Education News
Stay informed and invest with latest NEPSE news and analysis.
1 min read
सरकारले १० वर्षभन्दा बढी निष्क्रिय रहेका बैंक खातामा रहेको रकम राज्यकोषमा ल्याउने योजना अघि बढाएको छ। हाल यस्ता खातामा करिब १ खर्ब ८८ अर्ब रुपैयाँ रहेको छ। कानुनी प्रक्रिया पूरा गरी र नियम संशोधन गरेपछि मात्र यो योजना कार्यान्वयन हुने देखिन्छ। खातावालाले बैंक वा अनलाइनमार्फत केवाईसी अद्यावधिक गरे खाता पुनः सक्रिय गर्न सकिन्छ।
NEPSETRADING
·30 Mar, 2026
1 min read
काठमाडौँ । सरकारले सार्वजनिक गरेको ‘सुशासन मार्गचित्र, २०८२’ ले बजेट, कर प्रशासन, वित्तीय हस्तान्तरण र सार्वजनिक निकायमा व्यापक सुधारको खाका प्रस्तुत गरेको छ। मार्गचित्रले कर प्रणालीलाई न्यायोचित, प्रगतिशील, पारदर्शी र डिजिटल बनाउन सुझाव दिएको छ। बजेट प्रणालीमा पारदर्शिता, परिणाममुखीता र नागरिक सहभागिता सुनिश्चित गर्न, साथै दोहोरो कार्यक्रम र स्रोत दोहोरिन नदिन साझा परियोजना बैङ्क र समन्वित बजेट प्रणाली विकास गर्न सिफारिस गरिएको छ। राजस्व प्रशासनमा पूर्ण डिजिटल प्रणाली, फेसलेस अडिट र भ्रष्टाचार नियन्त्रणमा जोड दिइएको छ। गैरकर राजस्व बढाउन, सार्वजनिक संस्थाको पुनर्संरचना र व्यावसायिक व्यवस्थापन आवश्यक रहेको उल्लेख छ। प्रशासन सुधारका लागि एक दर्जन निकाय खारेज, केही गाभ्ने र केही प्रदेश वा स्थानीय तहमा हस्तान्तरण गर्ने सिफारिस गरिएको छ। निश्चित उद्देश्य र समय पूरा भएपछि स्वतः खारेज गर्ने नीति कडाइका साथ कार्यान्वयन गर्नुपर्नेमा जोड दिइएको छ।
NEPSETRADING
·30 Mar, 2026
1 min read
नेपाल सरकार ले वैदेशिक रोजगारीका लागि श्रम स्वीकृतिमा रहेको टोकन प्रणाली अन्त्य गरी आवेदन दिएको दिनमै स्वीकृति दिने निर्णय गरेको छ । दीपककुमार साह को उपस्थितिमा बसेको बैठकले श्रम स्वीकृतिलाई छिटो र सहज बनाउने, पूर्वप्रस्थान अभिमुखीकरण तालिमलाई डिजिटल बनाउने, सबै श्रमिकलाई सामाजिक सुरक्षा कोषमा आवद्ध गर्ने र न्यूनतम ज्यालाको पूर्ण कार्यान्वयन गर्ने निर्णय गरेको श्रम, रोजगार तथा सामाजिक सुरक्षा मन्त्रालय ले जनाएको छ । साथै श्रमिकको सुरक्षा, कार्यस्थल स्वास्थ्य तथा सुरक्षा सुधार, आन्तरिक रोजगारी सिर्जना र थप पाँच मुलुकसँग श्रम सम्झौता विस्तार गर्ने विषयमा पनि सरकारको योजना रहेको छ ।
NEPSETRADING
·30 Mar, 2026
1 min read
नेपालबाट वैदेशिक शिक्षाका नाममा ठूलो रकम बाहिरिएको तथ्यांक सार्वजनिक भएको छ। नेपाल राष्ट्र बैंक का अनुसार चालु आर्थिक वर्ष २०८२/८३ को सात महिनामा मात्रै ६४ अर्ब १५ करोड रुपैयाँ विदेशिएको छ। सेवा खाताअन्तर्गत भ्रमण व्यय बढ्दै जाँदा खुद सेवा आय ५० अर्ब २२ करोड रुपैयाँ घाटामा पुगेको छ। उच्च शिक्षा, रोजगारीको अवसर र राम्रो भविष्यको खोजीमा नेपाली विद्यार्थीहरू विदेश जाने क्रम तीव्र बन्दै गएको छ, जसले देशबाट ठूलो रकमसँगै दक्ष युवा जनशक्ति पनि बाहिरिँदै गएको देखिएको छ।
