NEPSE Trading

1 min read

सानिगाड हाइड्रो लिमिटेड को आईपीओ आजदेखि खुला, स्थानीय बासिन्दा र वैदेशिक रोजगारीमा रहेका नेपालीलाई प्राथमिकता

सानिगाड हाइड्रो लिमिटेड ले आज (चैत ८ गते) देखि आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरूका लागि आईपीओ निष्काशन खुला गरेको छ। कम्पनीले ८५ लाख ५० हजार कित्ता साधारण शेयर निष्काशन गर्ने अनुमति पाएको थियो, जसमध्ये २८ लाख ५० हजार कित्ता स्थानीय बासिन्दाका लागि र ५ लाख ७० हजार कित्ता विदेशमा रहेका नेपालीहरूका लागि छुट्याइएको छ। ३८.४६ मेगावाट क्षमताको माथिल्लो कालंगागाड जलविद्युत आयोजना निर्माण गरिरहेको कम्पनीलाई इक्रा नेपाल ले डबल बी माइनस रेटिङ्ग दिएको छ भने आईपीओको बिक्री प्रबन्धक लक्ष्मी सनराइज क्यापिटल लिमिटेड रहेको छ।

NEPSETRADING

·

22 Mar, 2026

नेपाल टेलिकम र एनसेल थ्रीजी सेवा बन्द गर्दै, सबै ग्राहकलाई फोरजीमा अपग्रेड गर्ने तयारी

Education

1 min read

नेपाल टेलिकम र एनसेल थ्रीजी सेवा बन्द गर्दै, सबै ग्राहकलाई फोरजीमा अपग्रेड गर्ने तयारी

काठमाडौं – नेपाल टेलिकमका ३ लाख ५६ हजार ग्राहक अझै थ्रीजी इन्टरनेट प्रयोग गरिरहेका छन्। कम्पनीले आगामी आर्थिक वर्ष २०८३/८४ भित्रै सबै थ्रीजी नेटवर्क बन्द गर्ने निर्णय गरेको छ र थ्रीजी सिमकार्ड भएका ग्राहकलाई निःशुल्क फोरजीमा अपग्रेड गराउने योजना बनाएको छ। सेवाग्राहीलाई मोबाइल सन्देश र स्वचालित कलमार्फत जानकारी दिइरहेको छ। एनसेलले पनि झापाबाट थ्रीजी विस्थापन प्रक्रिया सुरु गरिसकेको छ। हाल एनसेलका ९१ हजार मात्र थ्रीजी प्रयोगकर्ता बाँकी छन् भने फोरजी प्रयोगकर्ता १ करोड १९ लाख ८१ हजार पुगेका छन्।

NEPSETRADING

·

20 Mar, 2026

पश्चिम एशियामा द्वन्द्वका कारण विश्वभर ३२ करोड मानिस भोकमरीको जोखिममा, डब्लुएफपीको चेतावनी

Education

2 min read

पश्चिम एशियामा द्वन्द्वका कारण विश्वभर ३२ करोड मानिस भोकमरीको जोखिममा, डब्लुएफपीको चेतावनी

काठमाडौं – विश्व खाद्य कार्यक्रम (डब्लुएफपी) ले पश्चिम एशियामा अमेरिका, इजरायल र इरानबीच जारी द्वन्द्वका कारण विश्वभर करिब ३२ करोड मानिस भोकमरीको जोखिममा रहेको चेतावनी दिएको छ। युद्धले खाद्य र इन्धन मूल्य वृद्धि गराएको छ र युद्ध जारी रहँदा तथा तेलको मूल्य प्रति ब्यारेल १०० डलर नाघे थप ४ करोड ५० लाख मानिस भोकमरीको चपेटामा पर्न सक्नेछ। डब्लुएफपीले भनेको छ कि सबैभन्दा बढी प्रभाव कमजोर जनसंख्यामा पर्नेछ। इन्धन र ढुवानी खर्च वृद्धिले, अन्तर्राष्ट्रिय सहयोग घटेसँगै, राहत कार्य सञ्चालन गर्न चुनौती बढेको छ। युद्ध क्षेत्रभन्दा टाढाका देश जस्तै सोमालिया, केन्या, सुडान र अफगानिस्तानमा खाद्य असुरक्षा बढ्दै गएको छ र लाखौं मानिसलाई पर्याप्त सहयोग पुग्न सकेको छैन। आगामी तीन महिनाका लागि आपतकालीन राहतका लागि डब्लुएफपीले थप ७७ मिलियन अमेरिकी डलर सहयोगको अपिल गरेको छ।

