Hot News
Stay informed and invest with latest NEPSE news and analysis.
2 min read
सरकारको आगामी आर्थिक वर्षको नीति तथा कार्यक्रम राष्ट्रपति रामचन्द्र पौडेलले प्रस्तुत गरेका छन् । जसमा पूंजी बजारलाई समेत प्राथकिता दिइएको छ । कार्यक्रममा पूंजी बजारको विकासको लागि विशेष जोड दिने घोषणा गरिएको छ । त्यस्तै लघुवित्तको क्षेत्रमा देखिएको समस्या सम्वोधन गर्न लघुवित्तका ऋणहरुको पुनर्तालिकीकरण गर्ने घोषणा पनि गरेका छन् । जसले लघुवित्त कम्पनीको शेयर मूल्यमा समेत प्रभाव पार्नसक्ने विश्लेषण भएको छ ।
NEPSE trading
·14 May, 2024
2 min read
सरकारले आगामी आर्थिक वर्ष (आव) २०८१-८२ मा समेत बन्द उद्योग चलाउने नीति ल्याएको छ । संसद्को संयुक्त बैठकमा पेस गर्दै राष्ट्रपति रामचन्द्र पौडेलले बन्द उद्योग चलाइने बताएका हुन् । निजी क्षेत्र प्रतिस्पर्धी भएका गोरखकाली रबर उद्योग, बुटवल धागो कारखाना र हेटौँडा कपडा उद्योगलाई सम्भाव्यताका आधारमा सार्वजनिक निजी साझेदारी वा अन्य उपयुक्त विधिबाट व्यवस्थापन र सञ्चालन गरिने नीति तथा कार्यक्रममा उल्लेख छ ।
NEPSE trading
·14 May, 2024
2 min read
कर प्रणालीमा सुधार गर्दै राजस्व प्रशासनको दक्षता बढाइने सरकारले घोषणा गरेको छ । राष्ट्रपति रामचन्द्र पौडेलले नीति तथा कार्यक्रम प्रस्तुत गर्दै कर प्रणाली सुधार गर्ने बताएका हुन । वित्तीय क्षेत्रलाई प्रतिस्पर्धी बनाइने बताउँदै लघुवित्त तथा सहकारीमा देखिएका समस्या समाधान गर्न विभिन्न समयमा प्राप्त सुझाव क्रमशः कार्यान्वयन गरिने बताएका छन् ।
NEPSE trading
·14 May, 2024
2 min read
सरकारले आगामी आर्थिक वर्षमा १ हजार युवालाई ‘स्टार्टअप बिजनेस’ सहुलियतपूर्ण कर्जा उपलब्ध गराउने भएको छ । आगामी आवको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले नवप्रवर्तन गर्न प्राज्ञिक क्षेत्र र निजी क्षेत्रसँग सहकार्य गरिने बताए । उनले आगामी आवमा १ हजार साना उद्यमीलाई सरकारले सहयोग गर्ने घोषणा गरे ।
NEPSE trading
·14 May, 2024
2 min read
नेपाली शेयर बजारको मुख्य सुचक नेप्सेले फागुनको अन्त्य देखि विश्लेषण गर्दा सोमबार नै बाई दिएको थियो । तर मंगलबारको बजारमा भने झन २ हजार आठ को विन्दु पार गरेको छ । त्यहि कारणले नेप्सेले मंगलबार अझ स्ट्रोङ बाई दिएको देख्न सकिन्छ । नेप्से सुचकले २ हजार आठ को विन्दु पार गरे मात्र लगानीकर्ताले किन्नु पर्छ भनेर फिबोनाचीले बताएको कुरा हामिले यस अघि आइतवार कै बजार बन्द भए पछि बताएका थियौ । जुन मंगलबारको बजार ले तोडेको छ । २ हजार आठ पछिको दोस्रो टार्गेट २ हजार १ सय ११ रहेको देखिन्छ । त्यो विन्दु पनि यदि नेप्सेले पार गर्छ भने तेस्रो टार्गेट २ हजार २१४ रहेको देखिन्छ । त्यस्तै नेप्से सुचकको चौथो टार्गेट भने २ हजार ३ सय ८१ रहेको छ जुन यो चाटमा समेत देखिन्छ ।