NEPSETRADING
·25 Mar, 2026
1 min read
काठमाडौं – नेपाल धितोपत्र बोर्ड (सेबोन) ले बजारमा तरलता बढाउन र लगानीकर्तालाई ब्रोकरमार्फत ऋण लिएर शेयर किन्ने सुविधा दिन “मार्जिन कारोबार सुविधा सम्बन्धी निर्देशिका, २०८२” जारी गरेको थियो। फागुन १ गतेदेखि लागु भएको भए पनि चैत १० गतेसम्म सेवा सुरु हुन सकेको छैन। नेप्से सञ्चालक समितिले आवश्यक आन्तरिक कार्यविधि पास नगरेको र भित्रको असहमति देखिएकाले ढिलाइ भएको हो। यसले लगानीकर्ताले बजारको फाइदा लिन पाएका छैनन् र नेप्सेको कार्यसम्पादनमा प्रश्न उठाएको छ।
NEPSETRADING
·24 Mar, 2026
1 min read
राष्ट्रिय स्वतन्त्र पार्टी (रास्वपा) नेतृत्वको नयाँ सरकारले ऊर्जा क्षेत्रलाई प्राथमिकता दिने भएको छ। प्रस्तावित प्रधानमन्त्री बालेन साह नेतृत्वमा बन्ने सरकारले आगामी ५ वर्षभित्र १५ हजार मेगावाट र १० वर्षभित्र ३० हजार मेगावाट विद्युत् उत्पादन गर्ने लक्ष्य तय गरेको छ। यसका लागि ठूलो लगानी आकर्षित गर्ने, एकद्वार प्रणाली लागू गर्ने, प्रसारण लाइन विस्तार गर्ने र अतिरिक्त विद्युत् भारत तथा बंगलादेश निर्यात गर्ने योजना बनाइएको छ।
NEPSETRADING
·24 Mar, 2026
1 min read
सानिगाड हाइड्रो लिमिटेड ले आज (चैत ८ गते) देखि आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरूका लागि आईपीओ निष्काशन खुला गरेको छ। कम्पनीले ८५ लाख ५० हजार कित्ता साधारण शेयर निष्काशन गर्ने अनुमति पाएको थियो, जसमध्ये २८ लाख ५० हजार कित्ता स्थानीय बासिन्दाका लागि र ५ लाख ७० हजार कित्ता विदेशमा रहेका नेपालीहरूका लागि छुट्याइएको छ। ३८.४६ मेगावाट क्षमताको माथिल्लो कालंगागाड जलविद्युत आयोजना निर्माण गरिरहेको कम्पनीलाई इक्रा नेपाल ले डबल बी माइनस रेटिङ्ग दिएको छ भने आईपीओको बिक्री प्रबन्धक लक्ष्मी सनराइज क्यापिटल लिमिटेड रहेको छ।
NEPSETRADING
·22 Mar, 2026
1 min read
काठमाडौं – नेपाल टेलिकमका ३ लाख ५६ हजार ग्राहक अझै थ्रीजी इन्टरनेट प्रयोग गरिरहेका छन्। कम्पनीले आगामी आर्थिक वर्ष २०८३/८४ भित्रै सबै थ्रीजी नेटवर्क बन्द गर्ने निर्णय गरेको छ र थ्रीजी सिमकार्ड भएका ग्राहकलाई निःशुल्क फोरजीमा अपग्रेड गराउने योजना बनाएको छ। सेवाग्राहीलाई मोबाइल सन्देश र स्वचालित कलमार्फत जानकारी दिइरहेको छ। एनसेलले पनि झापाबाट थ्रीजी विस्थापन प्रक्रिया सुरु गरिसकेको छ। हाल एनसेलका ९१ हजार मात्र थ्रीजी प्रयोगकर्ता बाँकी छन् भने फोरजी प्रयोगकर्ता १ करोड १९ लाख ८१ हजार पुगेका छन्।
NEPSETRADING
·20 Mar, 2026
2 min read
