स्नो रिभर्स लिमिटेड को आईपीओ आजदेखि खुला, स्थानीय बासिन्दा र वैदेशिक रोजगारीमा रहेका नेपालीलाई प्राथमिकता

स्नो रिभर्स लिमिटेडले आज (चैत ९ गते) देखि आफ्नो प्राथमिक सेयर (आईपीओ) निष्काशन तथा बिक्री खुला गरेको छ। कम्पनीले आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीहरूका लागि आईपीओ खुला गरेको हो। कम्पनीले ९३ करोड ७५ लाख रुपैयाँ जारी पूँजीको २० प्रतिशत अर्थात १८ लाख ७५ हजार कित्ता शेयर निष्काशन गर्ने अनुमति पाएको थियो, जसअन्तर्गत ९ लाख ३७ हजार ५०० कित्ता शेयर स्थानीय बासिन्दाका लागि छुट्याइएको छ भने ९३ हजार ७५० कित्ता शेयर वैदेशिक रोजगारीमा रहेका नेपालीहरूका लागि निष्काशन गरिएको छ। कम्पनीले सञ्चालन गरिरहेको १३.५ मेगावाट क्षमताको सुपर काबेली खोला ‘ए’ जलविद्युत आयोजनाको कुल लागत २ अर्ब ७१ करोड ९० लाख रुपैयाँ रहेको छ। इक्रा नेपालले कम्पनीलाई डबल बी प्लस रेटिङ प्रदान गरेको छ, जसले मध्यम जोखिम रहेको संकेत गर्छ। कम्पनीको आईपीओ निष्काशन तथा बिक्री प्रबन्धक सानिमा क्यापिटल लिमिटेड रहेको छ।