Trending News
Stay informed and invest with latest NEPSE news and analysis.
2 min read
नेपाल राष्ट्र बैंकद्वारा २०२१ मा परिपक्व हुने विकास ऋणपत्र निष्कासन नेपाल राष्ट्र बैंकले २०२१ सालमा परिपक्व हुने विकास ऋणपत्र निष्कासन गर्ने भएको छ। मौद्रिक व्यवस्थापन विभागले जारी गरेको सूचनाअनुसार, २०८१ चैत २० गते बिहान १०:०० बजेदेखि अनलाइन बिडिङ प्रणालीमार्फत यी ऋणपत्रहरू बिक्री खुला गरिने छ।
NEPSE trading
·2 Apr, 2025
2 min read
छ्याङ्दी हाइड्रोपावर लिमिटेडद्वारा नयाँ संचालक नियुक्त छ्याङ्दी हाइड्रोपावर लिमिटेडले आफ्नो संचालक समितिमा नयाँ संचालक नियुक्त गरेको छ। कम्पनीको मिति २०८१/१२/१९ मा बसेको संचालक समितिको १०९औं बैठकले काठमाडौं जिल्ला, महानगरपालिका, वडा नं. १४ निवासी श्री सूर्य नारायण मालाकारलाई संचालक पदमा नियुक्त गर्ने निर्णय गरेको हो।
NEPSE trading
·2 Apr, 2025
2 min read
छिमेक लघुवित्तले १ लाख कित्ता संस्थापक शेयर बिक्रीमा राख्यो छिमेक लघुवित्त वित्तीय संस्था लिमिटेडले आफ्ना संस्थापक शेयरहरू बिक्रीको घोषणा गरेको छ। संस्थाले कुल १ लाख ९७ कित्ता शेयर बिक्रीका लागि उपलब्ध गराएको छ। यो शेयर खरिदको अवसर हाललाई लघुवित्तका विद्यमान संस्थापक शेयरधनीहरूका लागि मात्र सीमित राखिएको छ। प्रतिकित्ता न्यूनतम मूल्य ४०० रुपैयाँ निर्धारण गरिएको छ। शेयर खरिद गर्न चाहने संस्थापक शेयरधनीले आवश्यक कागजातसहित ३५ दिनभित्र आफूले लिन चाहेको शेयर सङ्ख्या उल्लेख गरी मध्यबानेश्वर, काठमाडौंस्थित लघुवित्तको केन्द्रीय कार्यालयमा आवेदन पेस गर्नुपर्नेछ। यदि तोकिएको अवधिमा विद्यमान संस्थापकहरूबाट कुनै आवेदन प्राप्त नभएमा, ती शेयर अन्य व्यक्ति वा संस्थाहरूलाई बिक्री गर्ने प्रक्रिया सुरु गरिने लघुवित्तले जानकारी दिएको छ।
NEPSE trading
·2 Apr, 2025
2 min read
नेपाल र भारतबीच १० नयाँ विकास परियोजनाका लागि सम्झौता नेपाल र भारत सरकारबीच शिक्षा, स्वास्थ्य र सांस्कृतिक क्षेत्रमा सहयोग विस्तार गर्न १० वटा नयाँ सामुदायिक परियोजनाका लागि सम्झौता भएको छ। यी परियोजनाहरू भारतको आर्थिक सहयोगमा सञ्चालन हुनेछन्, जसको कुल लागत करिब ६२ करोड रुपैयाँभन्दा बढी हुने अनुमान छ।
NEPSE trading
·2 Apr, 2025
2 min read
नेपाल स्टक एक्सचेन्ज (नेप्से) को प्रमुख कार्यकारी अधिकृत (सीईओ) पदमा चुडामणि चापागाईं नियुक्त भएका छन्। सोमबार बसेको मन्त्रिपरिषद्को बैठकले झापाका चापागाईंलाई सीईओमा नियुक्त गर्ने निर्णय गरेको हो। चापागाईंले लामो समय सानिमा बैंकमा काम गरेका थिए र हाल सानिमा रिलायन्स लाइफ इन्स्योरेन्समा डेपुटी जनरल म्यानेजरको रूपमा कार्यरत थिए।
Nepse trading
·1 Apr, 2025
2 min read