काठमाडौं – विश्व खाद्य कार्यक्रम (डब्लुएफपी) ले पश्चिम एशियामा अमेरिका, इजरायल र इरानबीच जारी द्वन्द्वका कारण विश्वभर करिब ३२ करोड मानिस भोकमरीको जोखिममा रहेको चेतावनी दिएको छ। युद्धले खाद्य र इन्धन मूल्य वृद्धि गराएको छ र युद्ध जारी रहँदा तथा तेलको मूल्य प्रति ब्यारेल १०० डलर नाघे थप ४ करोड ५० लाख मानिस भोकमरीको चपेटामा पर्न सक्नेछ। डब्लुएफपीले भनेको छ कि सबैभन्दा बढी प्रभाव कमजोर जनसंख्यामा पर्नेछ। इन्धन र ढुवानी खर्च वृद्धिले, अन्तर्राष्ट्रिय सहयोग घटेसँगै, राहत कार्य सञ्चालन गर्न चुनौती बढेको छ। युद्ध क्षेत्रभन्दा टाढाका देश जस्तै सोमालिया, केन्या, सुडान र अफगानिस्तानमा खाद्य असुरक्षा बढ्दै गएको छ र लाखौं मानिसलाई पर्याप्त सहयोग पुग्न सकेको छैन। आगामी तीन महिनाका लागि आपतकालीन राहतका लागि डब्लुएफपीले थप ७७ मिलियन अमेरिकी डलर सहयोगको अपिल गरेको छ।
NEPSETRADING
·18 Mar, 2026
1 min read
काठमाडौं । राहदानी विभागले पुरानो प्रणाली हटाएर नयाँ प्रणाली जडान गर्ने तयारी गरेको छ। यस क्रममा अन्तरिम अवधिमा जिल्ला प्रशासन कार्यालय, इलाका प्रशासन कार्यालय तथा विदेशस्थित नेपाली नियोगबाट प्रदान गरिने राहदानी सेवा एकदेखि तीन दिनसम्म र विभागबाट प्रदान गरिने सेवा करिब एक सातासम्म प्रभावित हुन सक्ने जनाएको छ। नयाँ प्रणाली पूर्ण रूपमा स्थिर हुन एकदेखि तीन महिनासम्म लाग्न सक्ने भएकाले राहदानी आवेदन र जारी प्रक्रियामा ढिलाइ हुन सक्ने विभागले जनाएको छ।
NEPSE TRADING
·13 Mar, 2026
2 min read
शिखर पावर डेभलपमेन्टको आईपीओ आज बन्द हुँदै, हालसम्म १५ गुणा बढी आवेदन काठमाडौं । शिखर पावर डेभलपमेन्ट लिमिटेडले सर्वसाधारणका लागि निष्काशन गरेको प्रारम्भिक सार्वजनिक निष्काशन (आईपीओ)मा आवेदन दिने आज अन्तिम दिन रहेको छ। कम्पनीले फागुन १७ गतेदेखि सर्वसाधारणका लागि आईपीओ बिक्री खुला गरेको थियो भने आज फागुन २६ गते आवेदन बन्द हुन लागेको हो। कम्पनीले सर्वसाधारणका लागि १८ लाख ४२ हजार ६०० कित्ता साधारण शेयर प्रतिकित्ता १०० रुपैयाँ अंकित दरमा निष्काशन गरेको हो। कम्पनीको कुल जारी पूँजी ९८ करोड रुपैयाँ रहेको छ। यसमध्ये ३२ लाख कित्ता (३२.६५ प्रतिशत) शेयर सर्वसाधारणलाई निष्काशन गर्ने योजना रहेको छ। कुल सार्वजनिक निष्काशनमध्ये ९ लाख ८० हजार कित्ता शेयर आयोजना प्रभावित क्षेत्रका स्थानीय बासिन्दा तथा विद्युत् प्रसारण लाइन प्रभावित बागलुङ जिल्लाका स्थानीयलाई छुट्याइएको छ भने बाँकी २२ लाख २० हजार कित्ता शेयर सर्वसाधारणका लागि छुट्याइएको हो।
NEPSE TRADING
·10 Mar, 2026
1 min read
काठमाडौं उपत्यकामा पछिल्लो समय वायु प्रदूषणको स्तर अत्यधिक बढेको छ। आकाश धमिलो देखिएको छ र दृश्य क्षमता घट्दा यातायात तथा हवाई उडानमा समेत सामान्य प्रभाव परेको छ। हावामा धुलो र धुवाँको मात्रा बढेकाले सर्वसाधारणले आँखा पोल्ने र श्वासप्रश्वासमा समस्या महसुस गरेका छन्। हिउँदे वर्षा नहुनु र विभिन्न स्थानमा लागेको डढेलोको धुवाँ उपत्यकामा भित्रिँदा प्रदूषण बढेको मौसमविद्हरूले बताएका छन्। केही दिनसम्म प्रदूषणको अवस्था कायमै रहन सक्ने अनुमान गरिएको छ।
NEPSE TRADING
·9 Mar, 2026
1 min read
