सुनको मूल्यले फेरी नयाँ रेकर्ड बनायो

नेपाली बजारमा सुनको मूल्यले फेरी नयाँ रेकर्ड बनायो ।

निरन्तर उकालो लाग्दै आएको सुनको मूल्यमा बुधबारको बढोत्तरीपछि नयाँ रेकर्ड कायम भएको हो ।

नेपाल सुनचाँदी व्यवसायी महासंघका अनुसार प्रतितोला एक हजार आठ सयले बढेर एक लाख ३३ हजार रुपैयाँ तय भएको हो ।

यस्तै, तेजावी सुन तोलमा एक लाख ३२ हजार तीन सय ५० रुपैयाँ निर्धारण भएको छ ।

चाँदीको मूल्य पनि उकालो लागेको छ । चाँदी प्रतितोला एक हजार छ सय १० रुपैयाँ पुगेको छ ।