NEPSETRADING

·

18 Mar, 2026

नयाँ प्रणाली जडानका कारण राहदानी सेवा अस्थायी रूपमा प्रभावित हुने

Education

1 min read

नयाँ प्रणाली जडानका कारण राहदानी सेवा अस्थायी रूपमा प्रभावित हुने

काठमाडौं । राहदानी विभागले पुरानो प्रणाली हटाएर नयाँ प्रणाली जडान गर्ने तयारी गरेको छ। यस क्रममा अन्तरिम अवधिमा जिल्ला प्रशासन कार्यालय, इलाका प्रशासन कार्यालय तथा विदेशस्थित नेपाली नियोगबाट प्रदान गरिने राहदानी सेवा एकदेखि तीन दिनसम्म र विभागबाट प्रदान गरिने सेवा करिब एक सातासम्म प्रभावित हुन सक्ने जनाएको छ। नयाँ प्रणाली पूर्ण रूपमा स्थिर हुन एकदेखि तीन महिनासम्म लाग्न सक्ने भएकाले राहदानी आवेदन र जारी प्रक्रियामा ढिलाइ हुन सक्ने विभागले जनाएको छ।

NEPSE TRADING

·

13 Mar, 2026

शिखर पावर डेभलपमेन्टको आईपीओ आज बन्द हुँदै, हालसम्म १५ गुणा बढी आवेदन

Education

2 min read

शिखर पावर डेभलपमेन्टको आईपीओ आज बन्द हुँदै, हालसम्म १५ गुणा बढी आवेदन

शिखर पावर डेभलपमेन्टको आईपीओ आज बन्द हुँदै, हालसम्म १५ गुणा बढी आवेदन काठमाडौं । शिखर पावर डेभलपमेन्ट लिमिटेडले सर्वसाधारणका लागि निष्काशन गरेको प्रारम्भिक सार्वजनिक निष्काशन (आईपीओ)मा आवेदन दिने आज अन्तिम दिन रहेको छ। कम्पनीले फागुन १७ गतेदेखि सर्वसाधारणका लागि आईपीओ बिक्री खुला गरेको थियो भने आज फागुन २६ गते आवेदन बन्द हुन लागेको हो। कम्पनीले सर्वसाधारणका लागि १८ लाख ४२ हजार ६०० कित्ता साधारण शेयर प्रतिकित्ता १०० रुपैयाँ अंकित दरमा निष्काशन गरेको हो। कम्पनीको कुल जारी पूँजी ९८ करोड रुपैयाँ रहेको छ। यसमध्ये ३२ लाख कित्ता (३२.६५ प्रतिशत) शेयर सर्वसाधारणलाई निष्काशन गर्ने योजना रहेको छ। कुल सार्वजनिक निष्काशनमध्ये ९ लाख ८० हजार कित्ता शेयर आयोजना प्रभावित क्षेत्रका स्थानीय बासिन्दा तथा विद्युत् प्रसारण लाइन प्रभावित बागलुङ जिल्लाका स्थानीयलाई छुट्याइएको छ भने बाँकी २२ लाख २० हजार कित्ता शेयर सर्वसाधारणका लागि छुट्याइएको हो।