काठमाडौं । निर्वाचनलाई शान्तिपूर्ण र सुरक्षित बनाउन आज बिहीबारदेखि मादक पदार्थको बिक्री–वितरण तथा सेवनमा प्रतिबन्ध लगाइएको छ। उच्चस्तरीय निर्वाचन सुरक्षा समितिको निर्णयअनुसार अन्तिम नतिजा घोषणा नभएसम्म यो प्रतिबन्ध कायम रहनेछ। साथै, मतदानको दिन फागुन २१ गते अत्यावश्यक सेवा, कूटनीतिक नियोग र पास प्राप्त सवारीसाधन बाहेक अन्य सार्वजनिक तथा निजी सवारीसाधन सञ्चालनमा रोक लगाइनेछ। एम्बुलेन्स, दमकल, सुरक्षा निकाय र मर्मत सेवासम्बन्धी सवारीसाधन भने सञ्चालनमा रहनेछन्।
NEPSE TRADING
·26 Feb, 2026
1 min read
प्रतिनिधिसभा सदस्य निर्वाचन २०८२ लाई लक्षित गर्दै निर्वाचन आयोगले टिकटक भिडियो प्रतियोगिता सञ्चालन गर्ने भएको छ। यस प्रतियोगितामार्फत मतदाता शिक्षा, निर्वाचन आचारसंहिता, मतदान प्रक्रिया र मतदाताको अधिकारबारे जानकारी फैलाउने उद्देश्य राखिएको छ। एक मिनेटसम्मको मौलिक भिडियो तयार गरी फागुन १७ गतेभित्र आयोगमा पठाउनुपर्नेछ। सबैभन्दा बढी भ्युअर्स पाउने तीन उत्कृष्ट भिडियोले क्रमशः ५० हजार, ३० हजार र २० हजार रुपैयाँ पुरस्कार प्राप्त गर्नेछन्। उत्कृष्ट भिडियोको छनोट स्वतन्त्र विज्ञ र आयोगबाट गरिनेछ।
NEPSE TRADING
·20 Feb, 2026
1 min read
चालु आर्थिक वर्षको करिब छ महिना बित्न लाग्दा पनि सरकारले पुँजीगत (विकास) बजेटको ११ प्रतिशतसमेत खर्च गर्न सकेको छैन। अर्थ मन्त्रालयका अनुसार पुस २६ गतेसम्म ४ खर्बभन्दा बढीको विनियोजित बजेटमध्ये ४३ अर्ब ६० करोड रुपैयाँ मात्र खर्च भएको छ। जेन–जी आन्दोलनका कारण करिब डेढ महिना प्रशासनिक संयन्त्र प्रभावित हुँदा बजेट कार्यान्वयन कमजोर बनेको मन्त्रालयको भनाइ छ। उता, निर्माण व्यवसायीहरूले हचुवाका भरमा छनोट गरिएका प्रतिउत्पादक आयोजनाले विकास निर्माण अवरुद्ध भएको बताउँदै दोषी पक्षको जिम्मेवारी निर्धारण गरेर समस्या समाधान गर्नुपर्ने माग गरेका छन्।
NEPSE TRADING
·11 Jan, 2026
1 min read
नेपाल राष्ट्र बैंकले २० अर्ब निक्षेप संकलन गर्दैछ, अधिक तरलता व्यवस्थापनको प्रयास नेपाल राष्ट्र बैंकले आज आइतबार २० अर्ब रुपैयाँका निक्षेप संकलन गर्ने भएको छ। केन्द्रीय बैंकले अधिक तरलता कायमै रहेपछि १२ दिनका लागि पुनः निक्षेप संकलन उपकरण बोलकबोलमार्फत निक्षेप खिच्ने निर्णय गरेको हो। हाल कुल निक्षेप रकम ७५ खर्ब रुपैयाँभन्दा बढी पुगेको छ। यसले वित्तीय प्रणालीको अधिक तरलता र ब्याजदर व्यवस्थापनमा केन्द्रित केन्द्रीय बैंकले निक्षेप संकलन उपकरण र स्थायी निक्षेप सुविधामार्फत तरलता खिच्दै आएको छ।
NEPSE TRADING
·28 Dec, 2025
2 min read
