नेपाल टेलिकमको पहिलो त्रैमासिकमा आय र नाफामा गिरावट

नेपाल टेलिकमले आर्थिक वर्ष २०८२/८३ को पहिलो त्रैमासिक वित्तीय विवरण सार्वजनिक गरेको छ। सार्वजनिक गरिएको विवरण अनुसार कम्पनीको कुल सञ्चालन आयमा अलिकति गिरावट आएको छ।

कम्पनीले समीक्षा अवधिमा ८ अर्ब ६७ करोड ९५ लाख १५ हजार रुपैयाँ सञ्चालन आय प्राप्त गरेको छ, जुन गत वर्षको सोही अवधिका ८ अर्ब ६८ करोड १ लाख ८६ हजार रुपैयाँको तुलनामा ६ लाख ७१ हजार रुपैयाँ (०.०१%) कम हो।

कुल आयमा उल्लेख्य गिरावट

पहिलो त्रैमासिकसम्म टेलिकमको कुल आय

• यो वर्ष: ९ अर्ब ४७ करोड १० लाख ५१ हजार

• गत वर्ष: १० अर्ब ६ करोड ३७ लाख ३५ हजार

यस अनुसार कम्पनीको कुल आयमा ५९ करोड २६ लाख ८५ हजार रुपैयाँको कमी देखिएको छ।

खर्च नियन्त्रणमा सुधार

कम्पनीले ब्याज, कर, मूल्यह्रास लगायतका खर्च समेटिएको मदमा ४ अर्ब ७५ करोड ४ लाख ७१ हजार रुपैयाँ खर्च भएको छ। यो रकम गत वर्षको तुलनामा १२.२९% ले कम भएको उल्लेख छ, जसले खर्च नियन्त्रणमा सुधार भएको संकेत गर्दछ।

कर अघिको मुनाफामा गिरावट

नेपाल टेलिकमको कर अघिको मुनाफा यस त्रैमासिकमा २ अर्ब ८८ करोड २१ लाख १६ हजार रुपैयाँ रहेको छ।
गत आर्थिक वर्षको सोही अवधिमा यो मुनाफा ३ अर्ब ५५ करोड ३६ लाख ९४ हजार रुपैयाँ थियो।

यस आधारमा, कम्पनीको कर अघिको मुनाफा ६७ करोड १५ लाख ७८ हजार रुपैयाँले घटेको देखिन्छ।

आर्थिक वर्ष २०८२/८३ को प्रथम त्रैमासमा नेपाल टेलिकमको आय र नाफामा दुवै पक्षबाट छोटो गिरावट देखिए पनि खर्च नियन्त्रणमा सकारात्मक सुधार देखिएको छ। कम्पनीले आगामी त्रैमासहरूमा सेवा विस्तार, डिजिटल रूपान्तरण र नयाँ प्रविधि अपनाइदिँदा आय तथा नाफामा पुनः सुधार आउने अपेक्षा राखिएको छ।