NEPSE TRADING

·

10 Mar, 2026

काठमाडौं उपत्यकामा वायु प्रदूषण उच्च स्तरमा, स्वास्थ्य जोखिम बढ्दै

Education

1 min read

काठमाडौं उपत्यकामा वायु प्रदूषण उच्च स्तरमा, स्वास्थ्य जोखिम बढ्दै

काठमाडौं उपत्यकामा पछिल्लो समय वायु प्रदूषणको स्तर अत्यधिक बढेको छ। आकाश धमिलो देखिएको छ र दृश्य क्षमता घट्दा यातायात तथा हवाई उडानमा समेत सामान्य प्रभाव परेको छ। हावामा धुलो र धुवाँको मात्रा बढेकाले सर्वसाधारणले आँखा पोल्ने र श्वासप्रश्वासमा समस्या महसुस गरेका छन्। हिउँदे वर्षा नहुनु र विभिन्न स्थानमा लागेको डढेलोको धुवाँ उपत्यकामा भित्रिँदा प्रदूषण बढेको मौसमविद्हरूले बताएका छन्। केही दिनसम्म प्रदूषणको अवस्था कायमै रहन सक्ने अनुमान गरिएको छ।

NEPSE TRADING

·

9 Mar, 2026

निर्वाचन अवधिभर मदिरा बिक्रीमा प्रतिबन्ध, मतदानको दिन सवारी सञ्चालनमा कडाइ

Education

1 min read

निर्वाचन अवधिभर मदिरा बिक्रीमा प्रतिबन्ध, मतदानको दिन सवारी सञ्चालनमा कडाइ

काठमाडौं । निर्वाचनलाई शान्तिपूर्ण र सुरक्षित बनाउन आज बिहीबारदेखि मादक पदार्थको बिक्री–वितरण तथा सेवनमा प्रतिबन्ध लगाइएको छ। उच्चस्तरीय निर्वाचन सुरक्षा समितिको निर्णयअनुसार अन्तिम नतिजा घोषणा नभएसम्म यो प्रतिबन्ध कायम रहनेछ। साथै, मतदानको दिन फागुन २१ गते अत्यावश्यक सेवा, कूटनीतिक नियोग र पास प्राप्त सवारीसाधन बाहेक अन्य सार्वजनिक तथा निजी सवारीसाधन सञ्चालनमा रोक लगाइनेछ। एम्बुलेन्स, दमकल, सुरक्षा निकाय र मर्मत सेवासम्बन्धी सवारीसाधन भने सञ्चालनमा रहनेछन्।

NEPSE TRADING

·

26 Feb, 2026

निर्वाचन प्रचारका लागि निर्वाचन आयोगद्वारा टिकटक भिडियो प्रतियोगिता सुरु

Education

1 min read

निर्वाचन प्रचारका लागि निर्वाचन आयोगद्वारा टिकटक भिडियो प्रतियोगिता सुरु

प्रतिनिधिसभा सदस्य निर्वाचन २०८२ लाई लक्षित गर्दै निर्वाचन आयोगले टिकटक भिडियो प्रतियोगिता सञ्चालन गर्ने भएको छ। यस प्रतियोगितामार्फत मतदाता शिक्षा, निर्वाचन आचारसंहिता, मतदान प्रक्रिया र मतदाताको अधिकारबारे जानकारी फैलाउने उद्देश्य राखिएको छ। एक मिनेटसम्मको मौलिक भिडियो तयार गरी फागुन १७ गतेभित्र आयोगमा पठाउनुपर्नेछ। सबैभन्दा बढी भ्युअर्स पाउने तीन उत्कृष्ट भिडियोले क्रमशः ५० हजार, ३० हजार र २० हजार रुपैयाँ पुरस्कार प्राप्त गर्नेछन्। उत्कृष्ट भिडियोको छनोट स्वतन्त्र विज्ञ र आयोगबाट गरिनेछ।

