सुपरमाई हाईड्रोपावरको १:१ हकप्रद शेयर निष्काशन गर्ने निर्णय, माछापुच्छ्रे क्यापिटल बिक्री प्रबन्धक नियुक्त

काठमाडौं । सुपरमाई हाईड्रोपावर लिमिटेडले हकप्रद शेयर निष्काशन गर्ने निर्णय गरेको छ। कम्पनीको सञ्चालक समितिको बैठकले बोनस पश्चात कायम भएको चुक्ता पुँजीको आधारमा १:१ अनुपातमा हकप्रद शेयर जारी गर्ने निर्णय गरेको हो।कम्पनीले मिति २०८२ चैत १७ गते बसेको सञ्चालक समितिको १३४औं बैठकबाट उक्त निर्णय गरेको जनाएको छ। सो निर्णयअनुसार हकप्रद शेयर निष्काशन तथा बिक्री व्यवस्थापनको जिम्मेवारी माछापुच्छ्रे क्यापिटल लिमिटेडलाई दिइएको छ।काठमाडौं महानगरपालिका–११, सुन्धारामा केन्द्रीय कार्यालय रहेको माछापुच्छ्रे क्यापिटल लिमिटेडलाई आधिकारिक रूपमा बिक्री प्रबन्धक नियुक्त गरिएको कम्पनीले नेपाल स्टक एक्सचेन्ज (नेप्से) लाई जानकारी गराएको छ।७.८ मेगावाट क्षमताको सुपरमाई हाईड्रोपावर परियोजना इलाममा सञ्चालनमा रहेको छ। कम्पनीले पूँजी संरचना सुदृढ बनाउन तथा भावी विस्तार योजनालाई अघि बढाउन हकप्रद शेयर निष्काशनको निर्णय गरेको अनुमान गरिएको छ।यससम्बन्धी जानकारी नेपाल धितोपत्र बोर्ड, सिडिएस एण्ड क्लियरिङ लिमिटेड तथा विद्युत नियमन आयोगलाई समेत पठाइएको कम्पनीले जनाएको छ।