रुरु जलविद्युत परियोजनाले १५% बोनस सेयर र नगद लाभांश वितरणको घोषणा

रुरु जलविद्युत परियोजनाले गत आर्थिक वर्षको मुनाफाबाट सेयरधनीहरूलाई १५ प्रतिशत बोनस सेयर र कर तिर्न ०.७८ प्रतिशत नगद लाभांश वितरण गर्ने घोषणा गरेको छ। असोज १२ गते बसेको कम्पनीको सञ्चालक समितिको बैठकले यो निर्णय गरेको हो।

• लाभांश: १५% बोनस सेयर र ०.७८% नगद लाभांश (कर प्रयोजनका लागि)।

• हकप्रद सेयर: बोनस सेयर वितरण पश्चात कायम हुने पुँजीमा ८०% हकप्रद सेयर जारी गर्ने योजना।

• वार्षिक साधारण सभा: कात्तिक ११ गते लिसार ब्याङकेट, नक्साल, काठमाडौंमा बिहान ११ बजे।

• बुक क्लोज मिति: असोज ३० गते (असोज २९ गतेसम्म कायम सेयरधनीहरूले साधारण सभामा सहभागिता जनाउन र लाभांश प्राप्त गर्न सक्नेछन्)।

कम्पनीले कात्तिक ११ गते वार्षिक साधारण सभा आह्वान गरी सो सभामा प्रस्तावित लाभांश र हकप्रद सेयर जारी गर्ने योजना पारित गर्नेछ।