NEPSE trading
·14 May, 2024
2 min read
चालु आर्थिक वर्ष (आव) २०८०÷८१ को १० महिना सकिँदा सरकारको आम्दानीको तुलनामा खर्च झन्डै २ खर्ब बढी देखिएको छ । जसले गर्दा खर्च चलाउन सरकारले ऋणमा भर पर्नुपरेको देखिन्छ । महालेखा नियन्त्रकको कार्यालयका अनुसार सरकारको आम्दानी ८ खर्ब ५७ अर्ब हुँदा खर्च १० खर्ब ५६ अर्ब पुगेको छ । तथ्यांक अनुसार आम्दानीभन्दा खर्च १ खर्ब ९९ अर्बले धेरै देखिन्छ ।
NEPSE trading
·14 May, 2024
2 min read
नेपाली शेयर बजारको मुख्य सुचक नेप्सेले सोमबारको बजार पछि बाई दिएको देखिन्छ । हामिले एआई को माध्यमबाट फागुन ३० पछिको बजार हेर्दा नेप्सेले बाई दिएको हो । नेप्से सुचकले १ हजार ९ सय ९२ विन्दु पार गरेको छ । जसलाई प्राविधिक विश्लेषण गर्दा बाई दिएको हो । अब लगानीकर्ताले किन्नु पर्छ भनेर फिबोनाचीले बताएको छ । त्यसपछिको पहिलो टार्गेट भने २ हजार ५७ रहेको देखिन्छ । त्यो विन्दु पनि यदि नेप्सेले पार गर्छ भने दोस्रो टार्गेट २ हजार १२३ रहेको देखिन्छ । त्यस्तै नेप्से सुचकको तेस्रो टार्गेट भने २ हजार २ सय ३० रहेको छ जुन यो चाटमा समेत देखिन्छ ।
NEPSE trading
·13 May, 2024
2 min read
वाणिज्य बैंकहरुले जेठ महिनाका लागि ब्याजदर सार्वजनिक गरेका छन् । जस अनुसार १९ वाणिज्य बैंकहरुमध्ये ९ बैंकहरुले वैशाख महिनाकै ब्याजदरलाई निरन्तरता दिने भएका छन् । बैंकहरुले प्रकाशित गरेको नयाँ ब्याजदरअनुसार वैशाख महिनाको तुलनामा औसदमा सामान्य घटेको देखिन्छ ।
NEPSE trading
·13 May, 2024
2 min read
अनलाइन ब्याटिङ सट्टेबाजी गर्ने र क्रिप्टोकरेन्सी कारोबार गर्दै आएका काभ्रेका अनिल ढुंगाना पक्राउ परेका छन् । उनी मात्र २४ वर्षका छन् । उनले यस्तोबाट २ अर्ब १ करोडको कारोबार समेत गरेका छन् । उनले ११ वटा कनेक्ट आइपीएसमा ५५ वटा बैंक खाता लिंक गरी ४८ करोड ८० लाख बढी रकम कारोबार गरेको खुलेको छ । NEPSE trading
NEPSE trading
·13 May, 2024
2 min read
नेपालको शेयर बजार, जुन नेपाल स्टक एक्सचेन्ज (नेप्से) को नामले पनि परिचित छ, विभिन्न कारणहरूले गर्दा अस्थिर देखिन्छ। लगानीकर्ताहरूको संख्या सीमित रहेको, आर्थिक र प्राविधिक कारकहरूको परिवर्तन, कम्पनीहरूको प्रदर्शन, र अन्तर्राष्ट्रिय आर्थिक अवस्थाले यस बजारलाई प्रभावित पार्ने गर्दछ। यसैले, लगानीकर्ताहरूले बजारमा लगानी गर्नुपूर्व ध्यानपूर्वक अध्ययन गरी निर्णय लिनु आवश्यक छ।
Nepse Trading
·12 May, 2024
2 min read
नेपाली शेयर बजार सुचक नेप्से तिब्र उतारचढावकाबिच साताको पहिलो दिन बढेको छ । आज हामी यहाँहरुलाई आइतबारको बजारले कस्तो रुप बनायो र आगामी दिनमा लगानीकर्ताले कस्तो रणनीति बनाउने भन्ने विषयमा Artificial intelligence -AI को माध्यामबाट बनेको चाटको विश्लेषण गर्ने छौ ।