NEPSE TRADING

·

20 Feb, 2026

चालु आर्थिक वर्षको ६ महिना बित्दा पनि विकास बजेट ११ प्रतिशतभन्दा कम खर्च

Education

1 min read

चालु आर्थिक वर्षको ६ महिना बित्दा पनि विकास बजेट ११ प्रतिशतभन्दा कम खर्च

चालु आर्थिक वर्षको करिब छ महिना बित्न लाग्दा पनि सरकारले पुँजीगत (विकास) बजेटको ११ प्रतिशतसमेत खर्च गर्न सकेको छैन। अर्थ मन्त्रालयका अनुसार पुस २६ गतेसम्म ४ खर्बभन्दा बढीको विनियोजित बजेटमध्ये ४३ अर्ब ६० करोड रुपैयाँ मात्र खर्च भएको छ। जेन–जी आन्दोलनका कारण करिब डेढ महिना प्रशासनिक संयन्त्र प्रभावित हुँदा बजेट कार्यान्वयन कमजोर बनेको मन्त्रालयको भनाइ छ। उता, निर्माण व्यवसायीहरूले हचुवाका भरमा छनोट गरिएका प्रतिउत्पादक आयोजनाले विकास निर्माण अवरुद्ध भएको बताउँदै दोषी पक्षको जिम्मेवारी निर्धारण गरेर समस्या समाधान गर्नुपर्ने माग गरेका छन्।

NEPSE TRADING

·

11 Jan, 2026

नेपाल राष्ट्र बैंकले २० अर्ब निक्षेप संकलन गर्दैछ, अधिक तरलता व्यवस्थापनको प्रयास

Education

1 min read

नेपाल राष्ट्र बैंकले २० अर्ब निक्षेप संकलन गर्दैछ, अधिक तरलता व्यवस्थापनको प्रयास

नेपाल राष्ट्र बैंकले २० अर्ब निक्षेप संकलन गर्दैछ, अधिक तरलता व्यवस्थापनको प्रयास नेपाल राष्ट्र बैंकले आज आइतबार २० अर्ब रुपैयाँका निक्षेप संकलन गर्ने भएको छ। केन्द्रीय बैंकले अधिक तरलता कायमै रहेपछि १२ दिनका लागि पुनः निक्षेप संकलन उपकरण बोलकबोलमार्फत निक्षेप खिच्ने निर्णय गरेको हो। हाल कुल निक्षेप रकम ७५ खर्ब रुपैयाँभन्दा बढी पुगेको छ। यसले वित्तीय प्रणालीको अधिक तरलता र ब्याजदर व्यवस्थापनमा केन्द्रित केन्द्रीय बैंकले निक्षेप संकलन उपकरण र स्थायी निक्षेप सुविधामार्फत तरलता खिच्दै आएको छ।

NEPSE TRADING

·

28 Dec, 2025

काठमाडौँमा ‘कस्मेटिका २०२५’ हुँदै, सौन्दर्य र वेलनेस क्षेत्रका व्यवसायी एकै प्लेटफर्ममा

Education

2 min read

काठमाडौँमा ‘कस्मेटिका २०२५’ हुँदै, सौन्दर्य र वेलनेस क्षेत्रका व्यवसायी एकै प्लेटफर्ममा

काठमाडौँमा ‘कस्मेटिका २०२५’ हुँदै, सौन्दर्य र वेलनेस क्षेत्रका व्यवसायी एकै प्लेटफर्ममा नेपालमा कस्मेटिक, सौन्दर्य र वेलनेस क्षेत्रसँग आबद्ध व्यवसायी, ब्रान्ड र सेवाप्रदायकलाई एउटै छानामुनि जोड्ने उद्देश्यसहित ‘कस्मेटिका २०२५’ आयोजना हुने भएको छ। नेपालमै पहिलो र एकमात्र वृहत ट्रेड शोका रूपमा चिनिएको यो कार्यक्रम आगामी पौष ११ देखि १३ गते (डिसेम्बर २६–२८) सम्म काठमाडौँको नक्सालस्थित अम्रपाली ब्याङ्क्वेट सेन्टरमा सञ्चालन हुनेछ। हाउस अफ राजकर्निकारद्वारा आयोजना हुन लागेको उक्त ट्रेड शोलाई नेपाल कस्मेटिक्स बिजनेस एसोसिएसन र ब्यूटिसियन प्रोफेशनल एसोसिएसन अफ नेपालले सहयोग गरेका छन्। कार्यक्रमको मिडिया पार्टनरका रूपमा वाव म्यागजिन, आईएसपी पार्टनर वेवसर्फर र प्रिन्ट पार्टनर सागर आर्ट सर्भिस रहेका छन्।