गभर्नर नियुक्तिमा नयाँ मोड: उमेर सीमा हट्यो, विवाद चुलियो नेपाल राष्ट्र बैंकको गभर्नर नियुक्तिको प्रक्रिया चलिरहँदा अर्थ मन्त्रालयले एउटा अप्रत्यासित कदम चालेको छ। सार्वजनिक निकायका पदाधिकारी नियुक्तिसम्बन्धी मापदण्डमा संशोधन गर्दै गभर्नर बन्ने उमेरको सीमा हटाइएको छ। यो निर्णय गत २७ फागुनमा भएको र सोमबार औपचारिक रूपमा सार्वजनिक गरिएको मन्त्रालय स्रोतले जनाएको छ। पहिले गभर्नरका लागि ३० देखि ६५ वर्षसम्मको उमेर तोकिएको थियो। अब यो बाध्यता हटेसँगै ६५ वर्ष नाघेका व्यक्तिहरू पनि यो पदका लागि योग्य ठहरिने भएका छन्। यो परिवर्तनले डा. रवीन्द्र पाण्डे र पूर्वमुख्यसचिव राजेन्द्रकिशोर क्षत्रीलाई गभर्नर बनाउने बाटो खुलेको चर्चा सुरु भएको छ।
NEPSE trading
·1 Apr, 2025
2 min read
शंकास्पद कारोबारमा २४ प्रतिशतले वृद्धि, नेपाल राष्ट्र बैंकको प्रतिवेदन सार्वजनिक नेपाल राष्ट्र बैंकको वित्तीय जानकारी इकाईले आर्थिक वर्ष २०८०/८१ को वार्षिक प्रतिवेदन सार्वजनिक गरेको छ। प्रतिवेदन अनुसार शंकास्पद कारोबार तथा गतिविधिमा करिब २४ प्रतिशतले वृद्धि भएको छ। आर्थिक वर्ष २०७९/८० मा ५ हजार ९३५ शंकास्पद कारोबार तथा गतिविधि रहेकोमा आर्थिक वर्ष २०८०/८१ मा यो संख्या बढेर ७ हजार ३३८ पुगेको छ।
NEPSE trading
·31 Mar, 2025
2 min read
हिंसाको आडमा अराजकता: देशको भविष्यमाथि प्रश्न शुक्रबार काठमाडौं उपत्यकामा भएको हिंसात्मक प्रदर्शनले देशलाई गहिरो संकटमा धकेलेको छ। राजसंस्था पुनर्स्थापनाको माग गर्दै सडकमा उत्रिएको समूहले निजी सम्पत्ति, व्यवसाय र सञ्चारमाध्यममा गरेको तोडफोड र आगजनीले राष्ट्रिय अर्थतन्त्रमा अर्बौंको क्षति पुर्याएको छ। दुर्गा प्रसाईंको नेतृत्वमा भएको यो प्रदर्शनले दुई जनाको ज्यान लिएको छ भने सात जना घाइते भएका छन्। यो घटनाले लोकतन्त्रको आधारभूत मूल्य र नागरिकको सुरक्षामाथि गम्भीर प्रश्न उठाएको छ।
Dipesh Ghimire
·29 Mar, 2025
2 min read
हिंसात्मक प्रदर्शनले अर्थतन्त्रमा अर्बौंको क्षति, दुर्गा प्रसाईंको नेतृत्वमा राजावादीको उग्रता शुक्रबार काठमाडौं उपत्यकामा भएको हिंसात्मक प्रदर्शनले देशको अर्थतन्त्रमा गम्भीर असर पारेको छ। राजसंस्था पुनर्स्थापनाको माग गर्दै सडकमा उत्रिएको समूहको नेतृत्व मेडिकल व्यवसायी तथा संयुक्त जनआन्दोलन समितिका ‘कमान्डर’ दुर्गा प्रसाईंले गरेका थिए। प्रदर्शनका क्रममा निजी सम्पत्ति, व्यवसाय, सवारीसाधन र सञ्चारमाध्यममा व्यापक तोडफोड र आगजनी भएपछि स्थिति नियन्त्रणबाहिर पुगेको हो। दुई जनाको ज्यान गएको र सात जना घाइते भएको यो घटनाले देशभर त्रास फैलाएको छ।
NEPSE trading
·29 Mar, 2025
2 min read
