अर्थमन्त्री खनालद्वारा निष्क्रिय पुँजी उत्पादनशील क्षेत्रमा लगानी गर्न जोड

काठमाडौं — अर्थमन्त्री रामेश्वरप्रसाद खनालले उपलब्ध तरलतालाई उत्पादनशील क्षेत्रमा लगानी गरी राष्ट्रिय पुँजी निर्माणमा केन्द्रित हुनुपर्नेमा जोड दिएका छन्। नागरिक लगानी कोषको ३६औँ वार्षिकोत्सव कार्यक्रममा उनले हाल बैंकिङ प्रणालीमा ब्याजदर घटेको र तरलता पर्याप्त रहेको अवस्थामा त्यसलाई उत्पादनमुखी क्षेत्रमा लगानी गर्न आवश्यक रहेको बताएका छन्।अर्थमन्त्री खनालले ठूला पूर्वाधार तथा दीर्घकालीन लगानी आवश्यक पर्ने आयोजना अघि बढाउनुपर्ने बताउँदै बूढीगण्डकी जलविद्युत् आयोजना जस्ता परियोजनामा सार्वजनिक–निजी साझेदारी (पीपीपी) मोडलमार्फत लगानी बढाउन सकिने गरी प्रक्रिया अगाडि बढाइएको जानकारी दिए। उनले निष्क्रिय पुँजीलाई उत्पादनशील क्षेत्रमा लगानी गर्नुपर्नेमा जोड दिँदै, मध्यपूर्वमा देखिएको द्वन्द्वले नेपालको आपूर्ति शृङ्खलामा असर पार्न सक्ने र मूल्यवृद्धि जस्ता समस्या आउन सक्ने भएकाले त्यसमा विशेष ध्यान दिनुपर्ने बताए।उनले वैकल्पिक वित्त परिचालनसम्बन्धी कानुन शीघ्र निर्माण गर्नुपर्ने, विभिन्न अवकाश कोषमा लागिरहेको करमा पुनर्विचार गर्नुपर्ने र समान प्रकृतिका आम्दानी तथा सामाजिक सुरक्षासम्बन्धी रकममा न्यून कर लगाउनुपर्नेमा जोड दिए।कार्यक्रममा नागरिक लगानी कोषका अध्यक्ष तुलसीप्रसाद घिमिरेले कोषले उच्च तथा दिगो आर्थिक विकासका लागि महत्त्वपूर्ण भूमिका खेल्दै आएको बताए। कोषका कार्यकारी निर्देशक पर्वतकुमार कार्कीले लगानी विविधीकरण आवश्यक रहेको भन्दै, हाल करिब आधा रकम बैंक तथा वित्तीय संस्थामा मुद्दती निक्षेप, करिब २२ प्रतिशत सापटी तथा कर्जा र विभिन्न संस्थाका शेयरमा लगानी गरिएको जानकारी दिए। उनले हालको ब्याजदर घट्ने स्थितिले कोषको नाफामा असर पर्न सक्ने बताए।नेपाल वायुसेवा निगममा करिब रु २२ अर्ब लगानी गरिएको भए पनि असुलीमा केही कठिनाइ देखिएको जानकारी दिँदै अर्थमन्त्री खनालले सरकारको ग्यारेन्टीमा ऋण प्रवाह भएकाले त्यसको व्यवस्थापनमा पहल भइरहेको बताए। नेपाल बैंकर्स सङ्घका अध्यक्ष सन्तोष कोइरालाले पनि दीर्घकालीन तथा सुरक्षित प्रतिफलका लागि कोषको लगानी विविधीकरण आवश्यक रहेको उल्लेख गरे।कार्यक्रममाडिजिटलप्रविधिकोप्रयोग, आन्तरिकसुशासनरपारदर्शीहिसाबप्रणालीलाईसुदृढगर्दैकोषलाईदिगोप्रतिफलदिनेसंस्थाकारूपमाविकासगर्नेलक्ष्यपनिसार्वजनिकगरिएकोछ।