माघसम्म निर्जीवन बीमा कम्पनीको बीमा शुल्क संकलन २८ अर्ब नाघ्यो

काठमाडौं । निर्जीवन बीमा कम्पनीहरूले चालु आर्थिक वर्षको माघ मसान्तसम्म कुल २८ अर्ब २७ करोड ४६ लाख रुपैयाँ बराबरको बीमा शुल्क संकलन गरेका छन्। हाल देशभर १४ ठूला र ४ वटा लघु गरी कुल १८ वटा निर्जीवन बीमा कम्पनी सञ्चालनमा रहेका छन्। नेपाल बीमा प्राधिकरण ले सार्वजनिक गरेको तथ्याङ्कअनुसार चालु आर्थिक वर्षको सात महिनामा कम्पनीहरूले उक्त रकम संकलन गरेका हुन्।

समीक्षा अवधिमा सबैभन्दा बढी बीमा शुल्क शिखर इन्स्योरेन्स ले ३ अर्ब ३२ करोड ४ लाख रुपैयाँ संकलन गरेको छ। त्यसपछि सगरमाथा लुम्बिनी इन्स्योरेन्स ले २ अर्ब ९८ करोड ९६ लाख, हिमालयन एभरेष्ट इन्स्योरेन्स ले २ अर्ब ८३ करोड ९३ लाख, सिद्धार्थ प्रिमियर इन्स्योरेन्स ले २ अर्ब ५१ करोड ४९ लाख र आइजिआई प्रुडेन्सियल इन्स्योरेन्स ले २ अर्ब ३८ करोड ६ लाख रुपैयाँ बराबरको बीमा शुल्क संकलन गरेका छन्।