NEPSE TRADING

·

24 Dec, 2025

भ्रष्टाचारविरुद्ध शून्य सहनशीलतामा नेपाल प्रतिबद्ध

Education

1 min read

भ्रष्टाचारविरुद्ध शून्य सहनशीलतामा नेपाल प्रतिबद्ध

भ्रष्टाचारविरुद्ध शून्य सहनशीलतामा नेपाल प्रतिबद्ध कतारको राजधानी दोहामा जारी संयुक्त राष्ट्रसङ्घीय भ्रष्टाचारविरुद्धको महासन्धि (UNCAC) का पक्षराष्ट्रहरूको ११औँ सम्मेलनमा नेपालले भ्रष्टाचारविरुद्ध शून्य सहनशीलताको नीति अवलम्बन गर्दै आएको स्पष्ट गरेको छ। सम्मेलनमा नेपालले कानुनी, प्रशासनिक तथा संस्थागत सुधारलाई तीव्र रूपमा कार्यान्वयन गरिरहेको जानकारी दिँदै सुशासन प्रवर्द्धनमा आफ्नो प्रतिबद्धता दोहोर्याएको हो। सम्मेलनमा नेपाली प्रतिनिधिमण्डलको नेतृत्व गर्दै प्रधानमन्त्री तथा मन्त्रिपरिषद् कार्यालयका सचिव गोविन्दबहादुर कार्कीले सुशासन र पारदर्शितालाई केन्द्रमा राखेर हाल नेपालमा अन्तरिम सरकार गठन गरिएको उल्लेख गरे। उनले वर्तमान सरकार भ्रष्टाचार नियन्त्रण र सार्वजनिक प्रशासन सुधारका विषयमा दृढतापूर्वक अघि बढिरहेको बताए। उनका अनुसार शासन प्रणालीलाई प्रभावकारी बनाउन नीति, संरचना र कार्यान्वयन तीनै तहमा सुधारलाई प्राथमिकता दिइएको छ।

NEPSE TRADING

·

17 Dec, 2025

सूर्यकुण्ड हाइड्रोको आईपीओ पुस ९ देखि, आयोजना प्रभावित र वैदेशिक रोजगारीमा रहेका नेपालीका लागि निष्काशन

Education

2 min read

सूर्यकुण्ड हाइड्रोको आईपीओ पुस ९ देखि, आयोजना प्रभावित र वैदेशिक रोजगारीमा रहेका नेपालीका लागि निष्काशन

सूर्यकुण्ड हाइड्रोको आईपीओ पुस ९ देखि, आयोजना प्रभावित र वैदेशिक रोजगारीमा रहेका नेपालीका लागि निष्काशन काठमाडौं । सूर्यकुण्ड हाइड्रो इलेक्ट्रिक लिमिटेडले पुस ९ गतेदेखि प्रारम्भिक सार्वजनिक निष्काशन (आईपीओ) खुला गर्ने भएको छ । कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरूका लागि आईपीओ निष्काशन गर्न लागेको हो । नेपाल धितोपत्र बोर्डबाट प्राप्त स्वीकृतिअनुसार कम्पनीले जारी पुँजी ६८ करोड ९६ लाख ७४ हजार ४०० रुपैयाँको २० प्रतिशत बराबरको १३ करोड ७९ लाख ३५ हजार रुपैयाँ मूल्यको १३ लाख ७९ हजार ३५० कित्ता साधारण शेयर निष्काशन गर्ने अनुमति पाएको छ ।