Dipesh Ghimire
·12 May, 2024
2 min read
नेपालको चालु खाता र शोधनान्तर बचत निरन्तर बढ्दै जान थालेको एक तथ्याङ्कले देखाएको छ । चालु आर्थिक वर्षको नौ महिना सम्म चालु खाता बचत १ खर्ब ७९ अर्ब ४८ करोड पुगेको छ । जुन नेपाल राष्ट्रबैंले भनेको छ ।
Dipesh Ghimire
·12 May, 2024
2 min read
नेप्से परिसूचक साढे १ प्रतिशत घटेर बन्द गत साताको अन्तिम कारोबार दिन १९९८.९६ विन्दुमा बन्द भएको नेप्से, यस साता १.६८ प्रतिशत अर्थात ३२.७३ अंक घटेर १९६६.२३ विन्दुमा झरेको छ । ५ कारोबार दिनमध्ये दुई कारोबार दिन नेप्से सामान्य अंक बढेर बन्द भएको थियो भने बाँकी ३ कारोबार दिन घटेर बन्द भएको थियो । दैनिक औषतमा २ अर्ब ९० करोडको शेयर कारोबार कुल बजार पूँजीकरण पनि साढे १ प्रतिशत घटेर ३१ खर्ब ६९ अर्ब रुपैयाँ पुग्यो ।
Dipesh Ghimire
·11 May, 2024
2 min read
शेयर लगानीकर्ताले होटल तथा पर्यटनमुलक क्षेत्रमा किन राखे चासो ? नेपाली शेयर बजारमा केही पहिला जलविद्युत क्षेत्रमा रहेको लगानीकर्ताको आकर्षण पछिल्ला दिनहरुमा फाइनान्स, लघुवित्त र विकास बैंकमा देखिएको छ । बिहीबार ती सबैबाट लगानीकर्ताको प्रवेश होटल तथा पर्यटनमुलक क्षेत्रमा पुगेको हो । चालु आर्थिक वर्षको तेस्रो त्रैमासिक अवधिमा पर्यटकीय क्षेत्रमा आएको सुधारले अधिकांशहोटलको कमाई र खुद नाफा बढेपछि सो क्षेत्रका कम्पनीमा लगानीकर्ताले लगानी ‘सिफ्ट’ गरेका हुन् । बीमा र वाणिज्य बैंकको कमाई पछिल्ला वर्षमा घट्दो क्रममा रहेको र उच्च पुँजी भएका कारण ती क्षेत्रमा भने लगानीकर्ताको प्रवेश हुन सकेको छैन । विशेषत न्यून पुँजी भएका ‘लो क्याप’ र सेयर बजारमा थोरै आपूर्ति भएका कम्पनीको कारोबारमा लगानीकर्ताको ध्यान रहेको देखिन्छ । जुन जुन क्षेत्रका कम्पनीमा कारोबार बढ्ने गर्दछ स्वभावले नै लगानीकर्ताको खरिद चाप पनि सोही क्षेत्रका कम्पनीतर्फ डोरिएको पाइन्छ । यद्यपी पछिल्ला दिनमा नेप्से बढ्ने स्पष्ट आधार लगानीकर्ताले नदेख्दा छोटो समयमा नै नाफा सुरक्षित गर्ने क्रममले सेयर बजारलाई अस्थिर बनाएको छ । यस्तै थोरै पुँजी भएका कम्पनीमा खेल्ने प्रयास कारोबारीबाट हसने गरेका छन् । सोही कारण लगानीकर्ताले आफूले लगानी गर्ने स्क्रिप्टको वित्तीय अवस्था, संस्थागत सुशासन, नाफा नोक्सान, क्रमगत प्रगति, मूल्य आम्दानी अनुपात र भविष्यमा गर्नसक्ने प्रगतिलाई समेत विश्लेषण गरेर मात्र लगानी गर्नुपर्ने हुन्छ । बिहीबार ५.६३ अंकले बढेर नेप्से १९६६.२३ बिन्दुमा पुगेको छ ।
Dipesh Ghimire
·9 May, 2024
2 min read
