प्रधानमन्त्री ओलीको घोषणा — भारतलाई १ हजार मेगावाट विद्युत निर्यात, ८० अर्बभन्दा बढी आम्दानी हुने

प्रधानमन्त्री केपी शर्मा ओलीले नेपालले अब भारतलाई १ हजार मेगावाट विद्युत निर्यात गर्ने घोषणा गरेका छन्। उनले यस निर्यातबाट नेपालले ८० अर्ब २७ करोड रुपैयाँ आम्दानी गर्ने बताएका छन्।

प्रधानमन्त्री ओलीका अनुसार भारतसँगको विद्युत व्यापारले नेपालको आर्थिक आयमा ठूलो योगदान पुर्‍याउनेछ। “हामी भारतलाई एक हजार मेगावाट बिजुली निर्यात गर्दैछौं, जसबाट ८० अर्ब २७ करोड रुपैयाँ आम्दानी हुनेछ,” उनले भने।

विद्युत निर्यातको यो योजना नेपालका लागि ऊर्जा क्षेत्रबाट हुने आम्दानीलाई नयाँ उचाइमा पुर्‍याउने ऐतिहासिक अवसरका रूपमा लिइएको छ।