NEPSE TRADING

·

16 Dec, 2025

मन्दाकिनी हाइड्रोपावरले पुस २९ गते १२औँ साधारण सभा बोलायो, पुस १९ मा बुक क्लोजर

Education

1 min read

मन्दाकिनी हाइड्रोपावरले पुस २९ गते १२औँ साधारण सभा बोलायो, पुस १९ मा बुक क्लोजर

मन्दाकिनी हाइड्रोपावरले पुस २९ गते १२औँ साधारण सभा बोलायो, पुस १९ मा बुक क्लोजर काठमाडौं — मन्दाकिनी हाइड्रोपावर लिमिटेडले १२औँ वार्षिक साधारण सभा (एजीएम) आगामी पुस २९ गते आयोजना गर्ने भएको छ । सभा सोही दिन बिहान १० बजे काठमाडौंको धुम्बाराहीस्थित सूर्य क्याटरिङ एण्ड पार्टी प्यालेसमा हुनेछ । कम्पनीले साधारण सभाका लागि बुक क्लोजर मिति पुस १९ गते तोकेको छ । सो मितिभन्दा अघिसम्म सेयर नामसारी भएका शेयरधनीहरूले मात्र साधारण सभामा सहभागी हुन पाउनेछन् ।

NEPSE TRADING

·

15 Dec, 2025

काठमाडौँमा अवैध क्रिप्टो कारोबार आरोपमा एक व्यक्ति पक्राउ, १९ करोडभन्दा बढी रकमको डिजिटल कारोबार खुलासा

Education

1 min read

काठमाडौँमा अवैध क्रिप्टो कारोबार आरोपमा एक व्यक्ति पक्राउ, १९ करोडभन्दा बढी रकमको डिजिटल कारोबार खुलासा

काठमाडौँमा अवैध क्रिप्टो कारोबार आरोपमा एक व्यक्ति पक्राउ, १९ करोडभन्दा बढी रकमको डिजिटल कारोबार खुलासा काठमाडौँमा अवैध रूपमा क्रिप्टो करेन्सीको कारोबार गरेको आरोपमा एक व्यक्ति पक्राउ परेका छन्। काठमाडौँ महानगरपालिका–१५ डल्लु बस्दै आएका मोहम्मद सेफलाई प्रहरीले विशेष सूचनाको आधारमा नियन्त्रणमा लिएको हो। जिल्ला प्रहरी परिसर काठमाडौ‌ँका सूचना अधिकारी पवनकुमार भट्टराईका अनुसार, बारा कलैया नगरपालिका घर भएका सेफ काठमाडौँमा बस्दै क्रिप्टो कारोबारमा संलग्न रहेको प्रारम्भिक अनुसन्धानले देखाएको छ। प्रहरीले सेफको साथबाट विभिन्न कम्पनीका दुई थान मोबाइलसमेत बरामद गरेको छ। ती मोबाइलमार्फत ठूलो परिमाणमा अभौतिक मुद्राको कारोबार गरिएको आशंका रहेको प्रहरीले जनाएको छ। नियन्त्रणमा लिएपछि गरिएको प्राथमिक अनुसन्धानमा १९ करोड ८१ लाख रुपैयाँभन्दा बढी बराबरको डिजिटल कारोबार भएको तथ्य बाहिरिएको छ।

NEPSE TRADING

·

28 Nov, 2025

अर्थतन्त्रको पुनर्संरचनामा कर प्रणाली सरल–सुगम बनाउनु प्राथमिकता: अर्थमन्त्री खनाल

Education

1 min read

अर्थतन्त्रको पुनर्संरचनामा कर प्रणाली सरल–सुगम बनाउनु प्राथमिकता: अर्थमन्त्री खनाल

अर्थतन्त्रको पुनर्संरचनामा कर प्रणाली सरल–सुगम बनाउनु प्राथमिकता: अर्थमन्त्री खनाल अर्थमन्त्री रामेश्वरप्रसाद खनालले नेपालमा लगानी बढ्न नपाउनुका प्रमुख कारणमध्ये एक जटिल कर संरचना भएको स्वीकार गरेका छन्। सिद्धार्थ उद्योग वाणिज्य सङ्घ भैरहवामा आयोजित अन्तरक्रिया कार्यक्रममा बोल्दै उनले अहिलेको कर प्रणालीले व्यवसायी र लगानीकर्तालाई अनावश्यक बोझ दिएको र यसलाई आधुनिक, सरल र विश्वासयोग्य बनाउनु अत्यावश्यक रहेको बताएका हुन्। उनका अनुसार नेपालको आर्थिक चुनौती बजेटको आकार वा स्रोत सीमितताभन्दा पनि बजेट कार्यान्वयनको क्षमता कमजोर हुनु हो। उनले योजनाहरू कागजमै सीमित हुने प्रवृत्तिलाई रोक्न सार्वजनिक खर्च, परियोजना व्यवस्थापन र सरकारी प्रक्रियाहरूलाई सरल तथा छरितो बनाउनुपर्ने आवश्यकता औंल्याए।