नेपाल आर्थिक पत्रकार समाज (सेजन) ले आयोजना गरेको पूर्व–बजेट छलफलमा नेपाल उद्योग वाणिज्य महासंघका अध्यक्ष चन्द्रप्रसाद ढकाल र नेपाल चेम्बर अफ कमर्शका अध्यक्ष कमलेशकुमार अग्रवाल ले के भने ? चन्द्रप्रसाद ढकाल, अध्यक्ष, नेपाल उद्योग वाणिज्य महासंघ नियामक र निगरानी गर्ने संस्था धेरै भए । यसले निजी क्षेत्रलाई समस्यामा पारेको छ । धेरै वटा निकायबाट नियमन अनुगमन हुँदा समस्या छ । बैंक तथा वित्तीय संस्थाले धेरै पैसा कमाए भन्ने भाष्य बनेको छ । तर अहिले धेरै बैंक तथा वित्तीय संस्था समस्यामा छन् । उनीहरूका लागि केही विशेष व्यवस्था आवश्यक छ त्यस्तै बैंक तथा वित्तीय संस्थाको मर्जर र प्राप्तिमा लगाएको करले गलत सन्देश गएको छ । कमलेशकुमार अग्रवाल, अध्यक्ष, नेपाल चेम्बर अफ कमर्श अहिले उत्पादन र निर्माण क्षेत्रमा नकारात्मक वृद्धिदर दर देखिएकामा राष्ट्रिय पुँजी निर्माणमा समस्या हुन्छ । बैंक तथा वित्तीय संस्थाको ऋण तिर्न नसकेर कालोसूचीमा पर्ने व्यवसायीको संख्या बढिरहेको छ । कोभिडपछि सरकारले लिएका संकुचित वित्त र मौद्रिक नीतिका कारणले अर्थतन्त्रमा शिथिलता आएको छ । चालू आर्थिक वर्षमा तीन दशमलव तीन प्रतिशतको आर्थिक वृद्धिदर प्रक्षेपण गरिएकामा आर्थिक शिथिलताको अन्त्य गर्न निजी क्षेत्रलाई नीतिगत संरक्षण सरकारले गर्नुपर्ने छ । आर्थिक मन्दीका कारण निजी क्षेत्रको सम्पत्तिमा ५० प्रतिशतसम्म ह्रासकट्टी भएको छ । करका दर मात्र बढाएर राजस्व बढ्दैन । चोरी पैठारी रोकिनुपर्छ । सरकारको राजस्व बढाउन निजी क्षेत्रलाई प्रताडित नबनाइयोस । आयकर ऐन संशोधन गर्नुपर्ने आवश्यकता समेत देखिएको छ ।
Dipesh Ghimire
·9 May, 2024
2 min read
चौधरी ग्रुपले नेपालको हस्पिटालीटी उद्योगलाई थप उचाइ दिन विश्वप्रसिद्ध ताज ग्रुपसँग मिलेर ‘एक्यम’ नामको संयुक्त भेन्चरको सुरुवात गरेको छ । सीजी हस्पिटालिटी ग्लोबलका प्रबन्ध निर्देशक राहुल चौधरीले बुधबार मुम्बईमा भव्य कार्यक्रमकाबीच ताजसँगको बृहत साझेदारीमा हस्ताक्षर गरेका हुन् । ताज ग्रुपसँग मिलेर नेपालमा अहिले तीन वटा होटल सञ्चालनमा छन ्भने थप तीन वटा होटललाई पनि ताजमा रुपान्तरण गर्ने गरी निर्माणको कार्य भइरहेको छ । ताज ग्रुपसँगको सहकार्यले नेपालको पर्यटन क्षेत्रलाई बढावा दिन सहयोग पुग्नेचौधरी ग्रुपको विश्वास छ । काठमाडौंको भिभान्ता, भरतपुरमा रहेको मेघौली सेराइ र भरतपुरमा रहेको भिभान्तालाई मात्र नभएर नेपाललाई प्रमुख पर्यटकीय गन्तब्यकै रुपमा विश्वभर ताजको सञ्जालबाट प्रचार गर्ने कुरामा पनि सहमति भएको छ । ‘एक्यम’ प्लेटफर्मबाट नेपालको समग्र पर्यटन क्षेत्रले लाभ लिनेवातावरण बनेको छ । हिमालयन बेल्ट र इण्डियन ओसनमा यसअघिदेखि नै ताज ग्रुपसँग चौधरी ग्रुपको लामो सहकार्यको इतिहास छ । चौधरी ग्रुपले पछिल्ला