याम्बालिङ्ग हाइड्रोपावर लिमिटेडको आईपीओ निष्काशन

याम्बालिङ्ग हाइड्रोपावर लिमिटेडले चैत ८ गतेदेखि आईपीओ निष्काशन गर्ने घोषणा गरेको छ । कम्पनीले आयोजना प्रभावित क्षेत्रका स्थानिय बासिन्दा र वैदेशिक रोजगारीमा रहेका नेपालीहरूको लागि आईपीओ जारी गर्ने तयारी गरेको हो। कम्पनीले ७० करोड रुपैयाँको जारी पूँजीको ४० प्रतिशत अर्थात २८ करोड रुपैयाँ बराबरको २८ लाख कित्ता शेयर निष्काशन गर्ने अनुमति पाएको छ। यसमध्ये, ७ लाख कित्ता साधारण शेयर आयोजना प्रभावित क्षेत्रका स्थानिय बासिन्दाहरूको लागि उपलब्ध गराइने छन्। सिन्धुपाल्चोक जिल्लाका जुगल गाउँपालिका वडाहरूका स्थानिय बासिन्दाहरूले यसमा आवेदन दिन सक्नेछन् ।सर्वसाधारणका लागि छुट्याइएको शेयरको १० प्रतिशत, अर्थात २ लाख १० हजार कित्ता, विदेशमा रोजगारीमा रहेका नेपालीहरूको लागि उपलब्ध गराइने छ। आईपीओ आवेदनको न्यूनतम १० कित्ता राखिएको छ, र स्थानिय बासिन्दा अधिकतम ७ हजार, जबकि वैदेशिक रोजगारीमा रहेका नेपालीहरू अधिकतम २१ हजार कित्ताका लागि आवेदन दिन सक्नेछन्।केयर रेटिङ्ग नेपालले कम्पनीलाई "केयरएनपी डबल बी माइनस" रेटिङ्ग प्रदान गरेको छ, जसले कम्पनीको दायित्व बहन गर्ने क्षमतामा मध्यम जोखिम रहेको संकेत गर्दछ। यस परियोजनाको कुल अनुमानित लागत १ अर्ब ८७ करोड ११ लाख ५६ हजार ३१५ रुपैयाँ रहेको छ, र यसको विद्युत अनुमतिपत्र २५ वर्ष ६ महिनासम्मको अवधि रहेको छ ।