मिड सोलु हाइड्रोपावरले १५.७८९% लाभांश प्रस्ताव, १५% बोनस सेयर र ०.७८९% नगद

मिड सोलु हाइड्रोपावर कम्पनी लिमिटेड (MSHL) ले आ.व. २०८१/८२ का लागि १५.७८९% लाभांश वितरण गर्ने प्रस्ताव गरेको छ। कम्पनीको सञ्चालक समितिको भदौ १२ गते बसेको बैठकले १५% बोनस सेयर जसको मूल्य करिब रु. ११ करोड २२ लाख र ०.७८९% नगद लाभांश जसको मूल्य करिब रु. ५९ लाख ८ हजार वितरण गर्ने प्रस्ताव गरेको हो। कम्पनीको हालको चुक्ता पूँजी रु. ७४ करोड ८४ लाख रहेको छ भने प्रस्ताव गरिएको नगद लाभांशमा बोनस सेयरमा लाग्ने कर समेत समावेश छ। सो लाभांश प्रस्तावलाई विद्युत नियमन आयोगको स्वीकृति र आगामी ४औं वार्षिक साधारण सभा (AGM) बाट पारित गरेपछि मात्र वितरण गरिनेछ। हालको अवस्था अनुसार कम्पनीको पछिल्लो कारोबार मूल्य (LTP) रु. ९०२.४८ रहेको छ।