दिनमा भारतका ठूला ठूला कम्पनीसँग मिलेर नेपालको वृहत आर्थिक गतिविधिमा केन्द्रीत हुँदै आएको छ । जसको पछिल्लो उदाहरण, नेपालमै हिरोको एसेम्ब्ली प्लान्ट स्थापना भएको कामबाट प्रष्ट हुन्छ । केहि समय अघि अडानीसँग मिलेर नेपाली उत्पादन र नेपाली सिमेन्टलाई उत्तर प्रदेश र बिहार राज्यमा निर्यातको कामको सुरुवात भइसकेको छ । यो कार्यलाई निरन्तरता दिँदै आइएकोछ । ‘हामी भारतको प्रख्यात टाटा ग्रुपसँग दशकौंदेखि सहकार्य गर्दै आएका छौं । आगामी दिनमा थप विश्वविख्यात लगानीकर्ताहरुसँग सहकार्य गरेर नेपालमा लगानी भित्राउनेछौं । यसले नेपालको अर्थतन्त्रमा महत्वपूर्ण योगदान दिनेहाम्रो विश्वास छ,’ सीजी हस्पिटालिटीका प्रबन्ध निर्देशक राहुल चौधरीले भन्नुभयो, ‘ताजजस्तो विश्वप्रसिद्ध समूहसँग सहकार्य नेपालकै लागि निकै महत्वपूर्ण छ ।’ विश्वव्यापी स्थापित ताजसँगको सहकार्यले नेपालकोहस्पिटालिटी क्षेत्रमा ठूलो योगदान पुगेको प्रबन्ध निर्देशक चौधरीले बताउनुभयो । ‘नेपालको पर्यटन क्षेत्र र हस्पिटालिटीमा यसले विश्वव्यापीरुपमै राम्रो सन्देश जानेछ । हामी यो समूहसँग मिलेर काम गर्दैछौं । यसको फाइदा नेपाल र नेपालीलाई पुग्ने हाम्रो विश्वास छ,’ उहाँले भन्नुभयो । चौधरी ग्रुपलेभारतकोचर्चित ब्राण्ड गोदरेज, इफ्को र केन्टसँग पनि सहकार्य गर्दै आएको छ ।
Dipesh Ghimire
·9 May, 2024
2 min read
नेपाल राष्ट्र बैंकले मौद्रिक नीति तर्जुमा कार्यविधि संशोधन गरेको छ । कार्यविधि संशोधन गर्दै मौद्रिक नीति समीक्षा त्रैमास सकिएको ४५ दिनपछि मात्रै सार्वजनिक गरिने भएको छ ।मौद्रिक नीति तथा समीक्षा सार्वजनिक गर्ने समय व्यावहारिक बनाउन कार्यविधि संशोधन भएको राष्ट्र बैंकले जनाएको छ । चैत मसान्तसम्मको आर्थिक तथा वित्तीय क्षेत्रको तथ्यांक संकलन भइरहेकाले जेठ पहिलो सातासम्म मौद्रिक नीति समीक्षा सार्वजनिक गर्ने गरी तयारी भैरहेको छ । चैतसम्मको तथ्यांक विश्लेषण गरेर मौद्रिक नीति तर्जुमा मस्यौदा तयार हुने र त्यसमा व्यवस्थापन समिति र सञ्चालक समितिको छलफलपछि सार्वजनिक हुने छ । अहिले उपलब्ध तथ्यांक विश्लेषण लगायत काम अगाडि बढीरहेको छ । मौद्रिक नीति तर्जुमा कार्याविधि अनुसार १५ जेठभित्र अर्को आर्थिक वर्षको वार्षिक मौद्रिक नीति तर्जुमा गर्ने प्रक्रिया सुरु हुने छ । १५ साउनभित्र नयाँ मौद्रिक नीति सार्वजनिक गर्नुपर्ने र १५ जेठमा वित्त नीति आउने भएकाले तेस्रो त्रैमासिक समीक्षा मार्फत मौद्रिक नीतिमा ठूलो परिवर्तन हुने छैन् ।
Dipesh Ghimire
·9 May, 2024
2 min read
