सुनको मूल्य प्रतितोला २ लाख नाघ्यो, चाँदी पनि रेकर्डस्तरमा

भदौ १३ गते, शुक्रबार, नेपाली बजारमा सुनको मूल्यले नयाँ कीर्तिमान कायम गरेको छ। नेपाल सुनचाँदी व्यवसायी महासंघका अनुसार सुन प्रतितोला २ लाख ६०० रुपैयाँमा कारोबार भइरहेको छ, जुन अघिल्लो दिनको भन्दा १ हजार २०० रुपैयाँ बढी हो। बुधबार सुनको मूल्य १ लाख ९९ हजार ४०० रुपैयाँमा पुगेको थियो भने बिहीबार सो मूल्य रेकर्ड तोड्दै अझै बढेको हो। यस्तै, चाँदी पनि रेकर्डस्तरमा कारोबार भइरहेको छ। गत साउन १० गते प्रतितोला २ हजार ३६० रुपैयाँमा पुगेको चाँदी आज पनि सोही मूल्यमा कारोबार भइरहेको छ, तर अघिल्लो दिनको तुलनामा ५ रुपैयाँ वृद्धि भएको छ।