तीनकुनेको राजवादी प्रदर्शनमा तनाव: आगजनी, गोली र झडपमा घाइते काठमाडौंको तीनकुनेमा राजसंस्था पक्षधरहरूले सुरु गरेको प्रदर्शन तनावग्रस्त बनेको छ। प्रहरीको बल प्रयोग र प्रदर्शनकारीको आगजनीका कारण स्थिति नियन्त्रणबाहिर गएको स्थानीय पत्रकार सरोज शाहीले जानकारी दिए। राजावादीहरूले बानेश्वरतर्फ अघि बढ्ने प्रयास गरेपछि प्रहरीले अश्रुग्यास प्रहार र लाठीचार्ज गरेको थियो। त्यसपछि प्रदर्शनकारीले रोयल रोयल बैंक्वेट नजिकैका दुई घरमा आगजनी गरेका छन्। आगो निभाउन दमकल पुगे पनि पूर्ण नियन्त्रणमा आउन सकेको छैन। यसअघि ती घरमा ढुङ्गा हान्दै सिसा फुटाइएको थियो।
NEPSE trading
·28 Mar, 2025
2 min read
सर्वोच्च अदालतले नेपाल विद्युत् प्राधिकरणका निवर्तमान कार्यकारी निर्देशक कुलमान घिसिङले दायर गरेको रिट निवेदनमा कारण देखाउ आदेश जारी गरेको छ। न्यायाधीश अब्दुल अजीज मुसलमानको एकल इजलासले शुक्रबार उक्त रिटमाथि सुनुवाइ गर्दै सरकारलाई लिखित जवाफ पेस गर्न निर्देशन दिएको हो। घिसिङले आफूलाई प्राधिकरणको कार्यकारी निर्देशक पदबाट हटाउने सरकारको निर्णयविरुद्ध अन्तिम आदेशको माग गर्दै रिट दायर गरेका थिए। अदालतले दुवै पक्षलाई छलफलका लागि चैत १७ मा बोलाएको छ भने अन्तरिम आदेश जारी हुने वा नहुने विषयमा निर्णय लिनेछ। आदेशमा भनिएको छ, “निवेदकको मागबमोजिम आदेश किन जारी हुन नपर्ने हो ? आधार, कारण र प्रमाण भए १५ दिनभित्र महान्यायाधिवक्ता कार्यालयमार्फत लिखित जवाफ पेस गर्नुहोला।” गत सोमबार मन्त्रिपरिषद्को बैठकले चार महिना कार्यकाल बाँकी रहँदै घिसिङलाई बर्खास्त गरी हितेन्द्रदेव शाक्यलाई नयाँ कार्यकारी निर्देशकमा नियुक्त गरेको थियो।
NEPSE trading
·28 Mar, 2025
2 min read
प्रभु बैंकका सीईओ अशोक शेरचनविरुद्ध बैंकिङ कसुरको आरोपमा सीआईबीमा उजुरी प्रभु बैंकका प्रमुख कार्यकारी अधिकृत (सीईओ) अशोक शेरचनविरुद्ध बैंकिङ सम्पतिमा हानीनोक्सानी पुर्याई बैंकिङ कसुर गरेको आरोपमा केन्द्रीय अनुसन्धान ब्युरो (सीआईबी) मा उजुरी परेको छ। गत चैत १ गते दर्ता भएको उजुरीमा शेरचनले बैंकको सम्पत्तिको अनाधिकृत परिचालन र अपचलन गरेको आरोप लगाइएको छ। उजुरीमा उनलाई पक्राउ गरी छानबिन र कारबाही गर्न माग गरिएको छ भने हिनामिना भएको सम्पूर्ण सम्पत्तिको साँवा, ब्याज र क्षतिपूर्तिसहित बैंकलाई फिर्ता गराउन आग्रह गरिएको छ।
NEPSE trading
·27 Mar, 2025
2 min read
सुधारको संकेत न्यून, राष्ट्र बैंकको निगरानीमा रहेका वित्तीय संस्थाको अवस्था चिन्ताजनक नेपाल राष्ट्र बैंकले उच्च निगरानीमा राखेका एक दर्जनभन्दा बढी विकास बैंक र फाइनान्स कम्पनीको वित्तीय अवस्था कमजोर बन्दै गएको पाइएको छ। केन्द्रीय बैंकको पछिल्लो दोस्रो त्रैमासिक अध्ययनले यीमध्ये केही विकास बैंकको अवस्थामा सामान्य सुधार देखिए पनि फाइनान्स कम्पनीहरूको अवस्था झन् बिग्रिएको जनाएको छ।