अर्थमन्त्री वर्षमान पुनले कस्तो ल्याउने बजेट कस्तो ? नेपाल आर्थिक पत्रकार समाज (सेजन)ले बिहीबार आयोजना गरेको प्रि–बजेट छलफलमा अर्थमन्त्री वर्षमान पुनले बजेटको विषय र निजीक्षेत्रको विषयमा राखेको धारण : निजी क्षेत्रको घटेको मनोबल उठाउने सवालमा बजेटले विशेष ध्यान दिने छ । निजी क्षेत्रलाई तर्साउने नभई परिवार, सम्पत्ति र व्यवसायको सुरक्षालाई प्राथमिकतामा राखिने छ । उद्योगी, व्यवसायी जोसुकैमाथि प्रश्न उठेकै आधारमा अपराधी ठान्ने परम्परा अनुचित हो । निजी क्षेत्रको मनोबल उठ्न नसक्नुका कारण खोजेर सरकारले सहजीकरण गर्ने छ । आगामी बजेटले औद्योगिक वातावरण बनाउन भूमिका खेल्नेछ । आव २०८१।८२ को बजेटले महत्वपूर्ण सुधारको काम अघि बढाउने र बजेट निर्माणका क्रममा धेरै क्षेत्रसँग छलफल गरिसकेको छु । सबै क्षेत्रबाट अर्थतन्त्र शिथिल छ भन्ने गुनाासो धेरै सुनियो तर गत वर्षभन्दा अर्थतन्त्र सुधारातम्क रहेकाले आशावादी भएरै बजेट बनाइरहेका छौं । बजेट बनाउँदा मन्त्रालयहरुले सिलिङ बढाउन दबाब आइरहेको छ । वित्तीय र मौद्रिक नीतिबीच तालमेल गराउँछु । अर्थमन्त्री र गभर्नर टाढै बसेर प्रतिस्पर्धा गर्ने विषय नरहेको र सबैको लक्ष्य मुलुकको विकास हुनुपर्ने आफ्नो धारणा छ । युवामा भरोसा जगाउने प्रयासमा आफ्नो जोड हुने छ । कसैको प्रभावमा नपरी पुस्ट्याइँसहित नीतिहरू परिवर्तन गरिने छ । खर्च गर्न नसकिएको अवस्था सुधार गर्दै आगामी आवमा निजी क्षेत्रको स्रोत परिचालनलाई प्राथमिकता दिइने छ । NEPSE trading
Dipesh Ghimire
·9 May, 2024
2 min read
प्राथमिक शेयर निष्कासन (आईपीओ) निष्कासन प्रक्रिया १० महिनादेखि रोकिएको छ । नेपाल धितोपत्र बोर्डमा रमेश हमाल अध्यक्ष हुँदैदेखि रोकिएको शेयर निष्कासन प्रक्रिया नयाँ अध्यक्ष नियुक्त नहुँदा अहिलेसम्म रोकिएको हो । आईपीओका लागि अनुमति मागेका १८ कम्पनीसमेतको शेयर निष्कासन प्रक्रिया रोकिएको हो । गएको आर्थिक वर्षमा २९ वटा जलविद्युत् कम्पनीका आईपीओ जारी भएका थिए । तर चालु आर्थिक वर्षमा भिजन लुम्बिनी ऊर्जा कम्पनीबाहेक अरू कुनै पनि जलविद्युत् कम्पनीको आईपीओ निष्कासन भएको छैन । जलविद्युत् आयोजनाले ६० प्रतिशत निर्माण पूरा भएपछि आईपीओ जारी गर्ने अनुमति पाउने व्यवस्था छ ।
Dipesh Ghimire
·7 May, 2024
2 min read
विश्व बैंकले नेपालका लागि ८० मिलियन डलर भन्दा धेरैको ऋण सम्झौता स्वीकृत गरेको छ । विश्व बैंकको कार्यकारी बोर्ड बैठकले नेपालका लागि ८० मिलियन डलर अर्थात् १० अर्ब ६८ करोड ९१ लाख रुपैयाँ बराबरको ऋण स्वीकृत गरेको हो । यो ऋण नेपालको आर्थिक क्षेत्रको स्थायित्व, विविधीकरण, वित्तीय समाधान र वित्तीय सेवाहरूमा पहुँच बढाउन खर्च हुनेछ । सहायताले नेपालको बैंकिङ र बीमा क्षेत्रको सुपरिवेक्षणलाई सुदृढ पार्ने र पुँजी, बीमा र विपद् जोखिममा नयाँ वित्तीय उत्पादनको आविष्कारलाई बढावा दिने विश्व बैंकले जनाएको छ ।
Dipesh Ghimire
·7 May, 2024