सोमबारको सेयर बजारमा ४ अर्ब ९७ करोडको कारोबार, टप १० ब्रोकरको हिस्सा ४४ प्रतिशत

नेपाल स्टक एक्सचेन्ज (नेप्से)मा सोमबार कुल ४ अर्ब ९७ करोड रुपैयाँको धितोपत्र कारोबार भएको छ। यसमध्ये टप १० ब्रोकरहरू मार्फत मात्रै ४४ प्रतिशत कारोबार भएको छ।

टप १० ब्रोकरमार्फत कुल २ अर्ब ३२ करोड रुपैयाँ बराबरको धितोपत्र खरिद र २ अर्ब ५ करोड रुपैयाँ बराबरको बिक्री भएको तथ्यांक सार्वजनिक भएको छ।

ठूला १० ब्रोकरमध्ये ९ ब्रोकरमार्फत खरिद बढी देखिएको छ। खरिद बढी हुने ब्रोकरहरूमा नासा (Broker 58), भृकुटी (Broker 55), क्यापिटल म्याक्स (Broker 62), भिजन (Broker 34), अनलाइन (Broker 49), इम्पेरियल (Broker 45), आर्यतारा (Broker 57), श्रीकृष्ण (Broker 28) र सनी (Broker 42) रहेका छन्।

त्यसमध्ये नासा सेक्युरिटिजले ५४.७१ करोड रुपैयाँ बराबरको खरिद र ५१.१५ करोड बिक्री, र भृकुटी सेक्युरिटिजले ५२.८६ करोड खरिद र ४८.०४ करोड बिक्री गरेको छ।

एक मात्र ब्रोकर त्रिशक्ति सेक्युरिटिज (Broker 48) मार्फत खरिदभन्दा बिक्री बढी (११.०५ करोड खरिद, १४.७४ करोड बिक्री) भएको छ।

यी ब्रोकरमार्फत लगानीकर्ताले टीएमएस प्रणाली प्रयोग गरी कारोबार गरेका हुन्। आज यी ब्रोकरमार्फत एनआरएन इन्फ्रास्ट्रक्चर, नेपाल पुनर्बीमा, हिमालयन रिइन्स्योरेन्स, सीईडीबी होल्डिङ्स, युनियन हाइड्रोपावर र शिवम् सिमेन्ट लगायत कम्पनीमा बढी कारोबार भएको छ।