रोकिएका धितोपत्र बोर्डका काम अब अघि बढ्ने

नेपाल धितोपत्र बोर्डको रोकिएका काम अब अघि बढ्ने भएका छन्। शुक्रवार आयोजित वार्षिकोत्सवमा बोर्डका अध्यक्ष नरेन्द्र कुमार रानाले यो जानकारी दिएका हुन्। "पुसदेखि रोकिएका काम अब अघि बढ्छन्। त्यसको लागि अध्ययन भइरहेको छ। पहिलो बैठक पनि गरिसकिएको छ। सम्भवतः आउने बैठकले केही निकास दिने काम गर्ने छ," अध्यक्ष रानाले भने।

उनी अर्थ मन्त्रालयका तर्फबाट प्रतिनिधिको रूपमा आएका हुन्। यद्यपि उनलाई मन्त्रालयमा कुनै पनि विभागमा संलग्न गराइएको छैन। उनलाई पुलमा राखिएको छ।

अध्यक्ष रानाले धितोपत्र बोर्डको भवनको लागि सरकारी जग्गा प्राप्त गर्न पहल गर्ने बताए। यस्तै, लेखा समितिको निर्देशनलाई कसरी कार्यान्वयन गर्ने भन्ने विषयमा पनि अध्ययन भइरहेको छ। उनले अन्य निकायले दिएको निर्देशनलाई समेत छलफल गर्नुपर्ने बताए।

रानाले नेपाल धितोपत्र बोर्डमा तत्काल अध्यक्ष नियुक्त गर्न आग्रह गरेका छन्। शुक्रबार धितोपत्र बोर्डले काठमाण्डौको रवि भवनस्थित एक होटेलमा वार्षिकोत्सव कार्यक्रम आयोजना गरेको थियो। कार्यक्रममा अर्थमन्त्री वर्षमान पुनलाई प्रमुख अतिथि बनाइएको थियो। तर, उनको अनुपस्थितिमा राजस्व सचिव डा.राम प्रसाद घिमिरेले प्रमुख अतिथिको भूमिका निभाए।