(PMLI) प्रभु महालक्ष्मी लाइफ इन्स्योरेन्सको तेस्रो त्रैमासिक नतिजा सार्वजनिक, खर्च वृद्धिले नाफामा थोरै मात्र सुधार

प्रभु महालक्ष्मी लाइफ इन्स्योरेन्सले आर्थिक वर्ष २०८१/८२ को तेस्रो त्रैमाससम्मको असाेडिट वित्तीय विवरण सार्वजनिक गरेको छ। कम्पनीको कुल आम्दानी, बीमा प्रिमियम र शेयर पूँजीमा राम्रो वृद्धि देखिए पनि नाफा भने थोरै मात्र बढेको छ, मुख्यतः खर्च र दावी भुक्तानीको उच्च वृद्धिका कारण।

कम्पनीले चालु त्रैमाससम्म २७ करोड ७२ लाख रुपैयाँ खुद नाफा कमाएको छ, जुन अघिल्लो वर्षको समान अवधिको नाफा (२६ करोड ८८ लाख रुपैयाँ) भन्दा ०.६७% ले मात्र बढी हो। कुल आम्दानी १६.५४% ले बढेर ४ अर्ब ५४ करोड रुपैयाँ पुगेको छ भने बीमा शुल्क आम्दानी (Net Earned Premium) १७.८१% ले वृद्धि भई ३ अर्ब ४९ करोड रुपैयाँ पुगेको छ।

तर, सोही अनुपातमा खर्चहरू पनि बढेका छन्। कुल खर्च १७.७२% ले बढेर ४ अर्ब २६ करोड रुपैयाँ पुगेको छ। दावी भुक्तानी (Net Benefits and Claims Paid) मा २१.३५% को उच्च वृद्धि देखिएको छ, जुन ३ अर्ब ३७ करोड रुपैयाँ पुगेको छ।

कम्पनीको शेयर पूँजी १०% ले बढेर ४ अर्ब ७२ करोड रुपैयाँ पुगेको छ। यस्तै, आपतकालीन कोष (Catastrophe Reserves) १५.५८% ले बढेको छ। तर, रिटेन्ड अर्निङ्स (Retained Earnings) भने १६.८९% ले घटेर ७ अर्ब ९४ लाख रुपैयाँमा झरेको छ, जसले कम्पनीको भित्री लाभांश क्षमता कमजोर भएको संकेत दिन्छ।

कमाइ प्रति शेयर (EPS) अघिल्लो वर्षको ८.३५ रुपैयाँबाट घटेर ७.६४ रुपैयाँमा झरेको छ। बजार मूल्य अनुपात (PE Ratio) भने ६१.३१ बाट बढेर ७१.६९ पुगेको छ, जसले कम्पनीको शेयर बजारमा केही महँगो देखिएको संकेत गर्छ। प्रतिशेयर नेटवर्थ पनि घटेर १२१.८९ रुपैयाँमा झरेको छ।

सारांशमा, आम्दानीमा राम्रो सुधार देखिए पनि खर्च र दावी भुक्तानीमा तीव्र वृद्धि भएकाले कम्पनीको खुद नाफामा ठूलो सुधार आउन सकेको छैन। अगामी त्रैमासमा कम्पनीले खर्च नियन्त्रण र लाभ सुधारमा ध्यान दिए राम्रो वित्तीय प्रदर्शन गर्नसक्ने सम्भावना देखिन्छ।