NEPSE trading
·27 Mar, 2025
2 min read
अर्थतन्त्रमा सुधारको संकेत, दोस्रो त्रैमासिकमा ५.१% वृद्धिदरको अनुमान राष्ट्रिय तथ्यांक कार्यालयले चालु आर्थिक वर्ष २०८१/८२ को दोस्रो त्रैमासिक (साउन–पुस) को राष्ट्रिय लेखा अनुमान सार्वजनिक गर्दै अर्थतन्त्रमा सुधारको संकेत देखिएको जनाएको छ। बुधबार सार्वजनिक भएको तथ्यांकअनुसार यो अवधिमा समग्र आर्थिक वृद्धिदर ५.१ प्रतिशत हुने प्रारम्भिक अनुमान गरिएको छ। यद्यपि, मौसमी प्रभाव समायोजन गर्दा यो वृद्धिदर २.२ प्रतिशतमा सीमित हुने देखिएको छ। तथ्यांकअनुसार कुल १८ औद्योगिक क्षेत्रमध्ये सबैको मूल्य अभिवृद्धि वृद्धिदर धनात्मक रहेको छ। यातायात तथा भण्डारण क्षेत्रले १४.२ प्रतिशतको उच्च वृद्धिदरसहित अग्रता लिएको छ भने खानी तथा उत्खनन क्षेत्र ९.५ प्रतिशत वृद्धिदरसहित दोस्रो स्थानमा छ। त्यसैगरी, विद्युत तथा ग्यास क्षेत्रको वृद्धिदर ९.२ प्रतिशत र निर्माण क्षेत्रको ९.१ प्रतिशत रहने अनुमान छ। उत्पादनमूलक उद्योगले ७.४ प्रतिशत, वित्तीय तथा बीमा क्षेत्रले ६.६ प्रतिशत र व्यापार क्षेत्रले ६.१ प्रतिशत वृद्धिदर हासिल गर्ने प्रक्षेपण गरिएको छ।
NEPSE trading
·27 Mar, 2025
2 min read
सरकारले थप १० अर्ब आन्तरिक ऋण उठाउँदै, विकास ऋणपत्रको लक्ष्य पूरा हुने सरकारले विकास ऋणपत्रको बोलकबोलमार्फत थप १० अर्ब रुपैयाँ आन्तरिक ऋण उठाउने भएको छ। यो आर्थिक वर्षमा सरकारले २ खर्ब ९ अर्ब रुपैयाँ विकास ऋणपत्रमार्फत आन्तरिक ऋण उठाउने लक्ष्य राखेको थियो। हालसम्म १ खर्ब ९९ अर्ब उठाइसकेको सरकारले अब थप १० अर्बको ऋणपत्र बिक्री गरेपछि यो लक्ष्य पूरा हुनेछ।
NEPSE trading
·26 Mar, 2025
2 min read
बजारको ओरालो यात्रा थामियो, नेप्से २६ अंकले बढ्यो: ठूला लगानीकर्ताको प्रवेशको संकेत काठमाडौं, चैत १०, २०८१ - लगातार ६ कारोबार दिनको ओरालो यात्रापछि नेपाल स्टक एक्सचेञ्ज (नेप्से) मा साताको दोस्रो दिन सोमबार राहतको संकेत देखिएको छ। नेप्से सूचक २६.०१ अंकले बढेर २६४०.७८ विन्दुमा पुगेको छ। अघिल्लो दिन आइतबार ५४.६२ अंकले घटेर २६१४.६८ विन्दुमा झरेको बजार सोमबार सुरुवाती समयमा २५९२.३२ विन्दुसम्म खुम्चिए पनि अन्त्यमा उकालो लागेर २६४०.७८ विन्दुमा स्थिर भएको हो।
Dipesh Ghimire
·24 Mar, 2025
2 min read
नेपाल स्टक एक्सचेञ्ज (नेप्से) मा साताको पहिलो कारोबार दिन आइतबार पनि गिरावटको शृङ्खला कायमै रह्यो। पछिल्लो पाँच कारोबार दिनदेखि लगातार ओरालो लागिरहेको नेप्से परिसूचक ५४.६२ अङ्कले घटेर २६१४.६८ विन्दुमा झरेको छ। सेन्सेटिभ इण्डेक्स ८.३७ अङ्क, फ्लोट इण्डेक्स ३.७० अङ्क र सेन्सेटिभ फ्लोट इण्डेक्स २.