NEPSE TRADING

·

28 Nov, 2025

भारत र संयुक्त राज्य अमेरिकाबीच महत्त्वपूर्ण एलपिजी आपूर्ति सम्झौता

Education

1 min read

भारत र संयुक्त राज्य अमेरिकाबीच महत्त्वपूर्ण एलपिजी आपूर्ति सम्झौता

भारत र संयुक्त राज्य अमेरिकाबीच महत्त्वपूर्ण एलपिजी आपूर्ति सम्झौता भारतले संयुक्त राज्य अमेरिकासँग करिब १० प्रतिशत एलपिजी आपूर्ति सुनिश्चित गर्ने एक महत्त्वपूर्ण वार्षिक सम्झौतामा हस्ताक्षर गरेको छ। यस सम्झौतासँगै भारतले आफ्नो ऊर्जा स्रोतहरूको दिगो विविधीकरणतर्फ महत्त्वपूर्ण कदम चालेको बताइएको छ। यसअघि अगस्ट महिनामा अमेरिकी राष्ट्रपति डोनाल्ड ट्रम्पले भारतमाथि ५० प्रतिशतसम्म कर वृद्धि गरेपछि दुवै देशबीचको सम्बन्धमा तनाव आएको थियो। अमेरिकी अधिकारीहरूले भारतले युक्रेनमा चलिरहेको रूसी युद्धमा परोक्ष रूपमा सहयोग गरेको आरोप लगाएका थिए, जसले स्थिति झनै संवेदनशील बनाएको थियो। अर्थात्, राष्ट्रपति ट्रम्पले भारतीय प्रधानमन्त्री नरेन्द्र मोदीसँग सम्भावित व्यापार सम्झौताका लागि रूसी कच्चा तेलको आयातमा कटौती गर्न सहमति जनाउने प्रस्ताव गरेका थिए, तर भारतले उक्त दाबीको औपचारिक पुष्टि नगरेको छ। कृषि व्यापारदेखि रूसी तेल खरिदसम्मका विषयमा मतभेद भए पनि नयाँ दिल्ली र वासिङ्टनबीच वार्ता जारी रहेको छ। यसैबीच, भारतका पेट्रोलियम तथा प्राकृतिक ग्यास मन्त्री हरदीप सिंह पुरीले अमेरिकी खाडी तटबाट वार्षिक २२ लाख टन एलपिजी आपूर्ति गर्ने एक वर्षे संरचित सम्झौतामा हस्ताक्षर भएको जानकारी दिएका छन्। उनका अनुसार, यस्तो प्रकारको सम्झौता भारत र अमेरिका बीच एलपिजी क्षेत्रमा पहिलो पटक भएको हो।

NEPSE TRADING

·

17 Nov, 2025

तीन महिनामै नेपालले चार खर्ब बराबरको व्यापार घाटा बेहोऱ्यो

Education

1 min read

तीन महिनामै नेपालले चार खर्ब बराबरको व्यापार घाटा बेहोऱ्यो

चालु आर्थिक वर्ष २०८२/८३ को पहिलो तीन महिनामा नेपालले करिब रू चार खर्ब बराबरको व्यापार घाटा बेहोरेको छ। भन्सार विभागले आइतबार सार्वजनिक गरेको असोज मसान्तसम्मको तथ्यांकअनुसार, देशले यो अवधिमा रू ४ खर्ब ६८ अर्ब ८ करोड बराबरको वस्तु आयात गर्दा रू ७२ अर्ब ७८ करोड २८ लाख बराबरको मात्रै निर्यात गरेको हो। यसरी तीन महिनामा नेपालले कुल रू ५ खर्ब ४० अर्ब ८६ करोड बराबरको वैदेशिक व्यापार गरेको र त्यसमा रू ३ खर्ब ९५ अर्ब ३० करोड बराबरको घाटा बेहोरेको विभागले जनाएको छ।

