बन्दीपुर केबलकारले दोस्रो त्रैमासिकमा नोक्सानी घटाएर सकारात्मक वृद्धि देखायो

बन्दीपुर केबलकार एण्ड टुरिजम लिमिटेडको वित्तीय रिपोर्ट अनुसार चालु आर्थिक वर्षको दोस्रो त्रैमासिकसम्म कम्पनीको नोक्सानीमा सामान्य घटौ भएको छ। कम्पनीको सार्वजनिक गरेको अपरिष्कृत वित्तीय विवरण अनुसार, गत आर्थिक वर्षको पुस मसान्तसम्ममा २ करोड ५९ लाख रुपैयाँको नोक्सानी थियो भने, यो वर्षको सोही अवधिमा नोक्सानी ७४ लाख ९१ हजार रुपैयाँको भएको छ।

यस नोक्सानीको घटावट कम्पनीको सञ्चालन आम्दानीमा वृद्धी र खर्चमा कमी ल्याएको कारणले भएको हो। समीक्षा अवधिमा कम्पनीको सञ्चालन आम्दानी ३९.४८ प्रतिशत बढेको छ भने कुल आम्दानी ७८.४३ प्रतिशतले वृद्धि भएको छ।

यस्तै, कम्पनीको कुल खर्चमा ८.१४ प्रतिशत र वित्तीय खर्चमा ३५.७६ प्रतिशत घटेको छ। दोस्रो त्रैमासिकको अन्त्यसम्म कम्पनीको प्रतिसेयर आम्दानी ५३ पैसा ऋणात्मक रहेको छ भने प्रतिसेयर नेटवर्थ ९२ रुपैयाँ ४७ पैसा रहेको छ। कम्पनीको चुक्ता पुँजी २ अर्ब ८२ करोड ९९ लाख रुपैयाँ रहेको छ भने रिटेन्ड अर्निङ्ग २१ करोड ३० लाख रुपैयाँ ऋणात्मक रहेको छ।