल भोट प्राप्त गरेका छन्, जुन राष्ट्रपति बन्न आवश्यक २७० भोट भन्दा बढी हो।

यद्यपि, निर्वाचन आयोगको आधिकारिक घोषणा आउन बाँकी छ। विस्कन्सिन (१० इलेक्टोरल भोट) र अलास्का (३ इलेक्टोरल भोट) मा रिपब्लिकनको जित पक्का भएपछि ट्रम्पको जित सुनिश्चित भएको हो।