पैयु खोला हाइड्रोपावरले आईपीओ निष्कासन गर्ने

पर्वत पैयु खोला हाइड्रोपावर कम्पनी लिमिटेडले असार ३ गते विशेष साधारण सभा बोलाएको छ। सभा टोखा-५, काठमाडौंस्थित कम्पनीको कार्यालयमा बिहान १० बजे सुरु हुनेछ।

यस सभामा कम्पनीले प्राथमिक सेयर (आईपीओ) निष्कासन गर्ने प्रस्ताव पेश गर्नेछ। साथै, स्वतन्त्र सञ्चालकको नियुक्ति गर्ने र कम्पनीको नियमावलीको नियम १८ मा संसोधन गर्ने प्रस्तावहरु पनि सभामा राखिनेछन्।

साधारण सभामा भाग लिन सेयरधनीहरुलाई कम्पनीले उपस्थित हुन अनुरोध गरेको छ। यस सभामा पारित हुने प्रस्तावहरु कम्पनीको भावी योजना र सञ्चालनमा महत्वपूर्ण हुने विश्वास गरिएको छ।