८६ अङ्कले तल झरेका छन्। यो अवस्थाले लगानीकर्ताहरूमा तनाव र निराशा बढाएको छ। आइतबार ३१७ स्टकको ७२,२६५ पटकको कारोबारमा ६ अर्ब ३२ करोड १ लाख ४१ हजार रुपैयाँबराबरको १ करोड २३ लाख ७१ हजार कित्ता शेयर किनबेच भयो। गत बिहीबारको ४ अर्ब ५० करोडको तुलनामा कारोबार रकम बढे पनि मूल्य बढेका स्टकको वृद्धिदर ४ प्रतिशतभन्दा कम छ। मिथिला लघुवित्तको शेयर नकारात्मक सर्किट लेभलमा कारोबार भयो, जसको मूल्य १७८.२० रुपैयाँ घटेर १६०३.८० रुपैयाँमा बन्द भएको छ।
Dipesh Ghimire
·23 Mar, 2025
2 min read
१८औं गभर्नर - कोभन्दा कस्तो महत्त्वपूर्ण नेपाल राष्ट्र बैंकका १७औं गभर्नर महाप्रसाद अधिकारीको पाँचवर्षे कार्यकाल चैत २४, २०८१ मा समाप्त हुँदैछ। उनको स्थानमा १८औं गभर्नर को आउँछ भन्ने चर्चा र चासो यतिबेला सर्वत्र फैलिएको छ। विभिन्न व्यक्तिहरूले यो पदका लागि आकांक्षा राखेर दौडधुप थालेका छन्। तर, यहाँ मूल प्रश्न व्यक्तिको पहिचानभन्दा पनि आउने गभर्नरको योग्यता, दक्षता र नेतृत्व क्षमता हो। मुलुकको अर्थतन्त्र संकटको चपेटामा परेको यो संवेदनशील घडीमा गभर्नरको नियुक्ति केवल राजनीतिक भागबन्डाको खेल बन्नुहुँदैन। बरु, बैंकिङ क्षेत्रको स्थायित्व कायम गर्न र समग्र अर्थतन्त्रलाई माथि उठाउन सक्ने दूरदर्शी नेतृत्वको खाँचो छ।
Dipesh Ghimire
·23 Mar, 2025
2 min read
नेपाल उद्योग वाणिज्य महासंघद्वारा आर्थिक वर्ष २०८२/८३ को नीति तथा कार्यक्रमका लागि सुझाव पेश नेपाल उद्योग वाणिज्य महासंघले आर्थिक वर्ष २०८२/८३ को नीति तथा कार्यक्रमका लागि सरकारलाई विभिन्न सुझाव पेश गरेको छ। महासंघका अध्यक्ष चन्द्र प्रसाद ढकालले बुधबार उद्योग वाणिज्य तथा आपूर्ति मन्त्री दामोदर भण्डारीलाई यी सुझावहरू हस्तान्तरण गरेका हुन्। सुझाव पेश गर्ने क्रममा अध्यक्ष ढकालले सरकारले हालै परिमार्जन गरेका कानुनहरूको प्रशंसा गर्दै तिनको प्रभावकारी कार्यान्वयनका लागि नियमावली र कार्यविधि निर्माण गरी सबै तहमा कार्यान्वयनको प्रत्याभूति गर्नुपर्ने बताए। "नीतिगत परिमार्जनले सकारात्मक सन्देश प्रवाह गरेको छ," उनले भने, "तर यसको कार्यान्वयन सुनिश्चित गर्न नियमावलीको प्रभावकारी कार्यान्वयन सबैतिरबाट हुनुपर्छ।"
NEPSE trading
·20 Mar, 2025
2 min read
नेपाल स्टक एक्सचेञ्ज (नेप्से) परिसूचक बुधबार पनि घटेर बन्द भएको छ । पछिल्ला तीन कारोबार दिनदेखि लगातार ओरालो लागिरहेको नेप्सेले यस दिन पनि सोही क्रमलाई निरन्तरता दिएको हो । नेप्से परिसूचक १४.८८ अंकले घटेर २६८२.१५ विन्दुमा झरेको छ । यो गिरावटले बजारमा लगानीकर्ताहरुको मनोबल थप कमजोर बनेको देखिन्छ ।नेप्से परिसूचक २७०० को मनोवैज्ञानिक रेखाभन्दा तल झरेपछि लगानीकर्ताहरुमा थप अन्योलता छाएको छ। त्यहि कारण लगानीकर्ताले बजार हेर्नै छाडेका छन् ।
NEPSE trading
·19 Mar, 2025