NEPSE TRADING

·

26 Oct, 2025

शेयर बजारको मूल्य कसरी निर्धारण हुन्छ ? — माग र आपूर्तिको सन्तुलनले खेल्छ मुख्य भूमिका

Education

3 min read

शेयर बजारको मूल्य कसरी निर्धारण हुन्छ ? — माग र आपूर्तिको सन्तुलनले खेल्छ मुख्य भूमिका

शेयर बजारको मूल्य कसरी निर्धारण हुन्छ ? — माग र आपूर्तिको सन्तुलनले खेल्छ मुख्य भूमिका शेयर बजारको मूल आधार नै माग र आपूर्ति हो । बजारमा कुनै कम्पनीको शेयर किन्न खोज्ने लगानीकर्ताको संख्या बढेमा त्यसको मूल्य बढ्छ । त्यसको विपरीत, बेच्नेहरू बढी भए मूल्य घट्ने स्वाभाविक प्रक्रिया हो । यही सन्तुलनले बजार मूल्यलाई दैनिक रूपमा चलायमान बनाउँछ । विश्लेषकहरूका अनुसार बजारमा कम्पनीको वित्तीय प्रदर्शन, लगानीकर्ताको मनोविज्ञान, र समग्र आर्थिक वातावरणले पनि मूल्यमा प्रभाव पार्छ । ठूला संस्थागत लगानीकर्ताले ठूलो मात्रामा खरिद अर्डर राख्दा तत्काल विक्रेता नपाइएपछि मूल्य अस्थायी रूपमा माथि जान सक्छ । पछि बजार सन्तुलनमा फर्किँदा मूल्य पुनः स्थिर हुने गर्छ ।

NEPSE TRADING

·

13 Oct, 2025

कुमारी क्यापिटलले हराएका शेयर प्रमाणपत्र सम्बन्धी ३५ दिने सूचना जारी

Education

2 min read

कुमारी क्यापिटलले हराएका शेयर प्रमाणपत्र सम्बन्धी ३५ दिने सूचना जारी

कुमारी क्यापिटलले हराएका शेयर प्रमाणपत्र सम्बन्धी ३५ दिने सूचना जारी काठमाडौँ — कुमारी क्यापिटल लिमिटेडले आफ्नो शेयर रजिष्ट्रारका रूपमा कार्यरत विभिन्न कम्पनीका शेयरधनीहरूका हराएका शेयर प्रमाणपत्र सम्बन्धी ३५ दिने अत्यन्तै जरुरी सूचना प्रकाशित गरेको छ। क्यापिटलले शेयरधनीहरूले हराएको प्रमाणपत्रको प्रतिलिपि उपलब्ध गराउन माग गर्दै निवेदन दिएका कारण सो विषयमा सम्भावित दाबीदारहरूले प्रमाणसहित दाबी पेश गर्न आग्रह गरेको हो। सूचनामा भनिएको छ, “यदि कुनै व्यक्ति वा संस्थाले सो शेयर प्रमाणपत्रमा हकदाबी राख्ने भए, यो सूचना प्रकाशित भएको मितिले ३५ (पैँतीस) दिनभित्र कुमारी क्यापिटल लिमिटेड, नागपोखरी, नक्साल, काठमाडौंमा प्रमाणसहित निवेदन दिनुपर्नेछ। अन्यथा, सो अवधिपछि निवेदनमा उल्लेखित हकवालाको नाममा आवश्यक प्रक्रिया पूरा गरी प्रतिलिपि प्रमाणपत्र जारी गरिनेछ।” क्यापिटलले स्पष्ट रूपमा चेतावनी दिएको छ कि तोकिएको समयावधि पछि दर्ता भएका वा रितपूर्वक नपरेका निवेदनहरूमा कुनै पनि प्रकारको कारबाही गरिने छैन।

NEPSE TRADING

·

13 Oct, 2025