काठमाडौँमा ‘कस्मेटिका २०२५’ हुँदै, सौन्दर्य र वेलनेस क्षेत्रका व्यवसायी एकै प्लेटफर्ममा नेपालमा कस्मेटिक, सौन्दर्य र वेलनेस क्षेत्रसँग आबद्ध व्यवसायी, ब्रान्ड र सेवाप्रदायकलाई एउटै छानामुनि जोड्ने उद्देश्यसहित ‘कस्मेटिका २०२५’ आयोजना हुने भएको छ। नेपालमै पहिलो र एकमात्र वृहत ट्रेड शोका रूपमा चिनिएको यो कार्यक्रम आगामी पौष ११ देखि १३ गते (डिसेम्बर २६–२८) सम्म काठमाडौँको नक्सालस्थित अम्रपाली ब्याङ्क्वेट सेन्टरमा सञ्चालन हुनेछ। हाउस अफ राजकर्निकारद्वारा आयोजना हुन लागेको उक्त ट्रेड शोलाई नेपाल कस्मेटिक्स बिजनेस एसोसिएसन र ब्यूटिसियन प्रोफेशनल एसोसिएसन अफ नेपालले सहयोग गरेका छन्। कार्यक्रमको मिडिया पार्टनरका रूपमा वाव म्यागजिन, आईएसपी पार्टनर वेवसर्फर र प्रिन्ट पार्टनर सागर आर्ट सर्भिस रहेका छन्।
NEPSE TRADING
·24 Dec, 2025
1 min read
भ्रष्टाचारविरुद्ध शून्य सहनशीलतामा नेपाल प्रतिबद्ध कतारको राजधानी दोहामा जारी संयुक्त राष्ट्रसङ्घीय भ्रष्टाचारविरुद्धको महासन्धि (UNCAC) का पक्षराष्ट्रहरूको ११औँ सम्मेलनमा नेपालले भ्रष्टाचारविरुद्ध शून्य सहनशीलताको नीति अवलम्बन गर्दै आएको स्पष्ट गरेको छ। सम्मेलनमा नेपालले कानुनी, प्रशासनिक तथा संस्थागत सुधारलाई तीव्र रूपमा कार्यान्वयन गरिरहेको जानकारी दिँदै सुशासन प्रवर्द्धनमा आफ्नो प्रतिबद्धता दोहोर्याएको हो। सम्मेलनमा नेपाली प्रतिनिधिमण्डलको नेतृत्व गर्दै प्रधानमन्त्री तथा मन्त्रिपरिषद् कार्यालयका सचिव गोविन्दबहादुर कार्कीले सुशासन र पारदर्शितालाई केन्द्रमा राखेर हाल नेपालमा अन्तरिम सरकार गठन गरिएको उल्लेख गरे। उनले वर्तमान सरकार भ्रष्टाचार नियन्त्रण र सार्वजनिक प्रशासन सुधारका विषयमा दृढतापूर्वक अघि बढिरहेको बताए। उनका अनुसार शासन प्रणालीलाई प्रभावकारी बनाउन नीति, संरचना र कार्यान्वयन तीनै तहमा सुधारलाई प्राथमिकता दिइएको छ।
NEPSE TRADING
·17 Dec, 2025
2 min read
सूर्यकुण्ड हाइड्रोको आईपीओ पुस ९ देखि, आयोजना प्रभावित र वैदेशिक रोजगारीमा रहेका नेपालीका लागि निष्काशन काठमाडौं । सूर्यकुण्ड हाइड्रो इलेक्ट्रिक लिमिटेडले पुस ९ गतेदेखि प्रारम्भिक सार्वजनिक निष्काशन (आईपीओ) खुला गर्ने भएको छ । कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरूका लागि आईपीओ निष्काशन गर्न लागेको हो । नेपाल धितोपत्र बोर्डबाट प्राप्त स्वीकृतिअनुसार कम्पनीले जारी पुँजी ६८ करोड ९६ लाख ७४ हजार ४०० रुपैयाँको २० प्रतिशत बराबरको १३ करोड ७९ लाख ३५ हजार रुपैयाँ मूल्यको १३ लाख ७९ हजार ३५० कित्ता साधारण शेयर निष्काशन गर्ने अनुमति पाएको छ ।
NEPSE TRADING
·16 Dec, 2025
1 min read
मन्दाकिनी हाइड्रोपावरले पुस २९ गते १२औँ साधारण सभा बोलायो, पुस १९ मा बुक क्लोजर काठमाडौं — मन्दाकिनी हाइड्रोपावर लिमिटेडले १२औँ वार्षिक साधारण सभा (एजीएम) आगामी पुस २९ गते आयोजना गर्ने भएको छ । सभा सोही दिन बिहान १० बजे काठमाडौंको धुम्बाराहीस्थित सूर्य क्याटरिङ एण्ड पार्टी प्यालेसमा हुनेछ । कम्पनीले साधारण सभाका लागि बुक क्लोजर मिति पुस १९ गते तोकेको छ । सो मितिभन्दा अघिसम्म सेयर नामसारी भएका शेयरधनीहरूले मात्र साधारण सभामा सहभागी हुन पाउनेछन् ।
NEPSE TRADING
·15 Dec, 2025